أمير :"صباح الخير أم سمير
ملك:"وليش سمير؟
أمير :"ههه اتفقنا اني وسمير اسمي ابني سمير ويسمي ابنة أمير
ملك:"الله فكرة حلوة واسمي بنتي ملك
أمير :"وليش ملك؟
ملك:"حتى تحب أمير ابن سمير هههه
أمير :"وأمير يموت عليها
ملك:"وين رايح؟
أمير :"صار أسبوع مرايح للشركة خرب يومج نسيتيني اسمي هههه
ملك :"راح اشتاقلك
أمير :"تحبين أبقى يمج؟
ملك:"لا حبيبي روح أبوك مريض وسمير نايم ،،،،،
****
ملك:"هذا رقم غريب الو منو؟
سلمان:"اني أبو أمير منتظرج بسيارتي يم الأسواق الي بركن بيتنا تعالي بسرعة
ملك:"خير عمو وليش طلعت من المستشفى؟
سلمان :"عندي وياج حجي ما أريد أحد يسمعة واذا أحد شافج كليلة رايحة للأسواق
ملك:"بس عمو الو الو ،،،
****
أم سلمان:"وين طالعة ملك؟
ملك:"محتاجة شي من الأسواق ما اتأخر، ،،،،
*****
سلمان:"اصعدي بالسيارة
ملك:"صار عمو ،،،
ملك..شغل السيارة ومشة من غير ما يحجي بديت اقلق بس خفت أسأل ،،
****
سلمان :"اسمعي ملك انتي انسانة محترمة و واعية وأكيد راح تفهميني ومتعبيني انتي مستحيل تصيرين زوجة أمير انتي ما ناقصج شي وألف واحد يتمناج اترجاج ابتعدي من ابني !!!
ملك:"بس احنة تزوجنة
سلمان :"وبصوت عالي هذا مو زواج هذا لعب اسمعي أمير مهندس وصاحب أكبر شركات تقبلين زوجتة لا أصل ولا فصل وخادمة جاوبي بلا بجي تقبلين؟
ملك:"والمطلوب؟
سلمان :"بديتي تفهميني اسمعي راح اوديج البيتنا القديم بالكرادة اني تزوجت بي وحتى الولد عاشو طفولتهم بي بيت مؤثث بس يحتاجلة تنظيف
ملك:"يعني أعيش بي وحدي؟
سلمان :"أي بس وصيت الجيران عليج ناس طيبين وراح تحبيهم
ملك:"دنكت على ايدة وبستها عمو فدوة اروحلك لا تبعدني على أمير
سلمان :"سحب ايدة بقوة اسمعي ملك لحد الآن احجي وياج بأحترام هذا القرار إجباري راح تعيشين بذاك البيت والا
ملك:"والا شنو؟
سلمان:"انزلي وصلنا للبيت
ملك:"عمو الله يخليك ما اكدر أعيش بعيدة عن أمير
سلمان :"يعني احسن تضيعين مستقبلة اذا تحبين أمير ابتعدي عنة انزلي !!
*****
ملك:"طلع مفتاح وفتح الباب دخلنا البيت جبير ومؤثث بس كلة مغطة بشراشف بيض ،،،،
*****
سلمان :"رايح اجيبلج ملابس وأكل يكفيج كم يوم وهاي فلوس خليهن يمج!
ملك:"يعني من اليوم ابات هنا ؟
سلمان :"أي من اليوم وراح اوصي أم حسين جيرانة دير بالها عليج
ملك:"يعني حتى ما أودع أمير ؟
سلمان :"لج بابا انسي أمير اسمج يشوه سمعت أمير انتي مجرد نزوة يومين ثلاثة ينساج!
ملك:"عمو اترجاك
سلمان:"رفع ايدة بقوة كافي شوفيلج مكان تنامين بي اني ما اتأخر لحظة جيبي السيم كارت حتى محد يتصل بيج وهذا واحد جديد بي بس رقمي اذا احتاجيتي شي اتصلي، ،،
***
ملك..راح أبو أمير يجيب ملابس حصرت نفسي بزاوية وخليت راسي بين رجلية وشبعت بجي! !!،،،
****
سلمان:"وينج تعالي هاي ملابس وأكل شغلي الثلاجة وخلي وإني رايح ملك احذرج للمرة الأخيرة ديري بالج من أي تصرف ما أريد أمير يشوفج لأجل مستقبل أمير لازم تضحين، ،،،
***
ملك...بقيت مصدومة شمر علية المفتاح وطبك الباب ،،،
****
أمير :"بابا الحمدلله على السلامة ليش طلعت وحدك ؟
سلمان:"اختنكت من المستشفى واشتاقيت للشركة
أمير :"راح اتصل على البيت واطمنهم، ،،،
****
أم سلمان:"سمير اكعد يمة شو ملك كالت رايحة للأسواق صار أكثر من 3 ساعات ومارجعت
سمير:"3 ساعات بيبي؟
أم سلمان :"أي واتصلت على زينب ماكو ،،،
***
أمير :"الو سمير شنو وين ملك اتصل ومغلق؟
سمير:"ها ما اعرف هسة ادورها
أمير :"شكو شبيك صاير شي؟
سمير :"بصراحة ملك طلعت ومارجعت !!
أمير :"بيبي بس فهميني شلون خليتيها تطلع؟
...يعني شلون يا بيبي امنعها؟
أمير :"يعني وين راحت لا بالبيت ولا يم زينب وموبايلها مغلق
سمير :"اهدء أمير اكيد راح نلكاهه
أمير :"اني راح أبلغ الشرطة
سلمان :"أمير تريد تفضحنا لتزودها عاد يجوز البنية انهزمت
أمير :"انهزمت ؟مستحيل تنهزم اكيد صايرلها شي
ام سلمان:"يمة لا تفاول على البنية
أمير :"الساعة ب 3 باليل وملك طالعة من الظهر فهموني شسوي اني رايح للشرطة وانت سمير دور المستشفيات ،،،
****
ملك..بقيت متمددة بنص الملابس والمسواك لا بدلت ولا أكلت ولا نظفت مكان انام بي مصدومة واندك علية الباب،،،
أم حسين:"صباح الخير حبيبتي
ملك:"صباح الخير
أم حسين:"البارحه وصانة أبو أمير عليج وكال كرايبنة وزوجها مطلكها وما عدها أحد !
ملك:"مطلكني؟
أم حسين :"شنو هاي بنيتي شيلي الملابس المسواك وين نمتي البارحة؟،،،
****
ملك..تحجي المرة ومابية حيل اجاوبها صاحت بتها زينة ونظفن البيت وأني اباوع ودموعي تصب وكأني بكابوس، ،،،
****
أمير :"صار يومين ادور ملك وينج وين رحتي بس اتصلي طمنيني ملك انتي عايشة لو ...
أم سلمان :"شبيك وليدي اسم الله تحجي وي نفسك
أبو سلمان :"شوف حبيبي أمير أنسى ملك لازم نستعجل بزواجك من سارة
أمير :"التفت الأبو بغضب انت شلون اعصابك هيج باردة ؟لهاي الدرجة تكره ملك؟
سلمان:"أمير اصحى ملك خلص عافتك انتبه النفسك
أمير :"اني صاحي صاحي بس هاي زوجتي ياناس أحد يفهمة زوجتي تعرف شنو زوجتي !
سمير:"أمير تعال وياي أمير
****
أمير :"وين راحت يعني لا بمستشفى ولا بسجن ولا بشارع وين راحت سمير؟
سمير:"يجوز عدها أقارب وراحتلهم
أمير :"وليش ؟شنو الي صار ؟راح اخلي زينب تروح البيت عمها وتسألهم
يتبع
