الجزء 9 من قصه احمد
بقلم فردوس عبد اللطيف
باجر العيد والتقى ويه القمر يارب عوضنى عن العذاب الى شفته بهالانسانه الرقيقه طبعا انا كل يوم العصر امر على بيت رياض واكول بلكى تجى واشوفهه
دخلت السلام عليكم ردت عليكم السلام خطفت كل مشاعر شكد كنت محظر كلام نسيته بذيج اللحظه نسيته استجمعت قواى ورياض وزوجته لطفو الجو شويه بديت اسولف والله ابتسمت مرت على الساعتين كانها لحظه المهم عزمتهم انا على غدا يوم الجمعه وتقربت الهه اكثر تعلقت بيهه كتلهه اريد اطلع وياج كالت انا اسفه ما اكدر هذا حدى وياك ما اكدر اخون ثقه اهلى بي واريد احافظ على سمعتنا طيب اكدر اتقدم لخطبتك
اكيد اهلى وانا كذلك لازم اكمل دراستى على الاقل السادس وانا بصراحه تقدمولى هواى بس انا اهم شي عندى الشهادة وبالنسبه لك ممكن خطوبه والزواج بعد ما اكمل الامتحان واخذ النتيجه اكيد هذا راي
راح اكلم اهلى حتى يجون لبيتكم
ماشي بس ما اكدر اوعدك
اذا رفضوك اهلى انا ما اكدر اعترض لازم تفهم موقفى
الله يستر
جبت اهلى وتقدمو لخطبتها
بقو :كم شهر يسالون على وانا كل يوم امر على بيت رياض صارت رجلى خيوط من الروحه الهم هى بعد ما تجى يمهم اهلهه منعوهه لحد ما وافق اخوهه وتمت الخطوبه الحمد لله ربي رزقنى بانسانه عوضتنى عن العذاب والبهذله
رشح اسمى فى الشركه للسفر ايفاد الى لندن
اخى الكبير قال
شوف احمد ترى الحياة فرص وهاى فرصه اجتك تسافر الى لندن وراح انطيك رساله لصديقى استاذ بجامعه ببريطانيا يساعدك تحصل قبول دراسي وممكن تحصلك شغله بعد الدوام وتكمل وتاخذ شهادة هاى احسن فرصه بالنسبه الك لا تضيعهه
صحيح كلامك بس وجنان بنت العالم ورطتهه وخطبتهه واتخلى عنهه شكد تبقى تنتظر 4 سنوات ما اعتقد اهلهه يقبلون
انت روح وشوف
رحنا لبغداد انا وجنان واخوها المفروض اسافر الى لندن وهى ترجع للبصرة
واحنا جاى نتمشى على جسر الشهداء التوت رجلى بعد ما كدرت امشي رجعنا لبيت اختهه ورمت رجلى ما اكدر امشى ودونى للمستشفى كال تمزق بالمفصل يرادلك راحه وترفع رجلك
بها لوكت اتصل شخص على تلفون الارضى وطلبنى بالاسم
نعم تفضل انا احمد منو حظرتك
انا زوج اختك معصومه بايران وجاى زيارة بالبصرة ورحت لبيت اهلك وانطونى الرقم وباجر جاى لبغداد لزيارة الامام الكاظم والك رساله من امك
صدك تحجى امى اشلونهه
الحمد لله زينه وتسلم عليك واحت على اشوفك
تعال باجر امام باب المراد الساعه 3 عصرا
واشلون اعرفك
انا شايف صورك
مع السلامه
احمد منو هذا اشو وجهك صار احمر معودة هذا جايب رساله من امى
معود جاى من ايران اخاف متراقب وتروح بالرجلين
الله يستر اريد اتداين فد 50 دينار من اختج ادزة لامى ميخالف هسه اكلهه
رحت وعرفنى اول ما شافنى بوسنى الله شميت بي ريحه امى واختى وين
اختك والجهال بقو بالبصرة
فد ساعه وارجع انطيته صورى انا وخطيبتى والفلوس وسلم ماطول وكتبتلهه رساله كلها اشواق وطمنتهه على
بعدها سافرت الى لندن كانت رجلى مربوطه بالباندج وامشى على العصا نزلت من الطاءرة اجرنه شقه وطلعنا نمشي طابت رجلى وذبيت العصا وصرت اركض
للحكايه بقيه
أنت تقرأ
#احمد
Narrativa generaleمعاناة إنسان بعد انفصال الام والأب وكل ينشغل بحياته وزواجه الجديد ويترك الابن مابين قساوه الحياه ومعاناتها
