الجزء 21 من قصة احمد
للكاتبه فردوس عبد اللطيف
طلعت جنان من المستشفى وبقى نتيجه الزرع بعد 10 يوم شيخلصهه هى بببغداد والوضع الامنى موزين كتلو 18 شخص نساء ورجال يشتغلون بشركه مقاولات واخذو فلوسهم يم بيتنه وحتى المنظفه قتلوهه ظل بالى يمهم زوجتى وبنتى وزوجهه وجهالهه وابنى الكبير عمار واحنه بالغربه مقيدين والمسافه بينا 3 ساعات بالطاءرة وبدت توتر مابين الحكومه المصريه والعراقيه بعد تصريح من الريس المصرى بقينا على اتصالات التلفون وبس الدنيا سودة بعينى كرهت كلشي بيهه
مرت عشر ايام كانهه عشر سنين
الو بابا
الو ها طمنيننى
بس انى انهد حيلي كعدت رجلى ما تشيلنى
الحمد لله طلع حميد
الف الحمد لله والشكر
نزلت دموع الفرح الغربه الالم كلهه مرت بذيج اللحظه كل حياتنه الحلوة الى عشتهه مع زوجتى
توقف الطيران مابين بغداد ومصر وجنان مسويه عمليه كبرى يعنى الدكتورة منعتهه تجى بالسيارات لعمان ومنهه للقاهرة هذا غير كان طريق البرى بي تسليب
تشكلت الصحوات وبدا ابو ريشه يحمى طريق عمان
مر شهر كل يوم يوحون على الخطوط يكلولهم ما نفتحت ويمكن تنسد اذا تريدتلحك تروح هسه لا بعدين ما يدخلوهه مصر
يبووو شنسوى انا والولد وحدنه ياربي افرجهه
الو احمد قررت اجى بالسيارات لعمان قبل ما تتوتر الوظعيه وبعدين ما اكدر اجيكم
زين خاف مو زين عليج والعمليه
الله حافظ
طلعت جنان لعمان وبنفس اليوم طارت لمصر
رحت للمطار استقبلهه وانا كلى فرح
اجتى ما عرفتهه متغيرة صايرة احلى من قبل مسويه نيو لك
مدرى من نفقد ونلتقى بي نشوفه احلى
فرحتى ماتوصف بوصولهه بالسلامه احمدك ربي
تعبنه بمصر حياتنه صارت صعبه قررنه نرجع
اتصلنه ببغداد نصحونه ان ما نرجع .. حياتنه بمصر صعبه
وين نروح قررنه نروح لسوريا بيهه هوايه عراقيين وهم قريبه على العراق يمكن مانحس بالغربه بيهه
رحت اول مرة وحدى استاجرت شقه وشفت الوضع شويه احسن
كملو الاولاد امتحاناتهم وبعنه شقه مصر مع الاثاث وغادرنا الى سوريا مع ذكريات حلوة ومرة
مصر بلد جميل الى الى يروح سياحه يكظى احلى ايام ماتخلو من بعض المنغصات بس الى يريد يتونس ممكن لكن ظروف العراقي الى هارب من الموت او الطاءفيه او الخطف صعبه فى بلد كمصر
قبل مانطلع لسوريا اتصل زوج بنتى وكلى تدرى كان شخص ناوى يخطف ابنك الصغير طارق مقابل فديه بس انتو لحكتو سافرتو بذيج الايام وهذا الكلام سمعته من عادل تذكره كان يتردد على المحل ورحت على الشخص الى كان ناوى يخطف طارق بس نكر لكن تاكدت ان الكلام صحيح عمر ديرو بالكم ترى العيون عليكم الناس عبالهم عدكم فلوس
ياربي شسوى احفظلى عاءلتى ... يعنى صعب الرجوع لبغداد بهالوقت لان بعدهه طاءفيه وقتل على الهويه غير اهل الصمون ليش قتلوهم بالمنطقه لحد هسه ماعندى تفسير ابو السمك ليش والجثث المجهوله الهويه وه وه اشياء كثيرة تحصل ببلدي ومحد يكدر يغيير شي الا رحمه رب العالمين
للحكايه بقيه
أنت تقرأ
#احمد
Ficción Generalمعاناة إنسان بعد انفصال الام والأب وكل ينشغل بحياته وزواجه الجديد ويترك الابن مابين قساوه الحياه ومعاناتها
