زينب:"ملك عرفتي شلون تستخدمين الموبايل ؟
ملك:"أي تقريباً
زينب:"اكتبي فساتين زفاف حبابة
ملك:"ذابحة نفسج على الزواج هههه
زينب:"أي كل البنات مثلي يلة اكتبي وشوفي شلون يطلعن يخبلن
ملك:"اوك كتبت ،،،،
*****
أمير :"ههههههههه
سمير :"شبيك تضحك وحدك ؟
أمير :"تعال شوف ملك شنو كاتبة على العام ههههه
سمير:"شو ههههههه لك هاي شنو هية هاي ملك ؟
أمير :"ههههه أي ملك بس بعدها متعرف للفيس خل اتصل عليها ،،،،
ملك:"هذا أمير اتصل
زينب:"أي ردي
ملك:"الو
أمير :"ههههههه
ملك:"شكو ليش تضحك ؟
أمير :"هههه آسف ماكدرت الزم نفسي لج انتي شكاتبة على العام
ملك:"شنو مافهمت
أمير :"ههههه ادري هوة كوكل وتكتبين فساتين زفاف
ملك:"شنو طلع يمك؟
أمير :"ههههه مو بس يمي احذفي بسرعة
ملك:"يووو ما اعرف احذف
أمير :"جيبي الفون وتعالي اني بالصالة، ،،،،
سمير:"هههههه أخ بطني فساتين زفاف
ملك:"هاي كلة من زينب
سمير :"لج بابا اكو شي اسمة كوكل
ملك:"شمعرفني
أمير :"صار أسبوع يمج الفون يومية دخلي شوية راح تتعلمين
ملك:"شنو حذفتة؟
أمير :"أي تعالي اكلج شلون تحذفين
سمير:"زين ما كتبتي شي أخطر وفضحتونا ههههه
ملك:"مثل شنو ؟
أمير :"عوفي هذا سوالفة مكسرة، ،،،
******
ملك:"شوفي زينب كلة من وراج شبعوا ضحك علينة
زينب:"اني لو انتي مادخلتي على الكوكل ما ادري شسمة، ،،،،
******
ملك..اليوم أمير ضايج مو مثل كل يوم يسولف ويضحك ،،،،
زينب :"شبيج صافنة؟
ملك:"أمير اليوم من الصبح ضايج
زينب:"ملك نصيحة شيلي أمير من بالج
ملك:"ليش ؟
زينب:"أمير مو من مستوانا وأني حاسة بيج متعلقة بي
ملك:"مو بيدي كل ثانية أفكر بي
زينب:"هذا الي جنت خايفة منة
ملك:"وليش خايفة؟
زينب:"شوفي ملك جاي تشوفينهم ناس طيبين ويحترمونة بس اذا حسو بيج عندج شي وي أمير راح نشوف وجه ثاني !
ملك:"معقولة؟
زينب:"أي مثل ما جاي اكلج والله ماعدهم مانع يطردونة و وين نروح اخذي كلامي وابتعدي على أمير
ملك:"أحاول
زينب:"حاولي ملك ،،،،
ملك:"أذن؟
فيصل:"أي من زمان
ملك:"يو ما حسيت راح اصعد أصلي
أم سلمان:"ليش تصعدين اني هسة خلصت روحي صلي بسجادتي بعدها مفروشة
ملك:"الله شكراً أحب مكانج الي تصلين بي ،،،،
أمير ...دخلت الغرفة بيبي ولكيتها مخلصة صلاة وكاعدة، ،،
أمير :"حضن بيبي من ورا بيبي حبيبتي تقبل الله
ملك:"أريد افتح ايد أمير ما كدرت أريد اكلة اني ملك مو بيبي ما كدرت حسيت بأرتباك رهيب ،،
ملك:"ا ا ا اني مو بيبي
أمير :"ملك رجع ليورة خطوتين آسف آسف آسف جداً توقعت بيبي
ملك:"لا لا اني آسفة صليت بمكان مو الي
أمير :"على العموم جادر الصلاة حلو عليج بس قصير
ملك:"ههه أي لأن المدام أقصر مني
أمير :"من شوكت تصلين ؟
ملك:"من عمري عشر سنوات
أمير :"صدك تحجين؟
ملك:"ليش انت متصلي؟
أمير :"يوم أصلي وشهر ما أصلي ههه
ملك:"هههه صلي راح ترتاح
أمير :"ان شاء الله، ،،،
****
أم سلمان:"اليوم مختنكة من البيت راح اطلع للحديقة
ملك:"وأني راح اجيبلج شوية فواكه
أم سلمان:"اي ياريت وكثري عنب ،،
ملك:"وهاي أطيب فواكه الاطيب إنسانة
أم سلمان:"هههه شكراً حبيبتي
اكول ملك أمير بعدة فوك ؟
ملك:"أي صار يومين مو على بعضة
أم سلمان:"أي هوة كل سنة مثل هيج ايام يضوج
ملك:"ليش اكو ذكرى معينة ؟
أم سلمان:"أي باجر سنوية أم أمير الله يرحمها صار سبع سنوات من ماتت
ملك:"اها الله يرحمها ،،،،
*****
ملك...صعدت وباوعت على غرفة أمير كان كاعد وفاتح اللابتوب ويكلب بصور أمة ،،،
ملك:"الله يرحمها
أمير :"شكراً الج
ملك:"اكيد مشتاقلها
أمير :"جداً
ملك:"اطلبلها الرحمة
أمير :"كانت هواية متعلقة بية وتتمنى تحضر زواجي كانت تتمنى اتخرج واصير طبيب اااخ ملحكت
ملك:"اكيد جاي تحس بيك وتفتخر بيك من تنجح وأكيد راح تفرحلك من تزوج
أمير :"تعتقدين بهيج كلام ؟
ملك:"أي ،تعرف هسة اني حاسدتك
أمير :"على شنو؟
ملك:"أمك متوفية وتترحملها ويمكن تذكر مواقف حلوة منها اكيد كانت وياك بكل مراحلك الدراسية بس اني امي باعتني وأني بصف اول ابتدائي! باعتني الناس تعرف كولش زين راح ايأذوني
أمير :"اكيد كان اكو سبب؟
ملك:"ما اعرف بس تعرف إحساس طفلة بلا آب تكعد الصبح ما تلكة أمها !
أمير :"حاس بيج اكيد مريتي بأيام صعبة
ملك:"اوووف ما أحب حتى اتذكرها
بس تعرف امي جانت بسنوية ابوية تسوي ثواب وتوزع شنو رأيك نسوي باجر الوالدتك؟
أمير :"مو بس بالسنوية ابوية صار سبع سنوات يسوي ثواب ويدفع صدقات
ملك:"اعرف بس من تسوي شي بيدك وتوزعة يختلف راح تحس وصل الوالدتك وراح ترتاح
أمير :"مثل شنو؟
ملك:"مثلاً نسوي تمر وحلاوة ونوزع على الجيران
