أمير :"صباح الخير
سلمان:"صباح الخير تروح للشركة اليوم
أمير :"بصراحة اليوم حاب اسوي ثواب الأمي الله يرحمها
سلمان:"الله يرحمها بس احنة كل سنة نجيب من المطعم ونوزع
أمير :"بصراحة فكرت نوزع تمر وحلويات
أم سلمان:"أي والله احسن فكرة
سلمان:"مثل ما تحب اني رايح بمكانك ،،،،
أم سلمان:"هاك أمير سجلتك كل الي نحتاجه بهاي القائمة
أمير :"اوك دقائق واجيبهم، ،،
أم سلمان :"أمير هليام هواية متغير
فيصل :"اني هم هيج شايف ،،،
أمير :"هاي المواد شلون راح تسوونة؟
ملك:"نفلس التمر ونسوي طوبات ونخلي علي سمسم
زينب:"أي والحلاوة شتحبون اسويها؟
أمير :"لا جبت كيلوات جاهزة
أم سلمان:"يلة خلي نبلش حتى المغرب نوزع
ملك:"اكعدو على الطاولة وأني راح أجيب التمر
أمير :"لا التمر ثكيل انتي أخذي الصواني اني اجيبة، ،،،
سمير:"هاي شنو كاعدين وتسوون تمر
أم سلمان :"تعال ساعدنة التمر هواية
سمير :"اني اساعدكم هههه شوف منضر أمير والله راح اصورك وانشرها بالفيس ههه
أمير :"اذبحك غير
سمير:"شنو اليوم متروح للشغل ؟
أمير :"لا لأن اكو ناس كلولي من تسوي الثواب بيدك راح تعرف أمك وتحس هذا منك
سمير:"ومنو ذولة الناس ؟
أمير :"ناس متعرفهم
ملك:"ابتسمت ودنكت، ،،،
****
ملك. ..خلصنا التمر و وزعنا وحسيت أمير ارتاح الحمدلله، ،،،
****
أمير :"شكراً الج
ملك:"على شنو ؟
أمير :"سويت مثل ما طلبتي صليت الأمي وقريت قرآن وزعت الثواب وبصراحة هواية ارتاحيت
ملك:"الحمدلله ان شاء الله دائماً مرتاح
أمير :"عندج شي ليش مستعجلة ؟
ملك:"لا ماعندي شي بس راح انام لأن باجر راح يجون ضيوف وأكيد عدنة شغل هواية
أمير :"اييي نسيت باجر يجون بيت أبو سارة
ملك:"تصبح على خير
أمير :"كمليها
ملك:"مافهمت
أمير :"تصبح على خير أمير أحب هيج اسمعها
ملك:"ههه تصبح على خير أمير ،،،
***
زينب:"صعدتي من وقت اليوم؟
ملك:"مو كتلج راح أحاول ابتعد لذلك جاي أحاول
زينب:"أي عفية احسن هيج ،،،
ملك...اجاني مسج من أمير وأنتي بألف خير ملك
ملك:"هههه هسة يلة ؟
أمير :"نسيت اكلج ههه
ملك:"هههه اوك
أمير :"راح تنامين؟
ملك:"ليش محتاج شي؟
أمير :"امممم ما اعرف حاب اتراسل وياج شوية
ملك:"اوك منعسانة
أمير :"ممكن سؤال
ملك:"اكيد تفضل
أمير :"ليش صار يومين تتهربين مني؟
ملك..صفنت شوية
أمير :"شنو نمتي؟
ملك:"لا بس ما اكدر اجاوب
أمير :"بس ضروري اعرف الإجابة اني مضوجج؟
ملك:"لا أبدا
أمير :"لعد شنو ليش تتهربين مني وليش من اباوع عليج تدنكين اكو شي؟
ملك:"هيج احسن
أمير :"بس لازم اعرف
ملك:"ما اعرف شكول
أمير :"كولي الي جاي تحسين بي
لأن بعد منتصف الليل الكلام يكون طالع من القلب مابي كذب
ملك:"لذلك خايفة اجاوب
أمير :"يعني تخافين تكولين انتي بشنو حاسة ؟
ملك:"ممكن ما اجاوب هسة ؟
أمير :"ممكن بس بشرط
ملك:"شنو ؟
أمير :"تجاوبين باجر انتظر منج جواب
ملك:"أفكر
أمير :"هذا شرط
ملك:"اوك ،،،
أمير ..اجو بيت أبو سارة واتفقوا ابوية وأبو سارة على خطوبتنا اني وسارة!!،،،،
أبو أمير :"عندك شي تحب تكولة أمير ؟
أمير :"لا بابا طلباتك أوامر
أبو سارة :"يعني أفهم من كلامك بأنه زواجك من سارة طلب من ابوك؟
أمير :"لا طبعاً أقصد على موعد الخطوبة
أبو أمير :"لا لا أبو سارة أمير هوة الي اختار سارة قبل سنتين، ،،
أبو سارة:"احنة نروح بعد وأن شاء الله بيوم خطوبة الشباب نطبك شركاتنة المحلية وبيوم زواجهم نطبك الشركات العالمية
أبو أمير :"أي أي أن شاء الله، ،،
أم سارة:"احنة نروح أم سلمان
أم سلمان :يا أهلا وسهلا شرفتونا
أم سارة:"ننتظر جيتكم الأسبوع الجاي ههه
أم سلمان:"ها اتفقوا الجماعة؟
أم سارة:"أي الحمدلله، ،،،
ملك:"أموت واعرف شيسولفون
زينب:"ههههه عليمن دكعدي راح يرحون ونعرف ،،،،،
أمير :"اوووف وأخيرا راحو
أم سلمان :"شلون توافق على سارة وانت مو طايقهم؟
أمير :"هههه على أساس هوة زواج هاي صفقة بيبي
...شلون يعني صفقة تعتقدون الزواج لعبة؟
...روحي احجي هذا الحجي يم ابوية ،،،،
****
ملك...بعد ما كل واحد دخل الغرفتة كملت تنظيف المطبخ وردت اصعد تلكاني أمير على الدرج وما خلاني اصعد ،،،،
ملك:"ممكن شوية بس اصعد
أمير :"لا
ملك:"ليش ؟
أمير :"وين الوعد؟
ملك:"مو اليوم كنة مشغولين
أمير :"بس هسة فرغنا
ملك:"بس اصعد واجاوبك
أمير :"لا هسة أريد اشوف عيونج وانتي تحجين
ملك:"بس
أمير :"لزم ملك من ايدها واخذها للحديقة
ملك..من لزم أيدي واخذني ما منعتة أبد وقلبي كام يدك سريع وكمت ما اشوف زين ولا حتى اسمع !،،،
أمير :"هنا محد يشوفنا
ملك:"شنو حاب تعرف ؟
أمير :"باوع بعيون ملك وتقرب من وجها أنتي حاسة بنفس احساسي مو ؟
ملك..صح الجو كان طبيعي بس كمت ارجف ساعة أريد اعوفة وادخل ركض وساعة أريد احضنة واكلة بكولشي حاستة! ،
امير:"جاوبي ملك لتخافين انتي حاسة بنفس احساسي ؟
ملك..بلعت ريقي وفركت عيوني وجمعت قواي حتى اكدر اجاوبة،
ملك:"وانت بشنو حاس؟
أمير :"حاس بدكات قلبك وبنظرات عيونك كل لحظة تمر أفكر بيج ليش ما اعرف بس هذا الحاس بي
ملك:"بس اني
أمير :"انتي حاسة بنفس احساسي عيونج جاوبت
ملك..سحبت أيدي من ايد أمير وركضت صعدت الدرج ودخلت الغرفة وسديت الباب وانتكيت علي أحس أنفاسي راح تطلع من صدري وخليت أيدي على خشمي بيها ريحت أمير ،،
أمير ..بعد ما ركضت ملك رفعت راسي للسماء واتحسرت وأني اشوف وجه ملك بكل نجمة اشوف برائتها وطيبتها اشوف عيونها ولمعتهم، ،،،
يتبع
