الـكـاتــبــة : نــــازك الــبــور✎
هند : صحيت ماعرف شصار .. و احس شي خانكني وعيت .. البيت واكع علينا كمت اوخر بحجار الدرج من علية راسي ماحس بي لزمته متروس دم .. اهلي .. عفت روحي و انهاريت .. وين اهلي ...؟؟ يمةةة ... يابةةة ... البيت كله مهدووم
بالكوة كمت من مكاني ..
شفت عبيدالله ...
عبيداا ..!!!! عبيدااااااااا ....
لااااا عفيةةةة عبيداااا ..
ركضت و كولشي بجسمي يوجعني ضاع كل الم بيا من شفت عبيدا جوا الحجار و الشيش .. وصلت يمه
عبيدااااا .. عبيدا .. عبيداا اشبيك عيوني.. اكعد عبيدا اني هند عبيداا ..
اكتل بي بس مابي حركه و لا نفس كولشي بي ساكن ..
عبيداااااااا لتسوي هيج بيةةةة ...
سحبته من جوا الانقاض بقيت اجر بي بالكوة طلعته ..
عيوني عيوني لاا عبيداا عيوني روحي عبيداا لاا اكعد ليش متتحرك اكعددددد اكعد اكعد .. احجي اي شي عبيدااا .. لا متمووت متسويهااا حرام عليك مو كلت اموت وياج ليش هيج عبيداااا .. هياتني مامتت عبيداا اكعد وين وعدك ..
الفجر .. الفجر عبيدا الفجر الدنيا فجر كوم صلي عبيدا كووم صلي اكعد صلي ليش متكعددد عبيدااا من جنت تكعدني مو جنت اكعد .. ميصير تسوي هيج بيا اكعددد .. داكولك اكعدددد
ماكو حركه بي اشكد حاولت اعيط و احجي كمت اشهگ بالبجي بس ميرد دكيت ع صدره ردت النفس يردله .. بس .....
عبيدا ... امي .. ابويةةة ..
ركضت فوك الانقاض اشيل بالاحجار طلعت امي و ابوية و سحبتهم ..
جرجرتهم ليم عبيدا .. حاولت اكعدهم ..!
يمةة .. يمةة بنتج وحدها بقت يمةة عيوني اكعدي ...اكعدي عيوني .. ﺭجلج يووم رجلج جانت تجري دم هاااي جبت الضماد ..
ركضت ع الضماد ... جان بيدي ..
جبته الج يمةة. اني رحت اجيبه اسفه اتاخرت يمةة اسفه اسفه .. وين رحتي انتي .. انتظري خلي اضمد رجلج
اباوع ع جسمها كله جروح حرت اضمد يا جرح...
.. يمةةةةةةة ..
ضمدت رجلها و اعيط و اشهگ بالبجي الجروح مو بجسمج هاي بروحي يمةةة جروحج بروحي ..
يابةة روحي انت كوم كووم يلله نريد نطلع مناا كوم عيوني كووم الله يخليك .. لازم اني وياكم ليش عفتوني عااااايشه ..
كوموووووووا حرااام عليكم ..
بقيت كل اشوي اروح ع واحد منهم ادور بي روح بلكي يكعد يمكن فاقدين الوعي
ربي رجعلي واااحد ربي حراااام هيج انت اشلون هيج تسوي بيااا اشلوون تعوفني وحدي بالدنيا و تاخذهم ليييش ربي لييييش ...؟؟؟
لاا ماماتوا ميعوفوني لااا مستحيل ماعندي احد متعوفووووني لااا ..
نمت ع صدر عبيدا و ابجي .. متت اشهگ
صدره مابي نبض .. قبل كم ساعه نومني ع صدره جان ينبض سريع ..
