امراة للجميع 💎
بقلمي بلسم الجروح 🌟
لاا حلل النقل دون موافقتي وذكر اسمي ⚠
الحلقة31 💔
------------------
جميلة-كانت كتشوف فاطلالة حفصة ملكية بالحقد كانت باينة بحال سلطانات او خصوص من ناحية لبس قفطانها اخضر لسلبت بيه لانظار او خطفتها قفطان خضر نسجم مع خضرة عينيها الجميلة شعرها طويل او ناعم او لجمعها بالرقي فمشيطة راقية ملامحها لفاتنة او لكتاسر اي واحد لكتجمع مابين لبراءة او انوثة ...مكياجها لبسيط ....فلوس...غنى...او لولاد...راجل كيبغيها...رجل بكل معنى لكلمة....ذهوبات لي للبسة هذشي كامل حسداتو عليها-
جميلة-بالعصبية ناضت من فوق لميداة- ما بغيتش صدقة ديالك الالةاو لبغيتي تشرينا بفلوسك كتحلمي جاية بعد سنين من غياب او بغيتي ديري فيها امراة مظلومة الى قدرتي تخدعي كلشي او تشريهم انا لا الة سمعتيها (يلاه باغة تمشياو هي تشدها حفصة من ذراعها بالجهد)
حفصة-ببرود- سمعت لهضرتك خاوية حتى كملتي دابا نتي غتسمعني....غتجمعي فمك او تجلسي او متناسيش ان حداك ولاد صغار او لا هازة فقلبك حقد تجاهي ماتحاوليش على اقل تبينه هذ نهار...او بل ما ديري فيها عزة نفس...شوفي عنقك خاوي باينة راجلك مهلي فيك مزيان(بالسخرية) معرفتش كيفاش انسة جميلة تزوجت بشخص ماقادرش ايشري ليها سنسلة(حطات فايدها سنسلة ذهب) دابا سكتي او باراكا من لعناد ديالك او قبلي كادو ختك لحبيبة
تجمعو دموع فعينيا جميلة لو لاول مرة ماقدرتش تجاوب حفصة عندها جميع نقط لقوة او هي والو مشات بالزربة قبل ما يهبطو دموعه...منين دارت حفصة لقات نظرات مستكرة او اخرى متعجبة او اخرى غاضبة من ملكة لجليد او تعجرف لقدامهم...عارفة راسها غلطت ولكن كان خاصها تخلي جميلة تراجع شوية هي ستحملتها طوال فترة طفولة علاش ماديرهاش دابا...هي بتاكيد غتعذر منها هي عمرها عايرت شي شخص ولكن بغات توري جميلة قداش خايب انك تجرح لخور...تعصبت رحمة او مشات بالزربة عند حفصة جراتها من ذراعها بالجهد او كلشي بقى ساكت حيث حفصة تصرفت بشكل خايبب ..ياسين مشى مع جدو لفوق بينما وردة او هدى مشاو مع حسنا
حفصة-بالقلق- ماما فين غاذين (رحمة ماسمعتش ليها او هي بقى جراها) ماما راه كتوجعني
دفعتها وسط بيتها (بيت رحمة او نور الدين) او جراتها بالضبط حد لمرايا
حفصة-بالغضب- تقادو لكتاف ...وصلت بيك درجة تعايري ختك برافو اش علموك اخر تعايريي ماماك....اه اول عندك لفلوس او كثر منا ماشاء الله ولكن باش تجرحي مشاعر ختك لاحتى لهذي لا جميلة قاصحة ...ولكن هي انسانة مزيانة...(جلست حفصة لارض) مابقيتش كنعرفك ابنتي تغيرو فيك بزاف ديال حوايج من غير هذ شعر طويل من غيرك هذ لملامح او لبس ...مابقيتش كنعرفك ابنتي او هذ شي لكيضرني او للاسف منقدرش نحاسبك
شدات حفصة فرجلين ماماها او دموع غاذين من قلبها لكينزف –ماما والله ما قصدت ...عمرني نتبدل الله خلقنا بحال بحال ياك هذشي لقلتي ليا او هذ دنيا دايزة...انا كنت بغيت نعلم درس لجميلة جميلة كتجرح ناس لوخرين او هي ماكتحسش ...بغيت نوريها قداش صعيب انك تجرح شخص او خصوص هذ شخص الى كنتي نت
رحمة-ضمت بنتها- عارفة ابنتي ....كنت عارفة ان اي تصرف درتيه ليه مبرر
بان ليها حس حفصة تقطع نزلت راسها لقات ناعسة باستها باينة عيات هذ نهار هزاتها بشوية او بالصعوبة او حطاتها فوق ناموسية حيدات ليها صباطها او حيدات ليها قفطانها او كانت حفصة لابسة بيجامة قصيرة من تحتو او غطاتها قربت من حداها او ضمتها لصدرها او ذغية نعست و اخيرا رجعت بنتها لاحضانها
