امراة للجميع 💎
بقلمي بلسم الجروح 🌟
لاا حلل النقل دون موافقتي وذكر اسمي ⚠
الحلقة23 💔
------------------
في صباح لباكر-قصر لقيادي- مناسبة عيد لاضحى
فاقت على صوت ولادها لدخلو لبيتها ....بتاكيد كيفرحو بلاعياد...دار ليوم كتكون عامرة من لفوق حتى لتحت بالضياف او خاصها تستغل لفرصة ديالها ...بتاكيد كيتزاد لحراس ليوم غير باقي ايام لعادية على ابواب قصر رئيسي او لخلفي او بما ان سي صلاح كيكون مشغول مع شي ززبناء ديالو ...سمعت صوت دقان عرفت بلي هذي هذي لخذامة جديدة ديالي صلاح ما بقى كيخلني ندير والو كرشي بدات كتكبر وقيلة انا دابا فشهر ثالث
حفصة-دارت ليها اشارة بايدها باش تقرب منها- نورة لبسي حسنا حوايج لعيد ديالها او ززيديها عليها مونطو (شافت فياسين) او حتى نفس فشي او لبغيت فوقية بقى بيها ولكن لجو بارد زيد مونطو (رجعت كتشوف فنورة) او نتي منين تكملي شغلك رجعي لعندي
حركت نورة راسها بالايجاب..بينما قرب منها كل من ياسين او حسنا ...يمكن ياسين كيبان قبيح ولكن عارفها مزيان قلبو ظريف مع ان كيبغي يبن لباه انه كبر ولكن هو باقي صغير...قربو منها بجوج او باسو ايديها او راسها ....حفصة عينيها دمعو
حفصة- عنقتهم بجوج- اي حاجة كنديرها على قبلكم الله يرضي عليكم او يحميكم ليا
ياسين او حسنا-عيد مبروك اماما
حفصة باستهم فحنكهم- عيد مبروك اوليداتي دابا غديرو هذشي لقلت ليكم
مورا ماكملت هضرتها خرجو بجوج او معاهم لخذامة ....دخلت حمام دوشت بالزربة او نشفت شعرها او مشات صلت ...لبست قفطانها لخضر لمبنت او عندو سلهام ديالو ....مشطت شعرها او جمعتو ...كحلت عينيها او دارت عكر غوز او لبست خمارها لقهوي باش ما تلفتش لانظار لبست ذهب ديالها او هزات واحد صاك دارت فيه شي حوايج ديالها او كادوات ...سمعت دقان عوتاني عرفت بلي نورة خلتها دخل
حفصة – او هي منشغلة مع خمار ديالها- شوفي هذاك لفنيد لعطيتكغتحطي ليهم 2 حبات لواحد او هذوك لفلوس لعطيتك غتفرقيها عليهم بالتساوي او قولي ليهم هذو تدويرة من عند سي صلاح من بعد غتعطيهم لقهوة مفهوم منين تكملي رجعي عنديحيدات لخمار ديالها خاصها حتى تجي عندها نورة خرجت من بيتها او طلعت فدروج كتمايل بمشيتها دار عامرة ريحة شوا او دخان او حتى صوت ناس كثير ....دارت واحد دورة شرفية او تجهتللكوزينة لكاينة فلكولورا اولقاتها عامرة كل واحد ملهي وحداة تقطع لحم او وحداة تقطع لبصلة او وحداة مع لمجامر
حفصة- الله يعاونكم ابنات مبروك عيدكم
دارو لبنات او هم كيشوف فيها مبهورين بجمالها او مع حمل عطا لمسة اجمل ليها - شكرا لالة حفصة
كانو لبنات فمختلف اعمار كيجيو كل عيد باش شي وحداة الى عجبتها لبنت من عيالات تخطبها لولدها او مع هذ دار كيكون غير شكون او شكون حتى لبنات كلهم لدابا كيديرو لكيشقاو بنات من اسر ميسورة او متوسطة علاش انسة زينب غتقبل بشي وحداة فقيرة دخل ...نسات اصلها ذغية ...كنكرها على هذ سبب...ما حد كلشي على جيب صلاح علاش ما ديرهاش ....جبدت من سلهام ديالها لفلوس او بدات كتفرق على بنات كما عادة 200 درهم لوحداة كلشي عزيزة عليه حفصة لكرمها او جودها ...بقاو لبنات كيدعيو معاها ...عمرو ليها اتاي او حطو ليها لقطبان ديال لحم او بقات مجمعة معاهم ...حتى فاللحظة وحداة عم صمت لمكان حفصة طلعت راسها او لقاتو حدا جنب لباب ...دخل او كللشي لبنات كيرعدو
صلاح- بالصوت لخشن او رجولي -كلشي يخرج من هنا
او بدون سابق انذار خرجو بالزربة
