مصطفى : عفتها و مشيت بدون رد .. شارد ..؟ روحي نهدمت.. صرت نار من القهر .. ماتهنى هند ماريد اتهنى وية غيرج. اريد اكوللها ليش هو اني داشوف بناات غيرج ..؟! والله بس انتي بعيني بنية..؟ والله ..
لارا : ولجج هااا شصاار ...؟
زينب : اشبيج ضلعه
هند : رجعت عليهن. ...من القهر عليه اريد اطلع من الكلية
رفضته ..
لارا : هذا راسج اليابس راح اتعنسين من ورا
هند : متعرفين شنو شعور من ترفضين بشر وجه بوجه و بدون سبب .. احسه انكسر .. انقهر ..
لارا ماريد اكسر بشر ليش ديجون علية ترا ديملخون روحي
لارا : اي دقبلي و لتكسرين روحه و تنقهرين عليه
زينب : لتضغطين عليها .. الولد مو ابالها قابل تلعب عليه
لارا : زنوبه ليش هو منو ابالها داترفض الكل .. ميصير هيج ترفض ترفض ..
زينب : امشي نكعد خلي ترتاح اشوي
هند : اني مغيد اوجع قلب ويحد .. اي بشغ ( ماريد اوجع گلب واحد اي بشر )
لارا : لتحجين مصلاوي ترا اغرد بالكوردي و ادوخجن
زينب : هههههه و اني اطرش بزفة
هند : هههه قبان قلبكي .. (فدوة لگلبج)
رجعت للبيت صح انقهرت ع مصطفى مثل منقهرت ع الـ قبله بس ارتاحيت .. خلي يشوف حياته
ام هند : هلا يمة جيتي
هند : الله يساعدج يمة
ام هند : و يساعدج يمة
هند : هسه اروح ابدل و اجي اساعدج
ام هند : اخاف تعبانه يمة
هند : لا عمري انتي
كملنا شغل و اجا ابوية و عبيدالله صلينا و اتغدينا .. دك الفون
هند : هاي زنوبتي .. الوو حبي
زينب : الوو بعد روحي
هند : عيوني
زينب : اريد اسالج ع واجبات التفاضل حليتيهن اشو كم سؤال عندي وكفت عدهن
هند : حليت نصهن .. باجر جمعه ان شاء الله منا للاحد اخصلهن و انطيهن الج
زينب : فديتج گلبي راح اتعبج ضلعه
هند : انتي تعبج راحه يروحي
زينب : تسلمين. باي
هند : بي باي
بطبعي بس اخلي راسي ع المخده انام .. كعدت الفجر ع صوت عبيدا ..
و لان ماكعد ع صلاة الفجر مع الاسف كسولة من انام بعد ماكعد .. فـ من صغار متعودة عبيدا يطب يكعدني ..
عبيدالله(اخو هند 24 سنة خريج علوم رياضيات .. طويل ابيض عيونه خضر )
: هند .. هنوود .. كومي اذن
