ملك:"شفتي زينب شلون تباوع علية بأستهزاء ؟
زينب:"أي اتعلمي هاي البنات ينظرون للخدامات نظرة استحقار!
ملك:"ليش يعني الخادمة ما عدها مشاعر ؟
زينب:"انسي ملك اذا تبقين هيج حساسة راح اتعبين،،
ملك:"بقيت الليل كلة اتكلب أريد انام ما اكدر فكرت أنزل اشرب نسكافيه لأن راسي راح ينفجر ،،
ملك:"كنت واكفة بالمطبخ اسوي نسكافيه وسمعت خطوات تتجه للمطبخ اكيد هاي مشيت أمير اعرف مشيتة واعرف عطرة بدة قلبي يدك سريع ورجلية ثكلن يارب دخيلك ليش من اشوفة هيج يصير بية ملك اثبتي لا الولد ينتبه أحس دكات قلبي كأنما توصل الأذني،،،
أمير :"مساء الخير
ملك:"مساء النور
أمير :"امممم اجتني ريحت النسكافيه وأني بالمكتب
ملك:"لحظة راح اصبلك
أمير :"بس هاي الج
ملك:"مو مشكلة اسوي وحدة ثانية
أمير :"راح اكعد هنا اشربها خو ما ازعجك؟
ملك:"لا لا ابدا تفضل.
أمير :"وين كنتي تشتغلين سابقاً؟
ملك:"ابيت بالمنصور عن طريق زينب
أمير :"وقبلها ؟
ملك:"ماكنت اشتغل
أمير :"دخلتي مدرسة؟
ملك:"أي لحد ثالث متوسط وبطلت
أمير :"اكيد اهلج بطلوج ههه
ملك:"لا اصلا ماعندي أهل !
أمير :"اووو آسف
ملك:"عادي أستاذ
أمير :"اكيد ضوجتك وذكرتج بماضيك
ملك:"اصلا اني مناسيتة بس أحاول اتناسة
أمير :"بيبي هواية تحبج
ملك:"ههههه
أمير :"ليش ضحكتي ممصدكتني ؟
ملك:"لا بالعكس بس لأنه غيرت الموضوع
أمير :"هههه انتي ذكية
ملك..من يضحك أمير أحب أنظر الوجها وبس بقيت اباوع علي ،
أمير :"احم احم وين صفنتي؟
ملك:"ههه لا هيج
أمير :"خليج مبتسمة دائما مو حلوة من تضوجين
ملك:"أحاول شكراً الك
أمير :" اني الي لازم اشكرك
ملك:"على شنو ؟
أمير :"على النسكافيه وعلى الكعدة اللطيفة. ،،،
ملك..بعد ماطلع أمير بقى عطرة بالمطبخ وكلماتة بأذني وأني أتكلم وي نفسي راح أبقى مبتسمة أمير مادام انت قريب مني راح أبقى مبتسمة، ،،،
زينب:"ملك اكعدي الساعة بثمانية
ملك:"عوفيني شوية حبابة مانمت باليل
زينب:"أي كلما افز ما الكاج وين جنتي ؟
ملك:"يم أمير
زينب:"شلووون ولج ملك جاي تتحلمين؟
ملك:"هههه لا صاحية والله جنت يم أمير
زينب:"ولج كومي سولفي شتسوين يم أمير وشلون دخلتي غرفتة؟
ملك:"وخرت الديباج وكعدت ولج ياغرفة شتحجين انتي ؟
زينب:"لعد وين ؟
ملك :"بالمطبخ
زينب :"سولفي بسرعة شصار شحجيتو؟
ملك:"ما حجينة هواية بس كلي خليج مبتسمة
زينب:"وااااو أستاذ أمير معجب بأبتسامك
ملك:"تعتقدين هيج؟
زينب:"لا طبعاً احنة وين وهوة وين بس اكيد جان يتلاطف وياج
ملك:"يمكن خلينا ننزل ،،،
أمير :"صباح الخير
سلمان:"صباح الخير ،،
فيصل :"الجماعة كلهم كعدو أخذوا الريوك
زينب:"أي يلة ملك انتي جيبي الشاي ،،،
ملك..أخذت الشاي وسلمنة عليهم باوعلي أمير وابتسم وأني ابتسمت ابتسامة خفيفة حتى لا الفت الانتباه ،،،
أمير ..بعد ماخلصت الريوك وطلعت لكيت ملك بالحديقة وهية تتأمل الزهور البيضاء كانت ناصعة البياض كبياضها ورقيقة كرقتها ياترى ليش هاي الإنسانة الرقيقة الهادئة عيونها حزينة أحياناً احسها مثل الطفلة البريئة وأحياناً احسها مثل العجوز بحكمتها ومنطق كلامها ،،
أمير :"صباح الخير
ملك:"صباح النور
أمير :"عجبتك هاي الزهور ؟
ملك:"أي كولش حلوين
أمير :"أني زرعتهم تفضلي هاي البيضاء الج
ملك:"لا أستاذ شكراً خليهم بمكانهم
أمير :"اخذيهم يمج بالبكونة اكيد راح تداريها أكثر مني ،،،
سلمان:"أمير جاهز اتأخرنا
أمير :"أي بابا جاي عن اذنج، ،،،
يتبع
