امراة للجميع 💎
بقلمي بلسم الجروح 🌟
لاحلل النقل دون موافقتي وذكر اسمي ⚠
الحلقة12 💔
------------------
نرجعو عند حفصة –قصر لقيادي
اكثر حاجة كتكرهها ....هي انها يذلوها انها تحس انها بلا قيمة ...لقصر لكانت كتسمع عليه منين كانت صغيرةاو لكانو عائلتها كتكرههم هاهي فيه دابا عروسة....عروسة بزاف عليها كلمة عروسة ....عبدة لاغير
كانو كلشي مجموع فصالة لعروسات او رجال عمي او عكوزتي......كلهم كانو كيشوفو فيا بحال شي مخلوق فضائي مع ان دازو 13 عام ....ولكن معاملتهم ليا جافة بزاف تقول خدامة ماشي عروس او مرات ولد لكبير
كان عمي جالس حداه صلاح او من جهة لوخرا عكوزة....مشيت عند عمي او بست ايدو او راسو كما لعادة...بتسم هذيك ضحكة صفرا....او مشيت حدا صلاح اوف قداش كنكره هذ لحظة هبطت براسي لايدو او هزيتها او حطيت عليه قبلة رقيقة يلاه بغيت نمشي او بغيت نحيد ايدي ....وكن صلاح بقى شاد فايدي بالقوة او كيشوف فيا بالنظرات غريبة جابت ليا قشعريرة واش باغي نبوس فايد لوخراا والله حتى خدامة حالتها حسن من حالتي....كلشي بدا كيشوف فينا باستغراب او فضول او انا حشمت...ورك على ايدي او طلقها او من بعد مشيت عند عكوزتي –عقروشة كيعجبها لحال منين كتشوفني تحت سباط ولكن عمرها ولكن عمرها تحلم بيها هي جارية لباعوها والديها فسوق جارية رخيصة لجابوها من سوق اما حفصة اصلها سلطانة او غنبقى سلطانة بتسمت فوجهها او بست ايدها .....بداو كيبانو ليا كيخرجو مورا ما خرجو تبعتهم...باش نجيبو لفطور كما لعادة للبيت لجنب صالة...انا هزيت صينيه لفيها زبدة او عسل او جبن او زيت لبلدية بينما رقية او ربيعة او زهور ..تكلفو بداكشي لبقى...او دخلت لبيت بديت كنحط طباسل على ميدا
كان كيشوف فيها او مبهور بجمالها مشرق او حناكها لحمرين او ابتسامة بريئة على ثغرها كانت كتزوع لاطباق بسلاسة بحال شي فراشة ...او قرر يبدا معاها لهضرة
صلاح(بالصوت رجولي اجش فخم)- فيناهم لولاد
حفصة كانت كتامل مائدة ملكية بالشرود لكانت كبيرة بزاف كان عمي احمد على راس لميدا بينما فجنبو ليسر كاينة زينب حماتي او ليمين كاينة انا او صلاح او حدايا ربيعة او كاين حداها راجلها عبد الرحمن بينما كاين عثمان قبالتي او حداه مراتو رقية او حداها كاينة زهور راجلها ما كاينشبسبب واحد لمشكل اما ولاد زهور او رقية او ربيعة صيفطهم لعائلتهم ايدوز عندهم عطلة صيف مع مربيات ديالهم باش ايردو ليهم لبال ..بتسمت بمرارة الا ولادي....منبوذين بحال ماماهم ...سمعت صوت صلاح كيخترق افكاري او هوكيسول على لولاد تعصبت فهذيك لحظة
حفصة (مابين سنانها) عفاك ما تحاولش تبين بلي نت مهتم بيهم...ن او نت عاطي لولد قتلة ديال لعصا
شهقت بشوية منين حط ايدو على فخذي
صلاح (بالمكر) مهتم بيهم اوبمهم
درت اوشفت فيه او عينيا دمعو
حفصة(بالحزن) ياريت اصلاح ... نت كتهتم غير براسك
زينب (حماة) كانت مراقبة هضرتهم ولكن كانو كيهضرو بالخفوت هذاكشي علا لش ما قدرتش تسمع
حفصة – شكرا منين وقفتي ليا نعمة
صلاح -حفصة يا اما غتجمعي فمك يا اما غنجمعو بطريقتي
لعنف باش كيعرف يهضر ...بتاكيد عارفه يقدر يديرها او يقدر ايقلب لميدا لهذا ناضت بكرامتها
حفصة (ناضت من فوق لكرسي) حاسة راسي مريضة ...بصحتكم لفطور
او ناضت بينما صلاح كان باغي ينوض ةولكن خاف ليهرسها او لا يدير فيها شي حاجة او خصوص هي حاملة لهذ لتزم صمت او ناض خرج لبرا
