امراة للجميع 💎
بقلمي بلسم الجروح 🌟
لاحلل النقل دون موافقتي وذكر اسمي ⚠
الحلقة11 💔
------------------
في قصر نور الدين صبري –مكان اخر
كانت حاجة رحمة كتقرا قران بالهدوء ...حتى كيبان ليها راجلها نور الدين داخل مع لباب ديال بيتهم
رحمة (سدات لقران او حطات فوسط لمجر لحداها) -فرحني انور الدين اش ولدت بنتي مريم
نور الدين – صبي زوين
رحمة (او هي كتشكر الله) حمد لله منين ولدت ولد اما كون عكوزتها عاوتني حلت فمها علينا بعد كيف دايرة مريم
نور (بالمزاح)- تبارك الله دايرة بحال عودة صحيحة
رحمة(او هي كتضحك) حرام عليك انور الدين تهضر عليها هاك
نور(كيحيد فوقية ديالو)- و غير كنضحكو بنتي بحال لقنية ما تشبعش من لولاد
رحمة(بالسخرية) – ماشي ما كتشبعش منهم لمجتمع لفرض علينا نجيبو ذكور لي بالنسبة ليا بناتي احسن حاجة...ولكن ضروري من ذكر فعائلة...باش راجل ما يجيبش عليك ضرة ماشي هاك وقع ليا حيث تعطلت باش نولد سعد كثرة عليا هضرة او انا متاكدة كون ما ولدتش فهذيك لفترة كون زوجتك مك لشي وحداة ..حمد لله الله استجاب لدعاء ديالي او هو ارحم الراحمين
تنهد لحاج نور الدين او هو يقرب من لحاجة رحمة او باسها فراسها
نور – يارب تدوم علينا هذ لفرحة او هذ نعمة
رحمة – امين احاج ولكن لفرحة مغتكملش الى ما شفتش بنتي هذ لعيد
نور(حزن كبير بان فعينيه) – حفصة بنتي صغيورة شحال توحشتها والله الى ه شحال من مرة كنقرب من لقصر ديالهم او كنرجع
رحمة(نبرة صوتها لكلها كره)- كنكرهو هو لفرقني على اميرة ديالي او هي صغيرة ماشي مشكيل ربي كبير او كيشوف كلشي....عندي امل نشوفها فالعيد جاي مع حفادي
ساد صمت مرعب حتى قاطعتو لحاجة رحمة
رحمة (بالفرح مصطنع) لحاج غنمشي نسخن ليك حمام باش تكمد عضيماتك
او هي تخرج من بيتها او لحسرة كتقتلها هذ اعوام او صورة ملاكها عمرها فارقتها
