للجميع امراة 💎
بقلمي بلسم الجروح 🌟
لاحلل النقل دون ذكر اسمي ⚠
البارت5 💔
------
عند صلاح
صلاح (او هو ساهي فيها) : لحبيبة ديالي ماشاء الله على عوينات او ضحة زوينة كتشبهي ليها فكلشي
حسناء : شكرا على لاغوب زوينة بزاف
صلاح :ما كاينش شي حاجة غالية عليك او زوينة عليك نتي لزوينة
حسناء (او هي مغوبشة) : جدة قالت ليا خايبة او لبنات زوينات كيلبسو كساوي طوال او مستورين ...جدة ما كتحملنيش..عزيزة عليها ياسين كثر مني حيث عمرها خاصمت عليها واخا كيدير لبسالات
بتلع صلاح غصة واقفة ليه فحلقو حيث مو عمرها ما حملت بنتو او لحد الان ما عارفش سبب مع انها بنت كتسنط لهضرة او ظريفة عكس خوها ديما كتضربها او تعايرها او مع انني كنحاول ما نحسسهاش بدداك جو لمكهرب ولكن تصرفات
صلاح : لا ما تقوليش هاك ابنتي شكون يقدر ما يبغيكش
حسناء : هي جدة انا عزيزة عليها ..اذن علاش كتغوت عليا بزاف
صاح (حط ايدو على حنكها) : يمكن دابا ما غتفهميش ولكن حيث تكبري غتفهمي مزيان ...جدتك دائما غتبغيك لينفعك او افضل ليك او كلشي لمصلحتك
حسناء (او هي كتضحك) : شوف شكون جاي
صلاح دور راسو او لقا ولدو ياسين جاي لعندهم ..ولدو لبكر ...اول حفيد فعائلة ...قرب ياسين او باس ايد باه
ياسين : صباح لخير لوالدي
بتسم صلاح او ربت على راسو
حسناء : صباح لخير خويا
ياسين خنزر فيها او هي تسكت ..او هذ شي كامل داز قدام صلاح
صلاح (بالشك) :اش واقع ...بينتكم
نقزت حسناء : والو ابابا والله ما درت شي حاجة
ياسين (او هو عاقد غوبشتو) : لا خاصو يعرف اش واقع اهذيك لبنت
قطعو صلاح بالقسوة(او هو كيجرو من ذراعو) :هذ لبنت ختك او سميتها حسنا او كيما نت ولدي او عزيز عليا راه حتى هي بنتي او ختك صغيرة او عزيزة عليا بحالك او كثر منك ...مالك مع ختك
ياسين(او هو مخنزر فختو) :قطعت ليا صفحة لواجب لعطانا استاذ مايكل دابا غذا اش غنذير
صلاح(ببرود) : او اش فيها ... كتب وحداة خر
حسنا (بالخوف) : والله ماشي انا راه صهيب ولد خالتي رقية
ياسين (بانزعاج) :لا زادت فيه او بزاف زيادها بالكذوب
قاطعو صلاح بالعصبية : اش هذ لاسلوب باش كتهضر قدامي (او يلاه غيهضر ياسين او هو يجمعها معاه بالطرشة) عتذر من ختك دابا (ياسين دور وجهو لجهة لوخرا او دموع تجمعو فعينيه) صلاح غوت بالجهد (قلت ليك دابا)
ياسين (اوكل كيرعد حيث كيعرف منين كيتعصب باه ) سمحيليا اختي حسنا
صلاح (ببرود) : سير لبيتك دابا او ما تخرجش منو حتى نخليك حنا ختك قبل كلشي عمرك تخلي شي واحديسمم عقلك ....قيمتك من قيمة ختك او عمرك تبكيها
منين مشى ياسين دار صلاح كيشوف فحسنا
حسنا ( او هي متوترة) :عفاك ابابا بل ما تخنزر فيا
يلاه شد كتفها او هي طلقها بواحد لغوتة
صلاح (بالقلق) : بنتي مالكي ...ييلاه شديت كتفك او نتي تغوت وش طحتي على كتفك
حسنا (تخطف منها لون) : لا ابابا غير تخلعت
صلاح : قولي صراحة ابنتي انا كنعرفك
عرا ليها على كتفها او هو يتصدم من واحد ضربة زرقة كبيرة
صلاح (او هو كيحاول يكتم لغضب ديالو) :شكون لدار ليك هذ شي او ما تحاوليش تغطي عليه ما تخافيش مغندير ليه والو وش جدتك
حسنا : لا لا ابابا ماشي هي
صلاح : يعني ياسين
حسنا : (الصمت)
صلاح :عرفت بلي هو مول هذ لفعلة لحمار
قاطعتو حسنا : انا لعصبتو عفاك ما دير ليه والو
صلاح : نتي ثاني اعز حاجة عند فهذ دنيا ابنتي
حسنا : انا ثانية اذن شكون لول فحياتك
صلاح (بتسم ليها) : ماماك ابنتي ....بنتي سيري تلعبي ....غنمشي عند ياسين دابا
حسنا :بابا علاش ...عفاك ما دير ليه والو
صلاح : بنتي على قلب عندك مع كلشي لدارو ليك باغة تسمحيليه....اي واحد دار لغلط خاصو يتعاقب
حط بنتو فالارض او مشى لعند ياسين او عينيه عامرين بالشر
بينما حسنا سدات وذنيها او دموعها غاذين حيث عارف اش كيتسنى خوها مع ان باها كيتعامل معاها مزيان او باللطف كبير ولكن عارف ااش كاين ورا داك لوجه ظريف شيطان .....او صوت لغوات كيضرب فوذنيها بحال ضو ...اصوات من لماضي لبكاء مرا او دري صغير كيبكيو او كيترجو شيطان يسمح ليهم
