بعد يومين
جاء رجل خمسيني، لابس قميص و بنطلون سود، مصفر البشرة .
دخل غرفة إلهام ، و قال : بت أختي حبيبتي .
حضن إلهام براحة و باسها في رأسها و بكي .
دخل الدكتور و قال : حضرتك خال إلهام؟
قال الرجل : أنا عمران خالها و جاي اخدها .
قال الدكتور : تعالي معايا نخلص الورق .
خرج الدكتور و وراه عمران ، و بقيت إلهام لوحدها تفكر ...
"بابا وحشتني قوي أنت وماما ليه سيبتوني لوحدي؟ يا رب خالو يجي ياخدني .. انا خايفة قوي "
طرق خفيف على الباب أخرجها من أفكارها .
دخل الملحق العسكري و هو مبتسم و قال : ازيك يا بنوتي الحلوة؟
إلهام : بخير يا عمو ممدوح .
قال ممدوح : بصي يا حبيبتي عايزك توعديني وعد .
إلهام : وعد ايه يا عمو؟
ممدوح : أنا و امك و ابوكي كنا أخوة مع بعض في كل حاجة، ابوكي وصاني أن لو حصل حاجة، اخدك معايا البيت ، و تبقي بنتي زي أكرم أبني ، و امك وافقت بكده لانها خايفة من خالك، كنت هاخدك ، لكن الدين بيقول تبقي مع خالك، عايزك توعديني وعد أن لو اذاكي خالك اطلبيني و أنا هاعيشك معايا .
إلهام و هي تبتسم : اوعدك يا عمو ممدوح
ابتسم الملحق العسكري وقال : اسيبك تغيري هدومك بس هأمن عليكي لحد ما تركبي الطيارة
*********
وصلت إلهام و عمران الي عمان ، حيث احدي المناطق العشوائية ، و دخلت بيت من البيوت الصغيرة .
قال عمران :ايه رايك يا إلهام في بيتي الصغير ؟
نظرت إلهام حولها و قالت : بيتك بسيط جدا و لكن منسق جدا .
ضحك عمران و قال : شكله عجبك؟
قالت إلهام : البساطة حلوة .
أشار عمران الي غرفة بجوار المطبخ و قال : دي اوضتك ، بس بكره هتنامي فيها ، لانها محتاجة تنظيف ، بكره هتيجي أم طلال و تنظفها ، النهاردة هتنامي معايا .
و انتهي اليوم
*******
أنت تقرأ
نورتيريز
Mystery / Thrillerنورتيريز دخلت الدكتور مها الغرفة رقم 711ب قالت : أهلا يا أحمد؟ نظر اليها رجل طويل القامة، عريض المنكبين، ابيض البشره، بني الشعر و بلحية كثيفة ثم قال ببرود شديد: أهلا. الرواية تحكي عن رجل لا يجود مثله التاريخ إلا ما ندر.. إنه نورتيريز. يأخذكم الكا...
