امراة للجميع 💎
بقلمي بلسم الجروح-ابتهال رجبي 🌟
لاا حلل النقل دون موافقتي وذكر اسمي ⚠
الحلقة27 💔
------------------
رحمة- هذ تصرفيقة فمصلحتك علاش ما خديتيش اذنو كان على اقل غيصيفط معاك شي واحد ما خفتيش على راسك ليتعرض ليك شي واحد...
حفصة ملت او حيدات لخمار ديالها ...ماماها تصدمت منن هذي لقدامها هذشي ماشي بنتها حفصة صغيورة لعندها جمال بسيط او طبيعي...كانت قدامها سيدة من سيدات لمجتمع راقي ...امراة متفجرة انوثة ...ملامحها لتبدلو ...جسمها ممشوق او ممتلئ بطريقة مثالية او فتالاماكن صحيحة...امراة متكاملة ...نظرتها لمتعجرفة....زينتها لبسيطة او رايقة عينيها لكبار مكحلين بالكحل شرقي فمها منتفخ او مصبوغ بالاحمر كيختلف على هذاك لكان كيكون عامر بشكلاط ابتسامتها انثوية ماكرة نظراتها لباردة لبسها لكيشبها سلطانات قفطانها لخضرلمبنت بسلهامو لكغطي شعرها طويل قهوي... ذهوبات لعامرة بيهم..واش هذي بنتها رجعت رحمة خطوات لور او جلست
حفصة-دمعو عينيها منين شافت ماماها رجعت خطوات
حفصة- او هي شادة ايدها او جالسة فالارض- انا ما خايفاش يتعرض ليا شي واحد ....منين عشت فعهذيك عرفت انواع الالام او مابقيتش كنخاف ....زيدي ضربني كيما كدير صلاح راجل بنتك لعزيز ....ذنبي اني جيت نشوفك....او باش نتي تشافي جراحي زايدة عليا....كونو تشوفي بنتك اش وقع ليها ....ماما راه طلبتو او قلت ليه عفاك بغيت نشوفهم كل عام عمرني كنت كان عام نفسش لهضرة ولكن مليت دور لعبدة او لجارية او زوجة لمطيعة مليت من صلاح او عائلة صلاح اماما خلني حداك ما بقيتش بغيت نرجع تم بغيت نبقى معاك تضفري شعري او تنعسي حدايا درت كلشي باش نشوفك
رحمة كانت كتالم لالم بنتها ....كانت كتصحب ان بنتها نساتهم منين تزوجت ولكن كانت كتعذب او هذا واضح من كمية لالم فصوتها ...لمت راسها كيفاش قدرت تفرق على بنتها او هي صغيرة او تحطها عند ناس ما فيهومش رحمة رجعو بنتها من انسانة كتبغي لحياة لامراة انانية او كتلة من جليد ولكن لفهمت من كلامها انها كتالم او ما حدها كتالم الا او قلبها صغير او شخصيتها لحساسة مستحملش داك لعذاب
رحمة – كتبكي بالندم او قلبها مقبوط عليها او زادت عنقت بنتها بالجهد- سمحيليا ابنتي لوكان رجع بيا لوقت لورا ما كنتش نفرط فيك او نخليك تعذبي ....بنتي اش دارو فيك ولاد لحرام عارفة ما رحموكش ...او انا لوصيت عليك صلاح قبل ما يمشي او قال كيبغيك.. هذشي لكان مصبرني على غيابك....بنتي اش دارو فيك
حفصة- بالصوت لا حياة فيه- لطرا طرا امي (قصحت قلبها او كملت) هضرتك ماشي هي لغترجع ليا سنين عمري او ضحكتي...عارفة شحال من مرة كنفكر نخلي ليه لولاد او نطلق منو او نبني حياة جديدة ولكن تعلقي بولادي كيبقى حاجز
كلمات ضربوها فصميم او زادو دموعها شوية رحمة كتحس بشي حاجة غريبة بعداتها ليها او بعد سلهامها لكيخبي كرشها او تصدمت منين لقات كرشها منتفخة شوية
رحمة-بالصدمة- حاملة ابنتي (رجعت ضمتها ) مبروك عليك ابنتي
حفصة- زادت وتيرة لبكاء ديالها بالعكس راه تورطت كثر مع شخص مكيعرفش رحمة او قلبو قاصح ...او ما كان هذ راجل غير راجلها لعزيز اب ولادها
------------------
