امراة للجميع 💎
بقلمي بلسم الجروح 🌟
لاحلل النقل دون موافقتي وذكر اسمي ⚠
الحلقة16 💔
------------------
شوية بان ليا وقف مورايا او حط ايدو على كتفي او دورني عندو خط ايدو فكي او طلع راسي عندو او شفت فعينيه مباشرة
صلاح- بالهيام او حب- ماشاء الله على جمال
هذ لجملة فكرتني باول مرة شفتو فيها
حفصة-رجعت جوج خطوات لور- هههه سي صلاح ياكما مريض هذ صباح بنتي ليا ماشي طبيعي
صلاح-جرها من ايدها لناموسية- ما تخافيش انا بخير
تابع هضرتو- بغيت نهضر او ما تقاطعنيش (حط صبعو على فمها) انا مستحي نضربهم على والو هم ولادي عزيزين عليا بزاف او خصوص بنتي حيث هي قطعة منك..........انا ضربتو جيث دار خطا ياسين ولدي حتى انا
حفصة- او شنو هذ لخطا لخلك باغي تقتلو..ماشي غير ضربو
صلاح-بالهدوء- انا لاحظت مؤخرا ان زينب كتزرع فلولد افكار غالطة ول كيصحب راسو هو كلشي اما حسنا لا ول كيضربها او يغوت عليها.. بغيت نبين ليه ان هو بحالو بجال حسنا بالنسبة ليا او بالعكس حسنا حسن ليا ...قيمة ياسين من قيمة ختو او انا ما غنسكتش الى حاول ايضر ختو
حفصة – ابتسامة مستفزة على شفتيها- بهذ طريقة اسي صلاح بالعنف هذشي لكتعرف ليه
صلاح- انا بغيتو يكون راجل او بتاكيد ما غيوليش راجل باخلاقك او مبادئك بغيتو يكون كيشبهني راجل فكلشي يمكن طريقة صعبة هي لكتكون حسن...او اول درس ان خاص يعتبر ختو هي كلشي او يدافع عليها
حفصة-بدات كتصفق- صلاح عندو قلب ....او عزيزين عليك ولادك
صلاح –قربها ليها او شد وجهها مابين ايديه- ولادي كيعنيو ليا بزاف احفصة حيث هم ولادي اولا او ثانيا هم قطعة منك ..نتي او هم نتوما لكتعنيو ليا كلشي ذغية دابت مابين ذراعيه او يلاه غيبوسها او هو يسمع دقان فالباب او هي تهضر لخدامة مورا لباب
خذامة- سي صلاح...لالة حفصة...لالة ام سيدي عيطت عليكم لفطور
ضحكت بالسخرية لالة ام سيدي زوينة هاذي
صلاح-مابين سنانو- سيري دابا
حفصة- بالسخرية- يلاه اسي صلاح راه لالة ام سيدي غتقلق
صلاح تفاجئ من كمية كره او حقد فصوتها ...زعما فهذ سنين غيرها هو او غيرتها ظروف او سكان هذ لقصر باش تحول من حفصة طفلة ظريفة لبريئة الى مرا ناضجة حقودة او فاتنة
