امراة للجميع 💎
بقلمي بلسم الجروح 🌟
لاا حلل النقل دون موافقتي وذكر اسمي ⚠
الحلقة29 💔
------------------
قصر نور الدين صبري –عند حفصةمساء
مكان جو ضحك مسيطر على مكان او خصوص ضحكات حفصة او ولادها لبداو كيولفو لبلاصة او عجبهم هذ لجو دافئ او لحميمي ...كلشي كان كيضحك على حفصة لبدات كتوكلها ماماها او هي حشمانة قدام ولادها لبدااو كيضحكو بينما رحمة ما مسوقاش او كتقول ليهم بنتي بقى صغيرة ....كلشي تفاجئ تغير ديال حفصة او خصوص من ناحية شكل نضجت بواحد صورة ما كتصورش...جمالها لاخاذ او كلامها موزون او كلشي شهد على داكشي....حفصة حسات انها كتنتمي لهذا لبلاصة او ان هذ سنين كامللة ما قدرتش تاقلم او عمرها غتقدر فديك لبلاصة....شحال هذي ماسمعت ضحكة ولادها او حتى هي نسات مذاق راحة او ضحك...جو خالي من المظاهر ...مع ناس كيكرهوك ...ناس ما تقدرشي تصرفي معاهم بالحرية...ياسين ذغية نساجم مع بابا نور الدين او حسنا مع هدى لكتوكلها اما انا فحضن ماما لكتدوز على شعري او انا مسترخية او مستمتعة بحضنها دافئ....او كان جو شاعري ريحة لبخور او عطور فاخرة او مائدة بافضل ماكولات (بغرير ..مسمن .كيكة الخ)عندي او عائلتي حدايا اش بغيت كثر....اما بالنسبة للعائلة كانت مصدومة بتغيير لطرا لحفصة من تغيير فشكلها لول اجمل او ارقى او كلامها او حتى تفكيرها اوذذكية او ناضجة كثر مع بزاف ديال لحزن فعينيها او كلشي قتنع ان حفصة تحولت من طفلة بسيطة ذات جمال لهادئ لانثى فاتنة او امراة ذات جمال قاتل او صارخ او ذكاء حاد
رحمة- بالقلق- بنتي راكي حاملة خاصكي ديها فراسك(او هي كتمد ليها اتاي)
حفصة- لا ماتخافيش عليا شهور اولى مكيكونش عندي لخاطر
بانت ليا حسنا فرحانة او كتدور او كتنقز كتهز حتى بانت مشات عند خالتها وردة
حسنا- باللهفة – خالتو لحبيبة بغيت شكولاط ماما ما كتخلنيش ناكلو بزاف تم
حفصة –خنزرت فيها- حسنا اجي لهنا ....عيب هذشي لكديري..علاش تفقنا قبل ما نجيو
وردة-بتسمت- او هي كتبوس فوجه حسنا- لغزالة ديالي بغات شكلاط بل ما ديها على ماماك راه مسمومة(او هي كتشوف فحفصة) حفصة اخر مرة نسمع كلمة عيب هاذي داركم او ولادكم هم ولادي هذا ماشي غريبة عليهم خليهم ايتصرفو على طبيعتهم
بعدات حفصة من حضنها ماماها او بقات كتشوف فهذ صالة اكثر بلاصة كانت عزيزة عليها فهذ ار او كانت كتلعب فيها بزاف او كان ديما باباها كيخليها تلعب فيها مع انها كانت مخصصة لضياف هذ صالة كتعني ليها بزاف او كانت كتلعب فيها بزاف كانت ديما مفضلة مع ان كانت هي صغيرة او كان ذكر فعائلتهم لهو خوها كبير سعد ...صالة بقى كيما هي نفس لاتلوان او نفس لفوتوي نفس ديكور تقليدي او نفس زربيات مشات حدا شرجم او برد كيضرب فالخامية او كتمشي بعيد او نفس نسيم كيداعب بشرة حفصة رقيقة...كانت كتشوف فاشجار او ورد نفس حديقة لكانت كتلعب فيها مع هدى ختها لكبر منها بثلاث سنين او نفس لحديقة لكانت فيها جميلة كتعايرها ختها لكبر منها ب5 سنين او نفس لحديقة لكانت وردة كتمشط فيها شعري مع ان كان فرق بينتنا كثر من 7 سنين ولكان كانت لمقربة ليا او بئر اسراري اما مريم ذكرياتي قليلة معاها حيث تزوجت بكري مريم كبر مني ب 9 سنين اما خويا كبير لكبر مني ب11 عام كان هو مسؤول على اعمال عائلة من تجارة الخ كان ديما كيجيب ليا العاب فيقتها من افكارها صوت وردة بتسمت او رجعت حداهم او هي كتشوف وردة شادة حسنا
وردة- بالعفوية- ماشاء الله هذ لبنت قداش زوينة احفصة خاصكي تعطيها ليا او لغنسرقها ليك(بدات وردة كتهرها او حسنا كتموت بالضحك ) صراحة حسنا كتشبه ليك بواحد درجة كبيرة ...الا فبعض لحاجات خذاتهم من باها اما سي ياسين(او شيرت جيهتو) كنحس للحظات ان راجلك جالس معانا كيشبهو بواحد شكل غير معقول
عم صمت قاتل او شي كيشوف فشي حسات وردة بغلطها
وردة-شدات ايد ختها- ما بغيتش نفكرك اختي سمحيليا احبيبة
حفصة-بتسمت- عادي اصلا نتي قلتي غير لحقيقة ياسين كيشبه باه (بالسخرية) صلاح وسيم
رحمة-خربقت شعر بنتها – بنتي زوينة ما كتقلقش بنتي الله يفرحك فيما كنتي (او بدات لالة رحمة كتهر فيها او حفصة بدات كتضحك بالصورة جنونية او كلشي ميت عليها بالضحك =)
