الـكـاتــبــة : نــــازك الــبــور✎
مرحبا ..
اني " هند محيي حسين " من الموصل طالبة تربية قسم حاسبات .. بجامعة الموصل
(هند 22 سنة .. حنطاوية وجهها مدور و عيونها كبار و خضر شعرها طويل كولش بس طبعا محجبه )
اني عايشه ويا ابويا و امي و عبيدالله (اخوية و روحي بالدنيا)
ابوية الوحيد لاهله و امي همين الوحيده .. يعني لا عمام و لا خوال و لا دوخة راس ..
بالجامعة عندي ضلعات اثنين .. جمعنا الله من المرحله الاولى .. و لحد هسه راح نتخرج و مفترقنا يوم ..
لارا (صديقة هند .. كوردية من بغداد .. بنية ناعمة و مو محجبه ) : طلعت اركض من القاعه
ولجججن ولجججن ...
هند : يا ستاار ... اشبييج ..؟
زينب( صديقة هند. ..من النجف الاشرف .. بنية جميلة وجه الى درجة .. وجه مدور حنطاوية و عيونها كبار سود. .. محتشمة بكل معنى الكلمة .. لبسها زينبي محترم )
: عزا بعينج الف مرة كتلج لتصيحين .. انتي مو بالبيت ..
لارا : فاتتجن بالقاعه صارت ملحمة ههههه
هند : شصاير ..؟
لارا : اختلفوا ع لون الشال
زينب : يووو هاي كل سنة هيج .. اتفاقية الشال الـ متخلص
هند : احنا شعلينا .. شيقررون نكول اي
لارا : الحمدلله مو محجبه جان هسه طبيت بنصهن و اهتف ...
زينب : ضربتها ع ايدها
ميجووز .. ميجووز تحمدين الله لان مو محجبه
لارا : آآآي .. ابتلينا غلطنا بحضرت زينب المقدسه ..
هند : هههه ..
هذني روحي .. زينب عرفتها قبل لارا و اعتبرها اختي مو بس صديقتي .. من الله تفهمني و افهمها و هي ماعدها اخت و لا اني .. وحده صندوق اسرار الخ .. و لارا ملح لمتنا منكدر بدون روحها سوالفها الحلوة
زينب : يلله يللة كومن راح تبدي المحاضرة ..
لارا : شبسرعه اجتي محاضرة الامتحان 😭😭 اوكفن خلي اراجع
هند : كووومي صارلج ساعتين مفتحتي الملزمه
لارا : ولج هو اليكعد يمجن يكدر يراجع .. سالفة تودي و سالفة تجيبه
هند : يسمونا الثلاثي العجيب لان مظهرنا مختلف وحده عن الخ تماما زينب لبسها زينبي و لارا مو محجبه و كل وحده من مدينة .. صـح مظاهرنا و لبسنا مختلفه بس احنا نشوف ارواحنا متشابها كولش وحده تفهم الخ و تواسي الخ ..
امتحنت و طلعت لكيت زينب تنتظرني ..
هاا زنوبتي
زينب : هلا كبد و اخيرا طلعتي بقيت اتصفن وحدي .. بعد روحي ولج اتيه بدونج
هند : فديت الضلعه اموت عليج .. لارا بعدها..
زينب : اي تلكيها جاي تألف هسه
