امراة للجميع 💎
بقلمي بلسم الجروح 🌟
لاا حلل النقل دون موافقتي وذكر اسمي ⚠
الحلقة30 💔
------------------
من بعد ساعات متواصلة من ضحك او هضرة او ذكريات جميلة (طفولة حفصة) جات لخذامة باش تعلمهم ناض كلشي او مشات مع ولادها باش يغلسو ايديهم فبيتها او بالضبط فحمام ديالها بيتها شحال هاذي ما شافتو ولكن منين يلاه باغة طلع او هي تهضر ماماها قبل ماططلع
رحمة (او هي شادة ياسين او حسناء هبطت لمستوى ديالهم) غتمشيو عند خالتكم وردة غتغسل ايديكم او ماماكم غتجي موراكم
مشاو عندها بكل فرح بينما حفصة كتشوف فيها باستغراب
رحمة- كنت عارفك بغيتي تمشي لبيت منعتك غير حيث لبيت مسدود منين مشيت من هذ دار مكنخلي حتى واحد يشوفو عارفة علاش(دمعو عينيها) حيث كانت ليلة عرسك كنت كتبكي تم او انا ماقدرتش نتحمل دموعك او مشيتلبرا عند ضياف..بتاكيد كتقوي اش علاقة هاذي بهذي كنت كنقول اني مخصنيش نخل بيتك او مخاص حتى واحد يشوف غير حيث منين غنحلو غتبني ليا كتبكي نهار عرسك لهذا قررت نسد داك لباب او معاه حتى ذكرياتك ماشي حيث كرهتك لا ابنتي حيث كنت غنسمع لبكا ديالك او غنزيد نتالم او (او قبل ما تكمل هضرتها سدات حفصة فمها)
حفصة-بتسمت- خلينا نساو هذشي اماما غنمشي نغسل ايديا سيري شدي ليا بلاصتي حداك
مشات حفصة غسلت ايديها او مشات لمرح كانت طبلة كبيرة او مجموع فيها كلشي او فالهواء الطلق....نسائم باردة ....كتضرب اشجار او كتعطي اصوات قريبة على لقلب اصوات حشرات او ضوء قمر بتسمت حفصة او جلست كتاكلو مع عائلتها بدات كتحط فطبسيلها حوت ...شوية او هي تفكر صاك
حفصة (ضربت طبلة بشوية)-خمس دقايق او انا معاكم
مشات جابت صاك ديالها من صالون للي كاين فالفوق مشيت جبت صصاك او جبدت منو ميكة كبيرة عامرة بالكادو....ما حد كلشي علىجيب سي صلاح ما كاينش مشكل....على اقل الى صبرت هذ سنين ايكون طلعني ربح ماشي لخسارة... لفلوس كيديرو لعجب ...هزات معاها لميكة او هبطت عندهم قربت منهم
حفصة- بالتحذير- غنعطيكم هذ لكادوات او مابغيت حتى كلمة ماحدكم معتبرني وحداة من عائلة ديالكم
مشات عند باها نور الدين عطاتو فوقية او صلاية او ساعة عارفه كيحمق عليهم سي صلاح عندو بزاف بتاكيد وحداة الى خذيتها ما غتشكلش لفرق على اقل الى ما حضيتش بالاحترام هذ سنين حظيت بالفلوس او نسب
نور الدين- باستغراب – منين جاوك لفلوس
حفصة –بالسخرية لاذعة- مزوجة بسي صلاح الدين ابابا او كتسولني منين غيكون جاوني لفلوس
مشات عند ماماها عطاتها قفطان فالحمر طلبت صلاح فالعيد يخيط ليها بزاف لقفاطن او بتاكيد او مرفضش مع شربيل
رحمة-شكرا بنتي ولكن ما كانش عليك تعذبي راسك
حفصة- ماكاين لاعذاب لاوالو
مشات عند دادة او عطاتها قفطان فذهبي مع شربيل نفس شكل قفطان ديال ماماها حيث عندها رحمة مع بحال دادة فاطمة
فاطمة- الله يخليك ليا ابنتي
حفصة- الله يخليك ليا نتي اروحي(او باست راسسها بكل حب)
مشات عند وردة لعارفها معجبة بالروايح او عطاتها عطر فرنسي عطاها ليها صلاح بتسمت وردة بامتنان مشات عند هدى او عطاتهاعبايةمع شال ديالها
هدى –بالغضب- بغيت قفطان حتى انا
رحمة-قرصتها حتى غوتت- كوني تحشمي اديك لبنت
حفصة- بالهدوء- هي لمتعاودش مرة خرا ان شاء الله
مشات عند جميلة لي منين دخلت كطلع او تهبط فيها علاقة مابيني او بين جميلة كانت متوترة ديما ...جميلة كانت قاسية او ذكية منين كنت صغيرة كانت كضربني او كتعاملني خايب لهذا كاين واحد لجفاف بينتنا ....نظراتها لحقودة مختلفوش
...حتى سلامة ماقلتو ليا او معبرتنيش....جبدت سسنسلة ديال ذهب او يلاه غتعطيها ليها او هي دفع جميلة ايد حفصة بالعنف
