فرح:"امممم شنو هاي المعكرونة ريحتها تجنن وبدت تاكل فرح من المعكرونة !!
ملك:"هاي عمتي سوتها فرح فرح وكعت فرح بالكاع وصارت زركة وبدة وغف يطلع من حلكها!!!
ملك:"فرررح فرررح الحكولي فرح وكعت ..
سعاد :"فرح شبيها ولج احجي؟
ملك:"ما ادري بس أكلت شوية
سعاد :"أكلت معكرونة ولك أيمن جيب سيارة أركض بسرعة
أيمن :"شبيها شكو ؟
سعاد :"ولك أركض اختك اسممت!
ملك..شنو يعني تسممت؟! يعني المعكرونة مسمومة معقولة عمتي هيج تكرهني تريد تقتلني !!!،
ملك..بعد ما أخذوا فرح للمستشفى فرغت جنطتي من الكتب وخليت بيها ملابسي وأخذت دفتر مذكراتي وسجادة الصلاة ولعابتي لأن عزيزات علية بس كنت متوترة وارجف كلما الزم شغلة توكع من أيدي ! وصلت الباب الشارع فكرت وين اروح ماعندي غير زينب رجعت دورت على الورقة الي بيها العنوان كلبت الغرفة والكتب الحمدلله لكيتها! ،،
أيمن :"طمنة دكتور ؟
الطبيب :"جبتوها بالوقت المناسب لأنه السم كان قاتل ! الحمدلله كدرنة ننقذها، ،
ملك..بعد ما تعذبت ومشيت هواية وصلت للمكان البي زينب ودكيت الباب ،،
...منو
ملك:"اني
...نعم منو حضرتج؟
ملك:"اني ملك صديقة زينب
...لحظة هسه اصيح زينب ،،
زينب:"هلو ملك شنو هاي المفاجأة
ملك:"حضنت زينب وبجيت
زينب:"شكو حبيبتي اكيد هاي سعاد ضربتج
ملك:"ياريت لو بس ضاربتني!
زينب:"تعالي دخلي هسة أخلص شغلي واجيج الغرفتي، ،،
ملك..بعد ما سولفت الزينب كل الي صار بية حجت وي أهل البيت واترجتهم أبقى يمها بغرفتها بس ماقبلوا اكعد بدون شغل رادوني أساعد زينب بشغل البيت واذا عجبهم شغلي ينطوني راتب ما كان عندي خيار ثاني وافقت اشتغل خادمة! ،،،
ملك..بقيت سنتين اشتغل يم بيت أبو محمد وي زينب ما طلعنا ولا شفت أحد من بيت عمو بس عرفت فرح عايشة الحمدلله ومخطوبة السلام ومصطفى متزوج رحاب ما نقهرت ولا بجيت لأن ما كنت أحب كزوج جان مثل أخوية ورا ما اشتغلت يم بيت أبو محمد سنتين تهموني بسرقة !! وطردونة اني وزينب كالو اطلعي بهدوء لا نطلب الشرطة! ،،
زينب:"كافي حبيبتي لتبجين
ملك:"والله حتى ما اندل فلوسهم وين صار سنتين اشتغل وياهم ما عرفوا أخلاقي
زينب:"ميخالف حبيبتي انسيهم خل انأجر غرفة رخيصة ونخلي أسمائنا بمكتب اذا أحد يحتاج عاملة يجي للمكتب
ملك:"آسفة زينب انطردتي بسببي
زينب:"وأنتي شمسوية قابل صدك بايكة منهم
ملك:"زين خل نشتغل شغلة ثانية آلة خادمات
زينب:"لج الناس إلي تجي على طريق المكاتب كلها ناس راقية ومحترمة ما راح تحسين نفسج خادمة راح تشبعين فلوس ودلال، ،
ملك:"تعبت وراح يصير الليل وين نبات ؟
زينب:"ماكو غرفة وحدة كلها بيوت كبار وغالية خل انأجر بفندق ،،
زينب:"لكينة فندق رخيص واجرنا
ملك شنو هذا الدفتر يومية تكتبين بي؟
ملك:"دفتر مذكرات ليش ماعندج مثلة؟
زينب:"يووو حتى نسيت القراءة والكتابة وبعدين شكتب شو ذكرياتي كلها قهر بقهر!
ملك:"عندي إحساس راح أعيش مثل الأميرة ومن اقرة هذا الدفتر يمكن اضحك أو ابجي ما اعرف
زينب:"اييي بالحلم نصير أميرات ههه
صدوك ملك اني منعسانة سولفيلي شوية على فارس احلامج؟
ملك:"هههه انتي سولفي وبعدين اني
زينب:"اني أبالي شخص غني يتزوجني ويسافر بية واروح وياه الكل دول العالم ويشبعني ذهب وفساتين وهدايا وووو
ملك:"شنو هذا الطمع أني عكسج اني فارس أحلامي وسيم وابيض وشعره سرح وعيونة كبار رومانسي وشوية عصبي ويحبني بجنون و
زينب:"لحظة لحظة انتي متأثرة بالأفلام وين اكو هيج شاب
ملك:"اني كلت فارس أحلامي يعني عايش بأحلامي حتى إذا ماكو بالواقع فهوة بخيالي زينب زينب هههه نمتي. .
يتبع
