امراة للجميع 💎
بقلمي بلسم الجروح 🌟
لاحلل النقل دون ذكر اسمي ⚠
البارت6 💔
------
عند حفصة
يلاه بغات تدخل لكوزينة او هي توقف منين سمعت هضرتهم لكلها سم او كل هذ لكره ليا خاصني نكون فرحانة حيث انا شخص مميز
زهور (مرات محمد خو صلاح) :غتكون بقى ناعسة
زينب (حماة) : يلاه مشيت طليت عليها غير تهناو هي لغتشقى فلعشية
ربيعة(مرات عبد الرحمن خو صلاح لمتوسط) :هاهي حملت عاوتني او غتجيب علينا ستة او نص ديالها
رقية (هي مرات عثمان خو صلاح صغير : او هي كتقطع لبصلة ولكن حتى واحد ما يقدر ينكر بلي حفصة كدير كلشي
ربيعة :عينتك محامية ديالها
زينب(بهدوء) : بنتي كملي شغلك رااه كطلع سخانة لرقية بعد لمرات
زهور (بالسخرية) :على زين ماكلتها
حفصة كانت كتسمع كلشي مورا لباب او يلاه غذخل حتى جرتها ايد صغيرة منين تلفت لقات بنتها او دموع فعينيها جرتها من ايدها لكولور
انا(بقلق) :حبيبة مالكي
حسنا(او هي كتشهق) : مشى فيها اماما
انا (اوهي كتمسح دموع بنتها بالرقة) :غير بشوية احبيبة (او هي شادة ايدها) شكون هو
حسنا : ياسين اماما
انا (بالخوف) :مالو خوك
حسنا : بابا
او بل ما تعرف بقية لهضرة عرفت مالو علاش ما عرفش شكون هو صلاح علاش مجربتش قسوة صلاح او انفعال غضب او عصبيتو مع كل مؤهلات او وسامة او شخصييتو لقوية او ثرااء ديالو هذ شي ما قدرش يغفر ليه عندها تصرفاتو شنيعة معاها امع ان عندهم جوج ولاد او ثلاث جاي فطريق ولكن ما غيتبدلش
انا (او هي كتحاول تطمئن بنتها) : حبيبة بل ما تخافي راه باباك هذاك
حسنا(كتشهق) :ي..ا..س..ي..ن
انا : سيري تلعبي دابا غنجيبو احبيبة
مشات لبيت ولدها كان ما فيه حد مقاد كتب ديالو او حوايج مقادين حتى طواليط ما كاينش فيها عرفت بالزربة فيناهو
مشات لبيتها او لبست خمارها او هبطت لتحت ريحة ندى او مكان رطب كيجيب ليها تقزز او كيرجع ليها ذكرياتها لقاسية ماشي هاذي اكثر بلاصة شهدت على عذابها المها او صراخهاكانو عينيها شعلتين متوهجتين بحال جمرة لكانو كيبانو من لخمار وصلت لططابق تحتاني او وقفت قدام لباب لكان قدامو واحد من رجالو "حميد
حميد : لالة حفصة ما نقدرش نخليك تدخلي
انا (دموع فعينيها) :غنشوف مالوعفاك
حميد : سمحيليا ما نقدرش نخليك سي صلاح وصني ان كلشي ممنوع يشوفواو خصوص نتي
انا (بالقلق) :راه ولدي عفاك نشوف حالتو
حميد : شوفي مع سي صلاح
فكرت ان صلاح الى عرف بلي هي جات لهنا طابق اول او هذا ممنوع عيالات غيقتلها ...حميد جاتو شفقة عليها او خصوص انه ولدها او دوك لعينين لخضرين مكيستحقوش انهم يبكيو يارب اش كيقول كيفاش كيفكر فمرات سيد صلاح ستغفر الله او دور وجهو
حفصة تجاهلتو او دقت على ولدها
حفصة (او هي كتبكي بالجهد) : ولدي عفاك جاوبني (نهارت على ارض) قول شي حاجة متخليش شك ينهش قلبي ....ولدي هضر معاييا
حميد : لالة سيري حيث مغيجوبكش
حفصة :سكت نت محسش بيا راه ولدي ....عفاك خلني نهضر معاه او نشوف او( هي حاطة راسها على باب) ولدي واخا مكتسمعنيش غنمشي او نرجع او نحل عليك لباب
شدات حفصة راسها او مشات كتقلب على صلاح ...صلاح كنكرهك ...كنكرهكم كاملين واحد واحد ...او ديما غنبقى نعودها حاجة وحداة لكتهمني حسناء او ياسين او حطت ايديها على كرشها او ولدها
قلبت على صلاح فالمكتب ديالوما كاينش او مشات لبيتها او هزات صورة عرسهم او لحت فالارض حتى تهرست او هي كتشوف فزاج لمهرس بحال حياتها ....دابا حتى هذ لجحيم ما تقدرش تخرج من جهة ولادها او من جهة خرى شيطان
