ملك..كعدت الصبح ودخل أمير الغرفة بيبي ،،،،
أمير :"آسف حبيبتي آسف على كل كلمه كالها بابا
ملك:"اني آسفة لأن سببتلك مشكلة
أمير :"اسمعي حبيبتي ابوية راح يقتنع بس ثقي بية ما أريد اشوفج ضايجة ملك باوعي علية بس كليلي تثقين بية؟
ملك:"شلت راسي وهزيتة يعني أي
أمير :"أريد اسمعها كولي واثقة بيك أمير
ملك:"كتلة واثقة بيك أمير ودخل أبو أمير ،،،
سلمان:"صباح الخير
أمير :"صباح الخير بابا
سلمان:"تكدر تروح للشركة هسة لأن راح يجي زبون بعد نص ساعة
أمير :"صار بابا عن اذنكم، ،،
***
سلمان:"اسمعي ملك تعرفين انتي جاي تجاوزين حدودك؟
ملك:"أستاذ اني
سلمان:"رفع ايدة معناهه سكتي!
انتي ماعندج كل ذنب الذنب ذنبنا عاملناج بالطف وغريناج بالفلوس والهدايا واحترمناج كأنسانة! بس للأسف طعنتيني بظهري!
ملك:"لا عمو العفو
سلمان :"وبصوت عالي مخلصت كلامي !
احجي من الأخير شتردين فلوس؟ذهب؟بيت؟سيارة؟ كل الي تردينا يجرالج بس أمير لا خط أحمر !!!!،،
ملك..بعد ما رزلني واهاني أبو أمير طلع فلوس وشمرهن بوجهي أخذي هاي الفلوس واطلعي هسة ارجع ما الكاج، ،،،
ملك..بعد ما شمر الفلوس بوجهي وطلع كعدت على ركبي وخليت أيدي على وجهي وبجيت بصوت بهذا الوقت كانت الحجية بالحمام أخذت جنطتي وطلعت رحت البيت زينب اول ما وصلت سولفتلها ،،،،
****
أمير :"بيبي ليش وحدج وين ملك؟
بيبي احجي وياج وين ملك؟
أم سلمان:"طلعت من الحمام الصبح ما لكيتها!
أمير :"يعني شنو وين راحت؟
أم سلمان:"ما ادري يايمة بس سمعت صوت أبوك عالي
أمير :"اكيد طردها! !،،
****
أمير :"بابا وين ملك؟
سلمان:"ومنو هاي ملك؟
أمير :"بابا وين ملك؟
سلمان :"اصحى أمير ملك مجرد نزوة انساهه مو من مستواك
أمير :"يعني طردتها؟
سلمان:"أي أي طردتها واذا رجعت اطردها
أمير :"بابا اترجاك افهمني اني أحب ملك وأريد اتزوجها
سلمان:"على جثتي على جثتي تزوج هاي الخدامة! اني اليوم مسافر وراح أبقى عشر ايام ومن ارجع تزوج سارة
أمير :"بابا هذا مو حل ؟
سلمان:"هذا الحل أمير بهاي العشر أيام تجهز نفسك وتتصل على سارة تجهز نفسها أمير أي غلط ماتلوم آلة نفسك!!،،،
أم سلمان:"احضرلك جنطتك؟
سلمان:"حضرتها امي
أم سلمان :"شوكت تسافر ؟
سلمان:"الفجر طائرتي، ،،،،
***
ملك..معقولة هاي النهاية يعني بعد ما اشوف أمير هاي اول ليلة ما اشوفة واشتاقيتلة شلون اذا بعد ما اشوفة ؟!!!،،،
****
أمير ..دخلت الغرفة ملك نمت على سريرها وإني أتأمل فراشها وعطورها ومشطها مستحيل أتزوج غيرج ملك مستحيل ،،،،
****
أم سلمان :"صباح الخير يمة بعدك منايم؟
أمير :"ماكدرت انام بيبي
أم سلمان:"ما يصير هيج يا يمة
أمير :"بابا سافر ؟
أم سلمان:"أي سافر الفجر
أمير :"اسمعي بيبي اني الليل كلة أفكر ولكيت حل صح هوة صعب بس ماكو غيرة
أم سلمان:"خير بيبي كول؟
أمير :"اني اليوم اجهز كولشي وباجر أتزوج ملك من يرجع ابوية من السفر اخلي أمام أمر الواقع!
أم سلمان :"لا بيبي لا يعني بالسر
أمير :"بيبي يا سر انتي موجودة وسمير موجود وإني مو زغير عمري 30 سنة
أم سلمان:"مادام من ورا ضهر أبوك يعني بالسر
أمير ..بقيت ساعة اتوسل ابيبي إلا أن وافقت وصار لازم اروح أجيب ملك،،،،
****
ملك..كنت كاعدة يم الشباك واباوع على الشارع ودموعي تجري شفت سيارة أمير وكفت يم باب بيت فيصل ونزل أمير كعادته أنيق ومرتب ولابس نضارات شمسية، ،،
ملك:"زينب هذا أمير والله أمير بالباب
زينب:"أي أي على كيفج ههه،
أمير :"مساء الخير
فيصل :"أهلا أستاذ أمير زارتنا البركة
أمير :"اشكرك ملك موجودة؟
ملك:"أمير وبجيت
أمير :"حبيبتي مشتاقلج يلة جيبي جنطتج وتعالي
ملك:"وين؟
أمير :"بالطريق نسولف يلة بسرعة
زينب:"تغدو ورحو
ملك :"ما أريد ما أريد
أمير :"ههههه متريد شبعت، ،،
يتبع
