#احمد

الجزء 16

قصه احمد جزء 16
للكاتبه فردوس عبد اللطيف
اخى الى اخطف عندة 5 اطفال كان محظر جوازاتهم وراح يسحب الفلوس من المصرف ولزمو كان يريد السفر الى سوريا ولكن قدرة راح ولحد الان لاجثه ولانعرف وين عاءلته انتقلو بالبصرة لبيتهم ملكهم واولادة وبناته كبرو وصارو شباب وما شايفين ابوهم
صار ت الناس تتساءل ليش هجمو عليكم عصابه حراميه لو ثار لو مطلوبين وكل واحد يفسر بكيفه لان احنا اول بيت تدخل عليه جماعه مسلحه وبعد فترة كثرت حوادث السطو بذاك اليوم بقينا دايخين دزيت زوجتى والاطفال لبيت اهلهه واجو جماعه من الاقرباء والاصدقاء نامو او محد نام للصبح بقينا بالسطح ولازمين اسلحتنه توقعنا يرجعون بس ما صار شي رجعنا لحياتنا الطبيعيه ورة اسبوع انخطفت بنت بشارعنه كانت تدرس بالحديقه ابوها كان يشتغل بالقصر وبدت عمليات الفوضى لان ماكو حكومه كلمن يحمى نفسه زوج بنتى بهالهوسه كان بعمان دزيته يجيب سيارات من المنطقه الحرة والتهينه بمشروع السيارات الحديثه ربحنا بيهن بس خسرنا لان سيارتين بعناهن بخسارة محد رغبلهم دخلت الشركات وغزو السوك بس محلات الجمله بعدنه ما فتحنه لان كانت عصابات مسيطرة وسلبو البضاعه بس انا كنت مفرغ المحل والمخزن بس باقى شي بسيط الجماعه حتى المراوح شلعوهن ومخلو بالاخير حركو المحلات فى شهر 8 بدا الايرانيين يدخلون للعراق بس انا وين الكى امى صار 33 سنه مقطوعه اخبارهه الاقبل سقوط النظام مرة رحت لبنت خالتى بالنجف وانطيتهه عنوان محلى بجميله ومرت على هى وابنهه واندلو مكانى فد يوم هى كانت رايحه لايران طبعا السفرة الثانيه ومادورت على امى ودكلهه ابنج يسال بالصدفه شايفتهه بنت خالى حمدى وجابو اسمى وكلتاهم اى ببغداد وتاجر وحالته زينه بعد صيت الغنى ولا صيت الفكر لو فكر محد يدور على
سمعو اخوانى كان اخى حسن عمرة 6 اشهر من سفروهم والان 33 سنه اجه لبغداد بدون جواز على الجنسيه مع مجموعه  واحد نسيبه والثانى ابن اختى راحو لجميله يتكلم عربي بس مكسر والى وياه لا يحجون عربي ولا يفتهمون
سال على بالمحل كلوله طالع  منو انت كانت الناس تخاف تدلى احد من ورة الثارات
ليش تسال على حجى احمد
انا جاى من ايران انا اخو
فرحو بي بقو ينتظرونى تاخرت تلفونات مكانت موجوده بذاك الوكت جابهم العامل مالتى بتكسي للبيت
سلمو على العاءلة وانا تاخرت للساعه 4 رجعت
مريت على محلى بالمنصور كلى اجو عليك جماعه م
منو
من ايران
طرت ركض للبيت بدون شعور دخلت السلام عليكم
عليكم السلام
كلى لهفه منو بيهم اخوى من امى يارب
عرفته بي شبه منى منو انت
انا اخوك حسن تذكرنى
انا بذيج الساعه وين اتذكر ميت مصيبه مرت على وين اذكر امى كان بايدهه رضيع عمرة اشهر بوسته وحظنته وتغدينا وكال امى دزتنى عليك نزلت دموعى وكلبي صار يخفق شوقا بعدما ايست وتوقعتهه ميته
زين ليش ما جبتهه وياك
الطريق صعب جينا على مهران وبي مشي
زين اشلون انا لازم اخذ عاءلتى وياى ما اكدر اعوفهم هنا فوضى
والله لو تجى ويانه احسن على الجنسيه وبدون جواز
لا حسن احنا عدنه جوازات وتخذ فيزة اصوليه وادخل ايران بالاصول ليش طريق التهريب
بكيفك انا ردتك وحدك تجى وياى
لا ما اكدر اعوفهم نجى كلنه
ذيج الليله مانمت افكر بامى اشلون شكلهه صار اشلون اشوفهه يارب خلينى الحك اشوفهه
راجعنا السفارة الايرانيه رادو كتاب من غرفه التجارة وادخل بصفتى تاجر لان ميسمحون لكل واحد يدخل بوقتهه جبتلهم الكتاب وكمل
بس الاستلام بعد اسبو ع ياربي شخلص الاسبوع واروح اشوف العزيزة بعد هالسنين معقوله
للحكايه بقيه