عدوي

الـــبـــارت " ₆ الــســادس ₆ "

الـكـاتــبــة : نــــازك الــبــور✎

هند : تعبت والله تعبت كلياتي ما احس بيهن
ماخفت ع روحي بكد ماخفت ع عبيدا و امي و ابوية

بيهن .. ياااااارب رحمتك ياااارب ..

بعد نص ساعه ركض وصلنا للبيت..

احس كليتي من الالم راح اموت ..

عبيدالله : هاج مي ..
هند : كليتي عبيدا موتتني كليتي

عبيدالله : يلله ميخالف عيوني .. عدت ع خير ..
هند : هسة اشلون يابةة .. شلون شنو انحبسنا هنا ...؟
ابو هند : والله يابنتي مادري .. نحاول مرة لخ نطلع الله يسهل..

علي : دخلنا معارك ويا داعش جانت كلش قوية .. المفاجئة شنوو .. ليث لكيته بالموصل

لكك هلااا ضلع
ليث : هاي منوو شريكك ..

علي : تحاضنا و تباوسنا .. شجابك هناا؟؟

ليث : قدمت ع الجيش مليت من الكعده لا تعيين لا شغل .. و طلع اسمي .. خاب اول ماطلع اسمي طلعولنا داعش شايف هالبخت... و كبل للموصل واجبي

علي : هههه انت مبخوت من زمان ..

ليث : بالعباس بومه ماتسكت ..

علي : يلله الحمدلله التگينا .. باجر انزل انت شوكت

ليث : انا هم باجر ..

علي : حلوو .. جا ننزل سوا و نصعد سوا بيها الخير. 

نزلنا ثاني يوم انا و ليث .. هلكت من التعب وصلت للبيت منتهي ..

ام علي : هلااا يمةة هلاا ..

علي : هلا بيج يوم .. بوسني امي و زهراء
زهراء: متنا عليك خوف .. ادري ليش يودوك للموصل ..؟

علي : احسن زهورة هذا عراقنا لازم ندافع عنا و اكو احلى من الشهاده ..

ام علي : الله يحفظك يمة ويرجعك سالم ..
علي : و يحفظج دوم النا يوم ..
صعدت لغرفتي نمت حتى متغديت بس اريد اشبع نوم .. كعدت المغرب سمعت صوت عمي يحجي ويا امي

ابو بنين : ابنج ما اله غير بنين .. يسترها و تحفظ بيته ..

ام علي : الولد ما يريد يا ابو بنين خما اغصبه .. هاذ زواج موش لعب ..

علي : نزلت .. عمي بنتك مابيها قصره بس انا حاسبها حسبة زهراء ..

ابو بنين : بعدك معاند ..؟؟ هاي الدراسه تفسد ولدنا علينا ..

علي : كام يصيح يصيح و طلع ..
اوفف يمة هاي منين طلعتلي السالفه انا مالي خلك و العبااااس ..

زهراء : عاشت ايدك مقبلت .. بنين اكبر سوسه والله اول ما تشد ويايه مية بالمية تبطلني..

علي : محد يبطلج و تكملين انا اخوج و انا مسؤول عنج ..
زهراء : يمةة فديتك علوشي.. اروح احضرلك الاكل ..