امراة للجميع 💎
بقلمي بلسم الجروح 🌟
لاحلل النقل دون ذكر اسمي ⚠
3البارت 💔
------
مورا ما لبست حوايجي او لبست عبايتي لي فلباج مشيت جلست فوق لكرسي او كنشوف فلمرايا او كنقد فزيفي قست كرشي ليلاه بدات كتبان او نزلت دمعة سخونة بل ما نحس بيها مسحت دموعي او مشيت جمعت بيتي او قب ما نخرج بانت لي تصويرة حسناء او ياسين كانت مليوحة على لارض هزيتها او حطيتها فوق لكوفوز ...يلاه حليت لباب او انا نتسطح مع اجمل بنت فهذ لعالم ..لبنت لغير كنشوفها كنسى همومي او كنسى راسي غير بدوك لعينين لكلهم براءة هي بوحدها بنتي " حسناء" جمالها رباني او براءتها لفطرية كتخلي اي واحد يتعلق بيها
حسناء (اوهي كدور فبلاصتها) : كيف جاتك كسوتي ماما حفصة
بتسمت لعندها او هبطت لعندها او بستها فحكنها
انا :جات معاك جيت بحال لاميرات ...شكون شراها ليك جدتك
حسناء (اوهي كتنقز فبلاصتها) : بابا صلاح
تخطف لون من حفصة توترت : ام..ت...ى جا ... اه اديك شيطانة معيتيش علاش طالقة داك سالف وقيلة بغيته يتقطع ليك عارفة جدتك عزيزة شعر يكون مظفور هذ لمرة مغنعتقكش...هذ لمرة غتقطعو ليك
حسناء ( شهقت او دموع غاذين) : لاعفاك ماما اهئ اهئ ..متخليهاش انا كنبغيك نتي افضل ام فالعالم
حفصة بقات كضحك على بنتها او لحمق ديالها او هي كتضحك تحطت يد على كتفها او هي تقفز او غير نطق مول صوت تخطف منها لون منين جاها صوت رخيم او حازم او ذو لكنة رجولية صارخة تتعرفها مزيان : او انا احبيبة لا
بتسمت حسنا او هي كتمسح دموعها او مشات كتجري لعندو او تلحت فحضنو : بابا انا كنحمق عليك بابا صلاح
