في احدي حواري القاهرة ..
دخل أحمد وكر سمير الاعور و قال :عملت إيه في اللي طلبته منك ؟
قال سمير : اقعد يا نجم، الكلام هيطول.
جلس أحمد وقال :أتكلم.
قال سمير : أول حاجة الضابط محمد بوجي ده كان ضابط عمليات خاصة ،و آخر عملية عملها عندنا ،و مات فيها ضابط عليوي قوي اسمه أكرم ممدوح ،و حد هاجمه في بيته و بلغ عنه، دلوقتي في السجن.
تاني واحد اسمه لو كواسكي ،ياباني ،أحسن واحد بتاع متفجرات، آخر عملية عملها في هامبورغ بألمانيا ومات فيها 12 واحد غير المصابين أكتر من 40 واحد، دلوقتي في السجن مع بوجي.
تالت واحد كابونجن ، أمريكي الجنسية، كان ضابط في المكتب الفيدرالي للوحدة 777 لكن اتقبض عليه بتهمة التجسس، و يتقال بعد كام يوم رقبته هتتعلق.
رابع واحد نابي كيتا يعتبر مالك السوق في شيكاغو، أصله من جنوب افريقيا، أشرس تاجر مخدرات ممكن تشوفه، موجود في السجن وقريب هيتعدم.
خامس واحد هيدي أردنية الجنسية، ملكة الدعارة في لندن، ليها اكتر من شبكة علي الإنترنت و الشقق، بس مقبوض عليها دلوقتي برضو.
سادس واحد سليم الجمال، ده كان صبي عند المعلم جورج، أكبر تاجر آثار عندنا، بس خانه و قتله، بقي هو مالك السوق، موجود في السجن.
سابع واحد شاهي منير، دي واحدة محدش عارف عنها حاجة غير أنها هاكر، بس لقيوها في الزبالة متقطعة في الأردن.
تامن واحد اسمه رعد، محدش يعرفه أصل ولا حاجة غير شكله، بس مات في حادث سير في عمان.
التاسع والعاشر اسمهم كريهنال و برسوم دول ماتوا في مبني جرنان اتقفل بعد ما الشرطة دخلت قتلوهم مع ناس كتير.
رقم 11 اسمها صفاء دي مزورة متعلمه علي إيد أشهر مزور في العالم، ايدها تتلف في حرير، ماتت مسمومة في فندق اللوتس عندنا.
رقم 12 مارك فيسلوف، ده راجل جامد، أكبر رأس في المافيا، هو ملك سوق السلاح في روسيا، بس سفاح بمعني الكلمة، ده ليه قصر في مدينة كازان، و عنده رجال كتير جوه و برا الشرطة.
رقم 13 سلوي محمد بنت من ملجأ اسمه السلام في الأردن، عندها اختين وهي أكبرهم، الصغيرة مات بسرطان و التانية صحفية،سلوي دي كانت تبع الجرنان اللي اتقفل في الأردن، و كمان بتشتغل في تبييض الأموال، وليها علاقات برجالة في الكار، ماتت بعربية متلغمه.
كده خلصت أنا.
أعطاه ملفات و فلاشة.
قال أحمد :كده خلصت المطلوب، فلوسك أهي .
أعطاه النقود، وخرج لمكانه الجديد.
*****
في فيلا ممدوح بالقاهرة
خرجت ولاء للتنزه، و إخراج مكنون صدرها في الجري.
و أخذت تجري، حتي اقتربت سيارة فضية منها و أطلق السائق نفيرها، لينبه ولاء، التي نظرت إليه.
قال السائق :لو سمحت ممكن عنوان شارع ستين ؟
اقتربت ولاء منه وقالت :بتقول إيه حضرتك؟
السائق : شارع ستين فين؟
أخرج بخاخة صغيرة، أطلق رزازها في وجه ولاء التي داخت و كادت تسقط، لولا أن لحقها رجلين ضخمين، حملاها و وضعوها في السيارة.
*****
في سجن رايكرز ايلند بأمريكا..
الساعة الثانية صباحا..
ظهرت ثلاث دراجات نارية(موتوسيكل )، و خلفها ثلاث سيارات من نوع الجيب.
و أطلق راكبيها النيران من أسلحتهم الصامتة علي الحراس في سرعة، ثم اخرجوا متفجرات و وضعوها علي البوابة ثم ابتعدوا، ليحدث انفجار قوي مسقطا البوابة الحديدية، ثم ألقوا قنابل الغاز و متفجرات، يساندهم رجال السيارات بالرصاص ليقتلوا عددا كبيرا من الحراس و السجناء، و أخرجوا كل من لو و كيتا و هيدي، لكن سليم قتل، وخرج الجميع بأقل عدد من الخسائر.
اتصل أحد الراكبين علي الموتوسيكلات في جهاز لاسلكي معه و قال : من الفهد للمربع تم التنفيذ مع النمور منتظرين النسور عند النقطة س .
أغلق الفهد جهازه حتي وصلوا إلى منطقة صحراوية، وجدوا بها ست طائرات خاصة، ركبوا بها جميعا.
قال قائد الطائرة بالروسية : ستجدون أدوات تنكر و ملابس حتي لا يشك فيكم أحد.
ليبدأوا تنفيذ الثأر من الشبح الذي أدخلهم السجن وآذاهم.
الموت الأبيض.
*****
بعد أربعة أيام..
فيلا ممدوح بالقاهرة..
كانت إلهام جالسة تبكي لموت أكرم و سلوي، ولاختفاء صديقتها و أختها ولاء الغريب، و المصائب التي تحدث لها، و......
تن تن تن
قطع تفكيرها جرس الباب، وقفت لترى من الطارق.
فتحت الباب، لكنها لم تجد أحد.
كادت أن تغلق ، لكنها وجدت صندوقا صغيرا أمام بابها ،أخذت الصندوق في فضول و جلست علي الأريكة، واضعة الصندوق علي منضدة أمامها و فتحته.
لتجد بداخله فلاشة و هاتف جوال و مظروف مغلق .
ما هذة الأشياء؟ من أرسلها؟ هل تخصني أم تخص ولاء؟
دماغي يؤلمني جدا..
أنت تقرأ
نورتيريز
Mistério / Suspenseنورتيريز دخلت الدكتور مها الغرفة رقم 711ب قالت : أهلا يا أحمد؟ نظر اليها رجل طويل القامة، عريض المنكبين، ابيض البشره، بني الشعر و بلحية كثيفة ثم قال ببرود شديد: أهلا. الرواية تحكي عن رجل لا يجود مثله التاريخ إلا ما ندر.. إنه نورتيريز. يأخذكم الكا...
