#احمد

الجزء 14

قصة احمد جزء 14
للكاتبه فردوس عبد اللطيف
كانت جنان تلح على اشترى بيت بس انا مغلس انطتنى ذهبهه وكالت بيت خالهه يريد يبيع بيته بحى الجامعه اشترينه البيت وبقى مبلغ لحد التحويل واستلام البيت
بهالاثاء انا دخلت الحاكميه وبعدها الامن جان البيت كرفته فكر وتوقف كلشي معامله التحويل وخالهه كيف استلم الفلوس سدد ديونه وبقاله شي بسيط وهو كاعد بالبيت ببلاش اشغل التحقيق بالامن على البضاعه وحولونه على لجنه الكمرك بالمحافظه كان اخى يتابع علينه من بعيد رادت اللجنه تشوفنه حددو موعد الثلاثاء
اخى اتفق ويه صديقه ظابط بالامن يخليهه تشوفنى من يودونه للجنه وخطيه اجو واحنا اول خلونه نحلق ونبدل كانت ملابسي عريضه جدا على وشعرى طويل وشكلى متغيير وظعفان
اخذونا مجموعه من ضباط وحراس بالامن ودونه والكلبجات بايدينه مثل اى مجرم وبايديهم رشاشات كان الوظع فى ذلك الوقت محد يملك رشاشه
اخوى كله نزعه الكلبجات زوجته داخل اذا تشوفهن بايدة تنهار
نزعنى كلبجات دخلنا شفتهه متغيرة ودموعه تنهمر صرخت حظنتهه انا ابكى بصوت عالى وهى كذلك ما اعرف بتلك اللحظه تذكرت كل العذاب الى مر بي لزم ايدى المفوض ودخلنا بالمصعد وهى ويانه ودموعنه ما وكفت بعدين دخلونه على اللجنه وبرءتنه وتحمل المسؤوليه الشخص الى كان يدخلهه لبغداد اما نحن طلعنه براءة يوم الثالث من شهر 8 رجعت للبيت انسان ثانى ما اكلكم على قذارة المكان مليت البانيو ديتول وماء ساخن وسبحت جبت حلاق للبيت حلقلى شعرى مخازنى وحلاتى كانت مشمعه بالشمع الاحمر
تصدكون كنا حسرة علينه قشر صابونه نغسل بي وانا مخازنى بيهه كل انواع الصابون المعطرة سبحان الله
ازمه مريت بيهه كبرتنى عشر سنوات هو شهر بس امر شهر بحياتى نفسيتى كانت تعبانه اى شخص يحجى وياى بشي مايعجبنى اتنرفز وانهار وادور على المسدس حتى انتحر بدون شعور كل هذا لانى انظلمت حتى واهس للشغل تغيير ما عندى خللك طبعا تشميع المحل الا هما يجون ولجنه وموافقات وصرف فلوس
اصعب شعور يحس بي الانسان لما ينظلم وما يكدر يسوى شي بديت استعيد قوتى بس مو مثل نشاط اول تقلصت المحلات الى محلين بدى الرزق يقل
وخال جنان كملتله الفلوس بس بقيت شي بسيط على التحويل بهالفترة بدت مشاكلنه ويا الخال لايقبل يطلع ويسلمنه البيت ويكول نبيع البيت وانا اخذ بعد لان اسعار البيوت صعدت للضعف
اتصلت جنان بالمعقب الى يمشي معامله البيت كلتله خلص المعامله وانطيك 5 ورقات فوك المتفق عليه واذا ما تمشيهه ترى نشوف غيرك
الاخ مشى المعامله اثارى الجماعه كانو متفقين ياخرون التحويل بس هو مشاها وصار البيت باسم نسيبي لان ولادة بغداد رحنا عليهم هاى فلوسكم طلعو ما قبلو نريد نبقى رفعنا دعوة بالمحكمه لان ماكو فايدة وطبعا دزينه عشاير وتهديد بس خالهه ومنكدر نسويله شي ماكو غير اامحاكم بقينه 4 سنوات يوميه تاجيل
صارت حرب 2004 وسقوط بغداد كلكم عشتو هالمرحله وتعرفون احداثهه بفترة القصف بس محل المفرد الى بالمنصور كان يشتغل والناس من تتازم نفسيتهه يرتفع عدهه السكر وتدور على الحلويات وبعلاقاتى كنت احصل احسن بضاعه وكان شغلنه قوى وربح كثير لحد يوم سقوط بغداد الصبح كنا بالبيت 3 عواءل اخو جنان وعاءلته واحنا وبنتى وزوجهه واطفالهه صبحنه على اصوات غريبه ما سامعينهه قبل تونه نريد نتريك ندك الباب صوت قوى منو احنا الشرطه الى يم المحل جوى خايفين كالو سقطت بغداد ونريد نخلى سياراتنه يمكم بعدين نجى ناخذهم وجايبين ملابس مدنى وبدلو وكالو اذا تردون تطلعون هسه طلعو ترى بعدين من يدخلون الامريكان متكدرون تصيرون تحت النيران وراحو ظلينه واحد صافن بوجه الثانى واصوات الطاءرات مرعبه شنسوى نبقى واحنا 15 نفر مسؤوليتهم بركبتنه لازم نتخذ قرار سريع
يالى جنان حملى شكو فلوس خلى نطلع اخاف تالى نندم
وين نروح
الفلوجه بعدهه ما سقطت ونطلع على البساتين الطريق القديم طلعنه 3 سيارات مشينا بدون هدف نباوع بالشارع الجنود ميدرون بسقوط بغداد يباوعون علينه ويبتسمون
للحكايه بقيه