امراة للجميع 💎
بقلمي بلسم الجروح 🌟
لاحلل النقل دون موافقتي وذكر اسمي ⚠
الحلقة19 💔
------------------
مشات حفصة لحمام ولكن هذ لمرا ما مرتاحش ليها شي حاجة فيها غلط
حفصة- اشارت لحمام ضياف- هذا هو حمام الى محتاجة لشي حاجة عيطي عليا
حطات بشرى حسنا ..يلاه باغة تمشي او هي تشدها بشرى من ايدها
بشرى-بغيت نهضر معاك احفصة....زوينة ديالي حسنا واخا تخلني مع ماما شوية
مشات حسنا حيث عطاتها ماماها لموافقة
حفصة- تفضلي لالة بشرى كانة شي حاجة نقدر نخذمك فيها
بشرى- لا ولكن انا لغنخذمك ...انا زوجة لاولى ديال صلاح بشرى
ما كنتش حفصة متفاجئة حيث سمعتهم كيهضرو على هذ بشرى من قبل ولكن ما كنتش متاكدة واش مراتو حيث عمرو جبد لموضوع ديالها صلاح
حفصة-قربت منها ببرود- او من بعد الالة بشرى انا عارفة بلي نتي مراتو
بشرى- حيث تلقيت مع صلاح مؤخر قلت ليه اني كنتمنى نشوفك قالي غتندمي بزاف منين غتشوفيها او صراحة ندمت ...صلاح ختار امراة رائعة جمال ...بدلني بوحداة حسن مني فكلشي ...صلاح ختار اختيار افضل او لهي نت احفصة
كانت كلماتها مليئة بالحسرة
حفصة-بانزعاج- او شنو معنى كلامك دابا نتي ماضي او انا لحاضر
بشرى- بتاكي انا متافقة معاك ...نتوما اسرة سعيدة ...حسنا كتشبه لصلاح بزاف فملامحو او شعرو باقي ماشفتش صلا ح صغير(كتقصد ياسين)
حفصة- بفضول ما قدرتش تسيطر عليه- شنو سبب طلاقكم ...لغلط منو او منك
بشرى-بتسمت بالمكر- اسرار زوجين بعد او قبل طلاق كتبقى بينتهم ولكن لحاجة لوحيدة لبغيت نقولها ليك ان هو دار غلط او درت غلط اخر خلنا نبعدو او اينهار زوواجنا
حفصة- جيني كود علاش جيتي بتاكيد ما جيتش تباركي ليا زواجي داز عليه 13 عام
بشرى- كيعجبني دكاء اولا خاصني نعطيك واحد لحاجة(حيدات بشرى من ايدها دبليج او حطاتو فايد حفصة او سداتها) هذ دبليج ديال ام صلاح فاطنة عطاه ليا فالاولى ديال زواجنا او للاسف ما كنتش كنستحقو حيث ماشي انا مرا لمناسبة لصلاح ولكن نتي هي بتاكيد احفصة عارفة عاش نخليو جمالك او ذكاء او اصلك او نسبك نتي عندك صبر احفصة لي ما كانش عندي
حفصة-بالسخرية- يعني انا هي زوجة لمناسبة...كملي هضرتك
بشرى- انا جيت نحذرك يمكن كنبان ليك عدوتك ولكن نتي عزيزة عليا احفصة حيث بسببك ققدرت نشوف صلاح فرحان من جديد او غنقولها بكل صراحة مع اني تزوجت من جديد بقى كنبغيه...ردي لبال لراجلك احفصة يمكن انا كان ليك عدوة ولكن اعداء لكثيرين هم لكاينين فالخفاءيمكن انا باينة ليك ولكن لكاينين فالخفاء هم لاخطر دايرين بحال لفعات كل وحداة باغة لفرصة باش تغذرك او تقتل ما تمشيش بعيد هم حداك او قربين ليك ...صلاح شخص غير ثابت او متعصب ا متملك او عصبي فسنة اولى ديال زواجنا كان غيور من بعد تغير صلاح كتغير بالزربة مشكلة فهذ لعبة حتى راجلك عدوك ولكن انا عارفة مرا او نص
حفصة-ببالغضب- هذ لهضرة زيدها فراسك ابشرى او عارفة الاعيب ديالك..حسن ليك بعدي من صلاح ماشي غيرة انما هو اب ولادي او اي وحداة تحاول تقرب منو غتندم سواء كنتي نتي او غيرك اي حاجة كتخص ولادي هي كتخصني
بشرى-باعجاب- تشرفت بمعرفتك احفصة انا بالضبط ما كنحمل حتى حقد ليك او لولادك حيث حتى انا عندي عائلة او مستحيل ندمر عائلة شخص كنبغيه...انا جيت نبهك احفصة حيث حربك طويلة او نتي ذكية منخافش عليك ...او هجومك او تصرفك تقبلتو بالرحابة صدر
بانت ليا زينب جاية او انا نتحرك بعيد عليهم او تجهت لبيتي او هضرة بشرى بقى فراسي واش هضرة بشرى كتعني ان صلاح كيخوني
