أم سلمان:"اكعدو ليش وكفتو
أمير :"بيبي احنة
أم سلمان :"اعرف أمير اعرف
ملك..خفت بوقتها وأني انظر الأم سلمان اكيد راح ترزلنا! ،،،،
أمير :"شنو الي تعرفي بيبي ؟
...اعرف الي بينك وبين ملك
ملك:"اني ا
...لتخافين بنتي ما جاية احاسبكم اني عرفت بعلاقتكم صار شهرين بس انتظرت الوقت المناسب حتى احجي
أمير :"هههه على أساس احنة ممبين علينة
أم سلمان :"مبين بعيونكم وليدي اصلا اني تزوجت جدك على حب هههه
ملك..الحمدلله طلعت الحجية متفهمة و مثقفة ،،
أم سلمان:"ليش ساكتة ملك؟
ملك:"اني آسفة اعرف اني غلطانة
أم سلمان:"لا لا حبيبتي منو كال الحب غلط انتي بنت أصول مثقفة ومؤمنة أمير ماراح يلكة احسن منج
ملك:"حضنت الحجية وأني ابجي دكت بأيدها على ضهري وكلت الأمير تعال وحضنتة أمير يباوع علية من ورا ضهر بيبيتة ورفعلي حواجبة وأني ابجي ضحكت ،،،
أم سلمان:"بس تبقى مشكلة سلمان تعرف أمير والدك اختار سارة
ملك:"اختار سارة؟
أمير :"بعدين افهمج ملك
أم سلمان :"والدك عصبي أمير شلون راح تقنعة؟
أمير :"راح يقتنع بيبي واكيد انتي راح تساعديني
أم سلمان:"ان شاء الله باجر نحجي وياه
*****
ملك..صار الصبح وأني قلقانة ومتوترة شلون راح تكون ردت فعل أبو أمير ؟!!،،،
سلمان:"انت شتحجي أمير انت صاحي ؟
أمير :"بابا بس على كيفك اهدء وخل نتفاهم
سلمان:"كام وضرب الميز بيدة حيل ماكو تفاهم اكيد هاي نزوة انت السارة وسارة الك منو هاي ملك تريد تزوجها اكيد تخبلت
أم سلمان:"على كيفك سلمان البنية خوش بنية و
قاطعها سلمان امي شلون تشجعينة هاي الخدامة اكيد استغلت طيبتنا وطمعت بأمير مع الأسف عليك أمير يعني أمير سلمان صاحب أكبر شركات بالعالم يتزوج خدامة شراح تكول عليك الناس
أمير :"وبصوت عالي بابا الخدامة هم انسانة وانت تعرف ضروفها وتعرف ليش صارت عاملة
سلمان:"هذا الموضوع منتهي ما أريد اسمعة بعد اسمعي يمة رايح للعمل ارجع باليل ما الكة هاي ملك !
أمير :"بابا
سلمان:"العندي حجيتة يلة امشي عدنا شغل اتحرك أمير
أمير :"بيبي اني رايح لتحجين هذا الحجي الملك
سلمان:"اميير
أمير :"جاي بابا جاي ،،،
ملك..اجت الحجية لكتني كاعدة على الدرج وابجي سمعت كل حجيهم، ،
أمير ..اتصل على ملك مترد يمكن سمعت كلام ابوية وكلما أريد اروح للبيت ابوية يشغلني بالشركة وكان يتقصد حتى لا اروح الملك ،،،،
****
ام سلمان:"شنو هاي الجنطة ملك وين رايحة ؟
ملك:"وهية تبجي رايحة يم زينب
أم سلمان:"بعدهم عرسان يمة
ملك:"لعد وين اروح ؟
أم سلمان:"تعالي يمة باتي اليوم وباجر نشوف شنسوي
ملك:"وأبو أمير يقبل ؟
أم سلمان:"هوة صح عصبي بس قلبة طيب من يجي احجي وياه
ملك:"عادي انام يمج اليوم؟
أم سلمان :"أي بنتي تعالي جيبي جنطتج ودخليها لغرفتي، ،،،
****
سمير :"صح الكلام الي حجاه ابوية ؟
أمير :"أي مثل مسمعت
سمير:"صدوك تحجي أمير يعني تفضل ملك على سارة ؟
أمير :"اوووف ما ناقصك سمير
سمير:"ليش متوتر احجيلي الي بكلبك
أمير :"مو متوتر خايف لا ملك سمعت كلام بابا وتركت البيت
سمير:"يعني انت صدك تحبها؟
أمير :"واعشقها أي اعشقها عشق
سمير:"توقعتها نزوة
أمير :"تتصور هسة ملك تركت البيت ؟
سمير:"تحب اتصل عليها؟
أمير :"اتصلت مترد
سمير :"يمكن ترد علية
******
ملك:"هذا سمير يتصل
أم سلمان :"ردي يمة
ملك:"انتي ردي علي
أم سلمان:"الو ها بيبي
سمير :"شلونج بيبي ملك موجودة؟
أم سلمان :"أي موجودة بس تعبانه شوية
أمير :"انطيني الموبايل هلو بيبي ملك سمعت كلام بابا؟
...أي بيبي سمعتة بس ما خليتها تطلع ،،،،،
*****
أمير ...رجعنا للبيت اني وابوية وسمير صعدت الغرفة ملك ما لكيتها! ،،،
أم سلمان:"لتخاف أمير ملك بغرفتي
أمير :"الحمدلله اشكرج بيبي ،،،
سلمات:"يمة راحت هاي الي اسمها ملك؟
أم سلمان:"ما عدها أحد رادت تروح الزينب بس مثل ماتعرف عرسان وما خليتها
سلمان:"والحل ؟
أم سلمان:"راح تبات يمي اليوم والصبح الله كريم
سلمان:"أي من الصبح اصرفيها
أم سلمان:"يمة سلمان
سلمان:"يوم الصبح صرفيها تصبحي على خير ،،،
يتبع
