ملك..صار الصبح ونزلت الشغلي وكانوا كاعدين على الريوك بس أم سلمان وأبو أمير وسمير وأمير طالعين،،،،،
***
ملك:"صباح الخير
سلمان:"صباح الخير لحظة ملك
ملك:"نعم أستاذ
سلمان:"اني حاب اتشكرك
ملك:"على شنو أستاذ ؟
سلمان:"البارحه دخلتي الغرفتي ماعرفتها عاشت ايدك على هذا الترتيب
ملك:"العفو أستاذ اني تحت أمركم
سلمان :"حجتلي الوالدة على قصتج الله يعينك على الأيام الي عشتيها
ملك:"اشكرك أستاذ
سلمان :"اعتبري البيت بيتك وأي شي تحتاجينة اني موجود
ملك:"اصلا من يوم الاجيت وإني جداً مرتاحة ما محتاجة غير سلامتكم
سلمان :"احسنتي عن اذنكم اني اروح ،،،،
****
ملك..صار العصر واتصل علية أمير ،،،
ملك:"الو نعم أمير
أمير :"اني منتظرك بالسيارة لبسي الفستان وتعالي بسرعة
ملك:"وين نروح ؟
أمير :"شنو متثقين بية اكو مفاجأة زغيرة يلة استعجلي، ،،
ملك..كلت الزينب وسبحت ولبست الفستان وحجابي ونزلت ،،،
***
أمير :"يلة اصعدي
ملك:"وين رايحين؟
أمير :"وااااو طالعة قمر
ملك:"شكراً
أمير :"طبعاً أحلى محجبة شفتها بحياتي
ملك:"اممم دتبالغ
أمير :"لا والله بس انتي جداً انيقة
ملك:"شو وكفت السيارة ؟
أمير :"وصلنا يلة تفضلي ،،،
ملك..نزلت ودخلنا مطعم وكان أمير مجهز طاولة عليها أشكال الأصناف وبالوسط كيكة تجنن وعليها شمعة رقم 21 عرفت بأنه هاي المفاجأة العيد ميلادي، ،،
ملك:"شلون عرفت أمير ؟
أمير :"كل عام وانتي حبيبتي
ملك:"كنت أتصور هاي اللحظات تصير بس بالأحلام والأفلام
أمير :"هههه واعدتج راح تعيشين أجمل أيام حياتك
ملك :"اشكرك هواية أمير
أمير :"اني اشكرك على حضورك
ملك:"بس ما أتذكر كايلتك على يوم ميلادي
أمير :"بصراحة اني اتجرأت وقريت دفتر مذكراتك
ملك:"صدووك و وين لكيتة؟
أمير :"مرة نسيتي بالمطبخ وصار عندي فضول اعرفك أكثر
ملك:"بس بي كتابات خاصة
أمير :"آسف جداً اكيد مو من حقي اقرأ
ملك:"ولا يهمك عادي
أمير :"يعني مزعلانة
ملك:"اكيد بعد هاي المفاجأة الحلوة ما اكدر أزعل
أمير :"تفضلي جبتلك هاي الهدية البسيطة
ملك:"الله شكد نازك هذا السوار ذوقك حلو
أمير :"ومن البسة الك راح يصير أحلى
ملك:"اني البسة أمير
أمير :"ليش متقبلين الزم ايدج؟
ملك:"اني محجبة وأصلي لذلك استحرم تلزم أيدي
أمير :"الله كل يوم أحبك أكثر
ملك:"يلة راح اقطع الكيك لأنه منظرة مغري هههه
أمير :"هههه بس بالبداية تمني أمنية وطفي الشمعة
ملك:"اوك
أمير :"شنو تمنيتي
ملك:"من اطفي شمعة الرقم 22 اكلك
أمير :"وأكيد بذاك الوقت احنا ابيتنا ومتزوجين
ملك:"تتصور يصير هذا الشي ؟
أمير :"ان شاء الله يصير اصلا اني ما اكدر من دونج
ملك.......
أمير :"ليش تبجين حبيبتي
ملك:"خايفة لأنه كلما أحب شخص يضيع مني خايفة لا تضيع مني
أمير :"عمري مراح ابتعد عنك إلا إذا متت
ملك:"لااا أمير اسم الله عليك ان شاء الله اموت قبلك
أمير :"ههههه اسم الله عليج، ،
ملك..وصلني أمير للبيت وراح كنت طايرة من الفرح وسولفت الزينب على المفاجأة ،،،،
****
ملك..بعد صلاة المغرب راحوا فيصل وزينب يشترون ملابس وذهب شغلت موسيقى بغرفتي ولبست فستان قصير وشسورت شعري وخليت مكياج كنت مخلصة شغلي ومحد بالبيت لزمت مخدة وركصت وياهه اول مرة بحياتي اركص غمضت عيوني وحسيت المخدة أمير وركصت موسيقى هادئة وركصة هادئة حسيت نفسي طايرة ،،،
أمير ...دخلت للبيت لكيتة هدوء وبيبي نايمة صعدت الغرفتي شفت غرفة ملك بيها ضوة كان الباب مفتوح على النص مشيت بهدوء وباوعت بالغرفة شفت ملك لازمة مخدة وتركص مثل الفراشة دخلت على كيفي وخرت المخدة وركصت وياهه!،،،،
ملك:"أمير لو جاي أتخيل ؟
أمير :"لا جاي تتخيلين كملي
ملك:"أمير هاي انت ركضت على الجرباية ولفيت نفسي بشرشف أمير حباب اطلع
أمير :"هههه ضيعتي اللحظة
ملك:"أمير حباب اطلع
أمير :"طالع بس اطلبج ركصة
ملك:"هههه اوك، ،،،،
****
أمير ...دخلت غرفتي وأني ادندن وي نفسي ومستمر بالرقص اكيد هاي ملك راح تخبلني ههههه ،،،
*****
ملك...مر شهر واليوم زواج زينب وفيصل حضرنا زواجهم واجو أقرباء فيصل و وصلناهم البيتهم رجعت للبيت ضايجة لأنه زينب مو وياي بالغرفة ،،،،
*****
ملك:"الو هلو أمير
أمير :"هلو حبيبتي اكيد ضايجة
ملك:"أي صار سنين اني وزينب سوى
أمير :"اجي يمج؟
ملك:"امييير
أمير :"شبيج مو ضايجة نسولف شوية
ملك:"لا طبعاً
أمير :"والله اكعد عاقل
ملك:"ههههه ادري بيك وكح
أمير :"لتضوجيني راح اجي
ملك:"لا حباب اصلا قفلت الباب
أمير :"زين نزلي للمطبخ خل نسولف شوية
ملك:"اوك دقائق، ،،
****
ملك..نزلت للمطبخ نسولف ونضحك اني وأمير ودخلت علينا أم سلمان !،،،
يتبع
