الـكـاتــبــة : نــــازك الــبــور✎
علي : اشبيهااا مريضه ..؟؟
رحت عليها للغرفه ..
هندد. .. لزمت كصتها تلهب نار و مو بوعيها من الصخونه ..
زهرررة ..
زهراء : هااا .. ركضت عليه للغرفه
علي : لبسيها عباية و شال .. لما اروح ءاجر تاكسي ع السريع
زهراء : صاار ..
يمةة تعالي ساعديني
طلع يجيب سياره .. عاد انا طلعت عباية اسلامية و لبسناها انا و امي و خليت شال ع راسها. .. رجع علي
شلون تروح ..؟ مابيها تكوم اصلا علاوي ..!؟
علي : شلتها حسيت بحرارتها و انا شايلها بحظني
اويلي يابةة روحي هند شبيج ...؟
نومتها بالكشنات و صعدت يمها خليت راسها بحظني ..
ام علي : يمةة اجي وياك ..؟
علي : لاا يمةة ابقي يم زهرة ..
وصلنا للمستشفى ..
خوية انتظرني لما اطلع ..
السايق : ماشي ..
علي : شلتها و طبيت بيها .. جابولي كرسي متحرك... ماقبلت لان هي صايرة جثه بيدي ماتكعد .. نومتها ع السديه بالغرفه .. اجة الطبيب
الطبيب : اشبيها ..؟
علي : حرارتها شوفها دكتور حتى مو بوعيها من الصخونه.
سووالها فحوصات و سحبوا دم منها .. كالولي انتظر لما تطلع نتائج التحاليل..
بقيت كاعد يمها.. گلبي گام يوجعني عشت بقلق مو طبيعي ..
الطبيب : شتصير منك. .؟
علي : زوجتي دكتور .. اشبيها شطلع وياها ..؟
الطبيب : عدها تيفو قديم و معالجي بس
ماتحملت الحر و المي صفو مو نظيف .. مجرد تيفو و اتمكن منها كتبتلك ابر و ادوية شغلة اسبوع و ترجع ان شاء الله .. بس كلي هي من البصرة ...؟
علي : لا لا من الشمال ..
الطبيب : هو هذا السبب .. ماتحملت جو البصرة و الحر .. نشط بيها التيفو و بقوة .. بس خلي يشدولها كانونه تاخذ بطلين مغذي ..
علي : دكتور يعني ع الادوية ترجع ميحتاج انومها مستشفى ..؟
الطبيب : لا ميحتاج اعتنوا بيها بالبيت و الحرارة حاولوا تغسلولها بمي بارد .. برودة طبيعية حتى تخف الحراره ..و وية الادوية تتعالج باذن الله
علي : ان شاء الله دكتور .. مشكور ..
راح الدكتور .. اجتي الممرضه شدتلها كانونه .. رحت جبت الادوية من الصيدلية .. و بقيت كاعد يمها لحد ما خلصن البطلين مال مغذي .. نزعوا كانونتها .. اخذتها للبيت ..
