#احمد

الجزء 22

قصه احمد جزء 22
للكاتبه فردوس عبد اللطيف
قبل ما نبدى رحلتنا الى سوريا اريد احجيلكم على بعض عادات وتقاليد المصريين ناس طيبين بس مشكلتهم نفوسهم كثيرة وبلد فقير بس كانو عايشين بامان
اولا يوم الجمعه الكل تروح للجامع تصلى
فى رمضان الكل صايم حتى الراقصات شفت خيمه افطار رمضانيه للفقراء كل يوم ماءدة افطار باسم فيفي عبدة وكل فقير يطلع ينطو ظرف بي 10 جنيه هذا على طول الشهر
عدهم الولد لما يتزوج لازم يسكن بيت لوحدة وتبقى صلته بالعيله قويه بحيث لما يعلن عن يوم اول رمضان اكثر الرجال يشترون سله رمضان الى تحتوى على مود غذاءيه ولازم يوديهه لوالدته بليله اول رمضان حتى لو الوقت متاخر صله الرحم قويه وارتباط الاولاد بامهم اكثر من زوجاتهم يعنى اسرارة وما يملك عند والدته وفى العيد كذلك واجب احترام الاهل عجبتنى هذة العلاقات الاسريه والى قلت عدنه وتفتتت الاسر فى هذا الوقت لكن شفته موجود فى مصر صحيح ماتخلو من النصب والاحتيال لكن صلتهم بالله والرحم خلت رحمه رب العالمين تنزل عليهم بعد ما اريد ادوخكم اكثر
وصلنا دمشق وبدينا نسجل اولادى بالمدارس واجرنه شقه وبدت احس ان وضعنا ثابت بس نصرف بفلوس البيت واذاخلصت شراح نسوى ايجار محل جميله قليل لان يكول ماكو شغل
ومحل المنصور طلعو منه المؤجر لان طاءفيه وبقيت ادفع ايجار للمالك والمحل مغلق ومصاري العيله
بديت اتصل بالتجار اصدقاءى حصلت صديق عزيز هم متهدد من بغداد والان فى السليمانيه اجانى لسوريا وساعدته اخذ وكاله جبن وتكفلت كل ما يحتاج احوله شاحنه
بس هذة ماتكفى صنعت قمر الدين وفواكه مجففه باحد المصانع وارسلتها الى اصدقاءى ببغداد بس التسديد يتاخر منين ما اجيبهه مسدودة اتصل بي صديق سورى وكال بموسم المشمش نشترى نوة المشمش ونخزنه وبعدين نبيعه ضعف وديتله الفلوس على امل الربح اخذت استثمار 4 شقق دفعت ايجارهم مدة سنه وانا ااجر باليوم وكان صيف وموسم صارت حرب بلبنان واثرت على السياحه بسوريه واحتركت احد الشقق بسبب عراقى كان ماجرهه وشاعل شمعه وحركت الشقه وهما طلعو سلامات وشفت وظعه المادى تعبان عفته والعوض على الله صاحب العمارة راد الشقه ترجع كما كانت وخسرت عليهه مبلغ كبير ماحبيت ادخل بمشاكل وربي يعوظنى مرت سنه واحنا خساءر وماكو شغل واتصل ببغدا صحيح اكو شغل بس كل واحد اعرفه اساله يكلى ماكو شغل بعدين عرفت كانت تلك الفترة ذروة الشغل بس انانيه .. لاتصدكون باحد هذة تجربتى مع الناس
بعدين اتصلت باقرباءى بالبصرة كانت مستقرة شويه احسن من بغداد واكدر اعيش بيهه بحمايه اهلى وعشيرتى
جنان عندى كلام وياج
تفضل كول اشبيك مهموم
الوضع مال بغداد مابي رجعه  وانا كاعد بدون شغل ومصاريفنه هواى وما اعرف ابقى هيج اريد اروح اشوف الوضع بالبصرة واذا حصلت شغل تجون تعيشون بالبصرة
شكو بيهه على كوله السوريين مطرح ما بترزق الزق ههههه
يعنى موافقين
اكيد احنا وياك بس هسه روح شوف وعلما يكملون الولد امتحانات تعال علينه
الله يسهل حجزت طيران للبصرة لان سيارات خطرة ورحت بقيت اسبوعين استكشف فد يوم كنت واقف يم حسينيه وسمعت اذان المغرب نزلت دموعى محتار والفرج من رب العالمين بعد شويه شفت صديقى محله فارغ مابي بضاعه وموقعه ممتاز سالته ليش هيجى وضعك بعد ما جان مليان بضاعه كلى ما عندى راس مال كتله تشاركنى وانا بفلوسي وانت بمحلك والله فرح كان انسان خايف الله وملتزم وتشاركنه واشتغلت احسن شغل اجرت مخزن قريب وفتحهه رب العالمين علينه وصرنه نشتغل احسن شغل انا اعرف مصادر البضاعه ببغداد واتصل ويدزوهه الى باسعار اقل من السوق ..
خلصو الولد امتحانات اجرت بيت بالبصرة ورحت لسوريا حتى اجيبهم واصفى حساباتى ويه صديقى السورى
بالنسبه للشقق الى اجرتهم خسرت بيهم وسلمتهم لصاحبهم وبريت ذمتى
بالنسبه لفلوسي الى اشترينه بيهم نوة المشمش بقت عدهم وبعدين دزوهه حوالات بفترات متباعدة وخسرت بيهم لانهم كالو خسرنه وبقيت سنه كامله استلم متقطع
المهم الله سلمنه من هوايه احداث بذاك الوقت صارت مصايب بالناس ..بس الفلوس تتعوض الحمد لله
وصلنه للبصرة من طلعنه للمطار كان الجو بارد ونرجف من البرد ومن نزلنا من الطيارة بمطار البصرة
جنان اوى هاى شنو الحر وين كنا وين صرنا
للحكايه بقيه