امراة للجميع 💎
بقلمي بلسم الجروح 🌟
لاا حلل النقل دون موافقتي وذكر اسمي ⚠
الحلقة28 💔
------------------
قصر صلاح الدين القيادي-المساء
كان صراخ كيهز بلي فيه...غضب ديالو تجاوز حدود هذ لمرة...كلشي بعد منو او خدامات كان كيرعدو ليفوت فيهم شي دقة...كان بحال شي وحش او لا اسد مفترس كيقلب على شي ضحية و للاسف لقاها....زنيب من عيط عليها صلاح هي او عروسات ولادها او هو كيغوت عليهم او على خدامات او حتى على حراس لدوختهم لالة حفصة صدقت ذكية بقات فبلاصتها كترعد هي او عروساتها بالخوف مع انهم ماكيحاولوش ايبنو
صلاح(كان شادها من عنقها او قجها حتى باغة طلع روحها) قولي فيناهي حفصة او غتطلع روحك ليوم(زاد ورك على رقبتها) ياما نقتلك ياما ندفنك حية هضري
لاحها بالجهد حتى تزدحت مع الارض او تقصحت سدات عينيها
نورة(بالصوت ضعيف) - اهئ اهئ سي صلاح والله ما كان بايدي والو انا غير عاونتها
صلاح(فقد صلاح سيطرة على راسو او ضربها بالجهد لمعدتها حتى خرج دم من فمها او تقيتو) قولي بالزربة فيناهي حفصة او لا ما غيعجبك حال
نورة(او هي كتمسح دم لي على فمها او بايد لوخرا شادة كرشها)- عفاك سمحليا اسي صلاح انا نفذت لامرتني بيه لالة حفصة ...لالة حفصة كاينة ماماها مع سي ياسين او لالة حسنا
صلاح -معها معاها بالتصرفيقة- بشحال شراتك اقليلة نفع غيرشفتي لفلوس تحلو عينيك انا جبتك باش تحضيها ماشي باش تحلي لباب
نورة بدت كتبكي او حتى واحد ما قدر يتدخل لان اي واحد غيبغي غياخذ نفس عقاب نورة
صلاح(غوت عليها بالجهد حتى قفزت ) نوضي جمعي لوقفة
ناضت بلا هواها واخا بقى متالمة شدات كرشها او بايد لوخرا كتمسح دم لباقي ففمها .... دار صلاح عندهم او شير بصبعو ليهم (زينب او عروساتها)
صلاح(بالغضب او شر فعينيه) -والله او تكون وحداة فيكم هي سبب توجد راسها لعقوبة ......مغنرحم حتى وحداة فيكم(بلعو ريقهم بزز) شاف صلاح فزينب بالغضب او خلهم
صلاح جذبها من شعرها او خرج بيها برا بينما فطرف لاخر كانت زينب حاطة ايدها على قلبها او وجهها ول صفر بحال زليجة...او كتدعي ان تكون حفصة مشات تطل على والديها حيث الى ذكرت سمياتهم غتكون حلت عليها ابواب لجحيم او خصوص حفصة كتكرهها بزاف بقى كدعي حيث هذ مرة باه او مايقدر يحبسو
زينب (حماة) كتندب او كتقمش حناكها- ناري مشينا فيها نهار غيولي ليل الى قالت هذيك لمصيبة شي حاجة...حمد لله ضياف منين مشاو اما كون طرات مصيبة او ناس دات باش تهضر علينا هربت لكافرة بالله
ززهور(بالخوف او هي جالسة فالارض)- عرفت هذيك وجه لويل ما عمر يجي منها لخير
ربيعة-بالحقد- هذيك قليلة نفع اش عجبو فيها ...مشات مرا تجي مرا...عارفين علاش مبردة احماتي لعزيزة(او هي كتشوف فزينب بالمكر لولت بحال حمقة كتضرب فراسها) كلنا فالهوى سوا كلنا كنحملو لالة حفصة نفس لحقد او لشهدت غتشهد علينا كاملين يعني غناخذو نفس لعقاب
رقية –تحول ملامحها بريئة لوحدين كلهم شر او شيطانية- او هي تحط ايدها على كتف ربيعة- هههههههه نو نو ازينات ديالي او لا لغبيات ديالي ما تجمعونيش معاكم مع ان كرهي لسيدة حسن او جمال حفصة كبير الى ان ما كنبين ليها والو عكسكم احمقات لذغية كتبينو كرهكم ليها بسبب انفعالكم عكسي انا كنتحكم فيه حتى واحد فهذ ما كيعرف كرهي ليها من غيركم اما صلاح او حتى حفصة عارففني ظريفة او دايرني بحال ختها لكبيرة او كلشي كيشهد بمحبتي ليها (بتسمت بالمكر) او دابا تسناو عقابكم بشوية او وجدو عضيماتكم(شافت فحماتها او شريت ناحيتها) كلمة غلطة من حفصة حتى نتي احماتي لعزيزة مشيت فيها او عارف صلاح الى قاس شي واحد مراتو او خصوص فهذ لحالة منعودش ليك اش غيدير فيكم غيخلطكم كاملين والله ما يعقل عليكم هذاك راه صلاح او انا عارف سي صلاح علاش قاد منين كيتعصب يحرق هذ دنيا او بما فيها عقل حتى على مراتو ايقل عليكم او بل ما تمشيو تشكاو على رجلاتكم والله ما غيتسوقو ليكم غيسمعو غواتكم(تخطف لون من زهور او ربيعة) او غيسدو وذنيهم جحيث صلاح بامكانكم فاللحظة وحداة ايلحكم برا او بل مايتردد قلبو قاصح بحال حجر ما كيحن حتى فمراتو او ولاد عادد نتوما (بالسخرية) او غتبقاو بل درهم او لا نصو او بتاكيد حتى وحداة فيكم او لا فرجلاتكم ما مستعد ايتخلى على هذ رفاهية سي صلاح عندو ثروة عائلة كاملة اضافة لثروة ديالو عمي لعزيز خل ليه كلشي اه قبل مانسى سي صلاح قادر ايخلطكم كاملين نتوما او رجلاتكم او خصوص فهذ لمرحلة من غضب(غمزتهم) نخليكم تسخنو عضيماتكم لعصا
تحركت بالرشاقة او هي كتبتسم بالمكر بينما زينب ما قداتش على صدمة طاحت فالارض بينما ربيعة او زهور كيحولو ايفيقوها
عند صلاح برا لاح نورة قدام لحراس بالجهد
صلاح(بالخبث) تهلاو فهذ لقطيطة او ردو ليها لبال عندكم تفلت ليكم ....او بالنسبة لهذوك ربعة ديال حمقيقين خويو عليهم ما فيه لملح او يكون بارد ما حد جرح فيهم باقي جديد باش ديما يتفكرو اش دارو او لي ما خاصهومش ايديرو (هنا قصد حراس لخداو لفلوس من عند نورة منين صيفطتها حفصة او عطتهم نورة منوم فالقهوة باش قدرت حفصة تهرب من لباب لخلفي لكاين فالقصر)
صلاح ما سمعش هضرتهم لخاوية او ركب فوق لعود ديالو . لبعد على قصر فدقائق معدودة بسبب سرعة او بدا كينهب فالحقول ...او هو كيفكر فحفصة.....ديرها بيا تمشي بل خباري الالة حفصة غتندمي او كيما كيقولو خروج لحمام ماشي بحال دخولو...نتي ديالي او عمرك غتهربي مني
