امراة للجميع 💎
بقلمي بلسم الجروح 🌟
لاحلل النقل دون موافقتي وذكر اسمي ⚠
الحلقة17 💔
------------------
-الحب اكثر من كلمات على ورقة هو رباط يجمع قلبي و قلبك- :*
بعد مرور اسبوعين
كدوز لايام بسرعة بحلوها او مرها هذ لايام دازت عادية حمد لله صلاح وليت قليل فين كنشوفو او هذ شي مزيان لي على اقل ما نضربوش او نجرحو بعضيتنا كثر ....كنت جالسة فوق لفوتوي او كنشوف كلشي و لكن ساكتة حتى واحد ما حشاها ليا بحال كيهمني اصوات كثيرة...اصوت موسيقى ضحك او بزاف ديال لعيالات دار عامرة بالعيالات غير شكون او شكون مرات فلان الخ يعني عيالات دار كبيرة(لي لباس عليهم .لي من طبقة غنية ) كاينين نقاشات كينقشو او شيخات كيشطحو ...بتاكيد هذ لحفلة من تنظيم عكززتي جميلة –زينب- بتاكيد هذ لحفلة مظاهري او باش تقلي لعيالات بالسم او هذشي باين تبرج ديالهااو مبالغتها فتزيين راسها او قفطان لي لبسه....هذ لحفلة بتاكيد باش تكون علاقات مع عيالات او دير نميمة او تبين راسها ...ديما كدير هذ لحفلة فالخميس فالاخر ديال كل شهر منها تنشط او تعيق عليهم عادتها ما غتغيرش لفيه شي حاجة فيه او كل شخص كيبان عليه اصل او بتاكيد فقر لكانت فيه ما نساتوش هذشي علاش كدير هذ لحفلات باش تبين راسها قبل اي واحد انها ولت من ناس لكبار ناري شحال لا بسة ديال ذهب عنقهاغيطيح بالكثرة سنسلات لديرهم فيه....حضرت هذ لحفلة بزز مني بتاكيد باغة تعيق بمرات ولدها انا ديما كنت كنرفض هذ لحفلات غتصبت بتسامة صغيرة...لبست فراشة فالزرق بينت مفاتن ديالي او لبست خاتم زواج او سنسلتي ديال ذهب او كحلت عينيا او طلقت شعري او جلست حدايا بنتي بينما ياسين بقى مع باباه
جراتني حسنا من كم فراشة ديالي بالجهد
حسنا- بالتذمر – بغيت عصير او حلوى
حفصة- قرصت حنكها بالخفة- هي لمتعاودش عندك تحركي او لا تخرجي
مشيت جيهة لعصير يلاه بغيت نهزو او هي تو قف عليا لالة زينب
زينب – جراتني من ايدي لواحد لقنت- نتي جالسة تسرطي نتي او بنتك بحال غوال بين حداكة ديالك قدام ناس بحال رقية او بنتي ربيعة او لالتك زهور كلهم كيعاونو او كيضحكو مع ناس او نتي
حفصة –تفقصت من هضرتها او هي تحيد ذراعها من ايد لعقروشة- مشات ليك شي حاجة حتى هذ نهار مخلتني نرتاح ماشي انا لطيبت كسكس او لمسمن او رفيسة او لحم لبرقوق لربعة صحاباتك .....او حداكتي علاش غنبينها الالة بغيت نتزوج.....او هذ لكلمات ديرهم فراسك عطيني تيساع ...او ماشي نتي لكتصرفي عليا او على ولادي باش تحسبي ليا اش كناكل انا او ولادي بصحتنا(بتسمت بالشماتة)
زينب- جراتها من شعرها- سمعي هذيك لكلبة وقيلة نسيت اش كنسوى ....راه نمحيك او ما يبقى حتى واحد عاقل عليك والله او بغيت ندمر حياتك ما غيكلفني هذشي غير جوج دقايق
دفعتها حفصة او هي ترجع زينب بجسدها ممتلئ لور
حفصة-بالم ترسم على معالم وجهها - عمرني غنسى قداش نتي ما كتسواي والو ولكن حفصة لكنتي كضربيها او كتحكري عليه كبرت او لا عطتني دقة غنرجع ليك جوج سمعتني
زينب تعصبت او هزات ايدها باغة تصرفق حفصة ولكن شداتها ايد خرا ماشي ديال ححفصة ...زينب صفارت منين شافت صلاح
حفصة- كتشوقف فصلاح باستغراب او تكلمت بالصدق- غنفذ هضرتك ماشي حيث كنخاف منك ولكن حيث نتي كبر مني او فسن ام ديالي و اخير نتي ام لربات صلاح او جدة ولادي
تحركت حفصة او رجعت لحفلة بينما صلاح جر زينب بالجهد بينما هي كتلتقط انفاسها من هذ لهجوم لتعرضت ليه من عند حفصة جرها صلاح لواحد لقنت كاين مورا دروج او خاشها فواحد دخشة
صلاح-شنق عليها او قجها - نلقاك مرة خرى رفعتي عليها ايدك او جرحتيها بكلمة وحداة غتندمي لقرب لمراتي غيندم سمعتي هذا اول او اخر انذار و لدوك لفعات ديال عيالات ولادك...حيث كيتعلق لامر بحفصة غنسى كلشي واخا تكوني نتي (حسات زينب بالخلعة او قلبها كيضرب بالجهد شوية او طلقها فسروالها انفاسو لحارة كتصدم بالبشرتها هذا بين ليها غضب ديالو بحال شي وحش) تابع صلاح هضرتو- واخا تكوني نتي لام لرباتني حفصة خط حمر ليكم كاملين هذ لمرة غير حذرتك لمرة جاية غنفذ تهديد الواليدة (غوت بالجهد) مفهوم
زينب حركت راسها باه بتاكيد تسطى لولد...من بعد طلقها او هي ذغية طاحت للارض كتحاول تنفس ...صلاح ماشي ولدها ولكن هي لرباتو مورا ما ماتت مو فاطنة او عتبرتو كثر من ولدها كانت ديما كتفضلو على ولادها ولكن تيقنت ان هذ ماشي ولدها صلاح او خصوصا منين شافت عينيه هذاك وحش
