امراة للجميع 💎
بقلمي بلسم الجروح – ابتهال الرجبي 🌟
لاا حلل النقل دون موافقتي وذكر اسمي ⚠
الحلقة37 💔
------------------
بدا كيقرب منها بينما دموعها تزادو دارت ايدها قدامو (بالمعنى يوقف)
حفصة-بالغضب- ماتقربش مني او تزيد تكرهني فيك ...... بغيت ورقة طلاق او ولادي(غوتت بالجهد) مابقيتش قادرة طلقني .....قتلني ولكن مابقيتش باغة نبقى حداك ....انسان همجي ..........غصبتني فشبابي دمرتي لحاضر او حتى مستقبل
قرب منها او عنقها رغم كلل مقاومة ديالها عنقها ...حس بدموعها كتفزك تريكو ديالو ولكن زاد عنقها حتى تهدنت همس حدا وذنيها بصوت اجش غلبتو لعاطفة(عمرني غنتفرق عليك .....مستحيل نطلقك احبيبة........اخر مرة نسمع منك هذ لكلمة .....او غتندمي..انا مقدر ظروفك دابا ولكن من بعد لا...سمحيليا على اي حاجة درتها معاك ) بعد منها او هو باقي شاد راسها مابين ايديه باس راسها ...حفصة رجع غضبها ليها ثاني
حفصة-بالعصبية او كلها كترعد من لاعصاب- شحال قدي نسامحك .....اخر حاجة طلبها مني هي سماح....صلاح علاش ما كتفهمش مابقيتش قادرة نعيش معاك
مشى بعد منها او تجاه للباب او هضر ببرود(كيما تحملتي هذ سنين تقدري تزيد سنين لغيقدوك باش تموتي )
سد لباب بالجهد او ماهي الحظات حتى تسمع صوت شي حاجة تزدحت بالقوة مع لباب ديال جناحهم كانت حفصة شدات لفاز او شيرات بيه .بينما صلاح كان يلاه ستوعب صدمة ان صوفيا (دكتور لفحصت حفصة) كاين قدامو او كانت كتصنط على هضرتهم حتى جاتو صدمة او هي حفصة لبدات كتغوت او لحت شي حاجة على لباب لكان قدامو مع صوفيا ...شد صلاح من ايديها بالقوة او بدات كضحك او فعينيها نظرات رغبة وعشق
صلاح- ذخلي او عطيها شي حاجة باش تهدن وقيلة جاها لانهيار عصبي
صوفيا-حطات ايدها على صدرو- على لتزوجت بيك غييبقى عندها شي عقل اصلاح
شدها من ايدها او دفعها لداخل حفصة بقات كتغوت بالنفس لكلمات(كنكرهك اصلاح........ندمت على نهار لشفتك)
شوية حبست على هضرة منين شافت مرا زوينة شعرها ذهبي عينبها زرقين او لبسها عصري(نصرانية) بدات حفصة كتفكر فين شافتها او عقلت انها شافتها قبل سنين فحملها لاو بياسين بدات لمرا كتقرب منها او موراها برا او كتبتسم بالمكر
صوفيا-ههضرت بالدارجة ركيكة- لالة افصة على سلامتك
حفصة-ببرود- خرجي عليا برا عارف هو لي مسيفطك
او فظل كلام حفصة خشات صوفيا لبرا ...حفصة ترخت او ذغية نعست او سدات عينيها.صوفيا بقات كتشوف فوجهها لملائكي لشوهت كدمات..سعداتك احفصة .كنحسدك على عيشتك ....غطتها صوفيا او سدات لباب
-----------------
بعد اسبوع
علاقة بين حفصة او صلاح ولت باردة كثر مور داك يومين على لحدث رائع لوقع معاها ديال ضرب صلاح .طلبت من صلاح بالصراحة قاسية انها ما بققاتش بغات تشوفو هذ لفترة .....او هو تالم لهذ لقرار ولكن حترمو نظر لحالتها نفسية او حتى جسدية حس بغلطو هو حيث شافها مشات عند عائلتها تعصب او وقع لوقع.حاول يهضر معاها ولكن تجاهل لي كيلقاه حتى لجناح ديالهم اسبوع مدخل ليه حتى ولادو كيبعدو عليه او خدمة ول غارق فيها .مشى عندها لكوزينة كانت كتوجد لفطور بينما وجهها مشرق او ابتسامة باهتة على شفتيها لكرزية
صلاح-دخل لكوزينة او تكلم بصوتو لجوهري- كلشي يخرج
بل ما يزدو كلمة خرجو بينما هو قرب منها كانت ساهية او بقى كتعجن مسمن او جرها من خصرها بتملك باسها فحنكها ...حفصة قفزت او كلها كترعد.حفصة ضربتو بمرفقها حيث ايديها عامرين بالعجينة بينما هو نزل براسو لعنقها باسها بعمق خاش راسو فشعرها او بدا كيشمو او كيتنهد حفصة بانت علامات انزعاج على وجهها او بغات تبعدو و لكن هو شداها بالجهد او مزير على خصرها بينما ايدو للخرا كتفحص جسدها بالجراة بينما حفصة سدات عينيها بدات كدفعو همس حدا وذنيها بالحب(توحشتك احبي) ضربتو حفصة لكرشو بالجهد
حفصة-بالغضب- بعد مني اصلاح.......للاسف متوحشتك.......عفاك عطني شوية لوقت او متبقاش تجي حدايا حيث باقي مسمحتش ليك او للاسف ما نقدرش
شافت فيه بالحزن او غضب او خرجت من لكوزينة بينما صلاح بقى كيشوف فيها او فسنسلة فايدو او زير عليها او عينيه ولو حمرين
