جزء 18 عن قصه احمد
للكاتبه فردوس عبد اللطيف
بقينا نسولف مع انه مانايمين يومين الطريق والتفكير
جنان من رخصتج اليوم اريد انام بحظن امى اريد اشبع واعوض السنين
حبيبي ابقى اليوم وشكد ماتريد انى راح اصعد انام لان تعبانه تصبحون على خير
بقينا نسولف للصبح لحد ما اذن الفجر صلينا ونمت بحظن امى وهى تباوعلى ومبتسمه غفيت اول مرة احس بحظن دافى محروم منه سنين
اجوى اخوانى 4 وزوجاتهم واطفالهم وخواتى 3 وازواجهم وجهالهم دخت من الحجى والهوسه بس من الفرح راح الصداع وراح التعب بقينا بايران شهر كظيناها سفرات وعزايم ولقاء مع اقارب لم التقى بهم سابقا
حسيت بينهم العلاقه مبنيه على مصالح شخيه وماديه مجردة من العواطف ما اعرف هل بسبب تركهم العراق والغربه الى عاشوها او اصلا اهل ايران هيجى طبعهم
طلبت من امى اخذهه للطبيب اسويلهه طخم سنون وعمليه لظهرها رفضت كالت يما ما اريد شي من الدنيا بس شوفتك هى الدنيا
يما اريد اسويلج خدمه اعوضج رفضت
ماباقيلي عمر اليسوى
زين تعالى وياى للعراق نداريج وجنان حبابه تدير بالهه عليج
يما والشايب منو اله وين يروح
بكيفج لعد احنا لازم نرجع اشو انتو هنا بس مشاكل وقال وقيل واحنا مامتعلمين على هاللغوة
يما بكيفك انطينى صور ك اباوعلك يوميه الصبح واحجى وياك
انطيتهه مبلغ من المال ورجعنه لبغداد فتحت محلاتى بدت الحكومه تتشكل حتى محل جميله صبغته وفتحته ورجعنا نشتغل بس بدا يتقلص وجود تاجر الجمله لان دخلت شركات عملاقه ورؤؤس اموال ضخمه وصار التوزيع على محلات المفرد بسيارات الشركات ووكالات صار شغلنه اقل
حتى لو اكو حكومه كان اكو خطف قتل بالشوارع وفوضى اجو اخواتى من ايران للزيارة بدو يدخلون بسهوله وبيتنا صار مقر يرحون يتسوكون من الشورجه تاخذهم جنان ويرحون للكاظم زيارة ومسواك وكنت ادز لامى مواد غذاءيه وفلوس بايدهم حتى افرحهه
ورة 4 اشهر كنت الح على جنان اريد اروح اشوف امى مشتاقلهه ما اعرف ليش خلال اسبوع وانا احجى بامى بس وضع البلد ما اكدر اعوفهم ومدارس الولد ميكدرون يجون وياي
اتصلت بي جنان كنت بمحلى بالمنصور
احمد عندى حجايه وياك بلكى تجى
كلبي كرصنى شصاير
تعال وتعرف
ثكلت رجلى صار الطريق شطوله وصلت جابتلى ماى وجهه اصفر اكعد احمد
ياستار
هسه خابرت اختك من ايران
امك
اشبيهه لسانى ثكل
امك متخربطه وموديهه للمستشفى وماتت
هاه شدكولين
اى صدكنى جنك ما مصدك
اى ما اصدك كلشي مابيهه شنو ماتت
بعد امر الله لا اعتراض
نزلت دموعى انطينى فاليوم ابو 10 الله يخليج راسي صار بي وشه
شراح تسوى
ليش مخابرونى من تمرضت
دكول ما لحكو
جان رحت ودعتهه
يعنى بعد ماكو امى بهالدنيا زين اروح لو المن اروح كم يوم يالى تطلع الفيزة يعنى الفاتحه مخلصه
الله يصبرك احمد هاى الدنيا المهم شفتهه ماظلت حسرتهه بكلبك
نمت ورة الفاليوم وبقيت بالبيت 3 ايام والناس تجى تعزينى
للحكايه بقيه
أنت تقرأ
#احمد
Ficción Generalمعاناة إنسان بعد انفصال الام والأب وكل ينشغل بحياته وزواجه الجديد ويترك الابن مابين قساوه الحياه ومعاناتها
