الـكـاتــبــة : نــــازك الــبــور✎
علي : اخر اتصال بالانترنيت منذ دقيقه ..
يلله ميخالف .
.. تعبج راحه ...
هند : كعدت الصبح داسوي ريوك .. بدت امتحانات زهورة رحت كعدتهاا حتى تتريك و تروح ..
رجعت اصب الجاي .. نزل علي ديروح للشركه ..؟؟
علي : نزلت شفتها بالمطبخ .. طلعت بدون ريوك .. اريد ابتعد عنها جسديا .. يبقى تواصلنا بس روحيا ..
زهراء : عااشت ايدج عمري .. شكد خايفه من الامتحانات ..
هند : اتوكلي ع الله انتي داتتعبين هواي و تقرين .. لتخافين ..
زهراء : و نعم ب الله شعندي غيره ..
بست راس امي و رحت بست هنوده و طلعت ..
هند : اتريكت خالتي و راحت لغرفتها تخيط .. نظفت البيت و غسلت المواعين .. طبيت للغرفه باوعت الساعه بـ 9 .. شغلت الوافاي لكيت رابط اغنية علي دازه .. فتحته .. طلال سلامة .. رضا والله و راضيناك ..
علي : صباح الورد
هند : صباح النور
علي : جوعان ..! ما متريك 😒
هند : جان الريوك ع الطبلة ..؟
علي : طلعت مستعجل ..
هند : اتريك بالشركه ..
علي : ماريد .. انتظر الغدا .. شجاي تسوين ..؟
هند : كاعده ..
علي : اكلج ..
هند : كول ..؟
علي : راح اروح لكربلاء زيارة بعد يومين .. اريدج تجين وياية
هند : اخد خالتي و زهراء
علي : لا .. بس انا وياج
هند : ...؟؟؟ ماروح ..
علي : هند علية نذر ازور ابو عبدالله عليه السلام انا و زوجتي .. نذرت قبل سنتين
هند : عليه السلام ...؟
علي : تعالي وياية اريد اوفي نذري ..
هند : متاكد نذر ...؟
علي : جا شنو اجذب عليج ..؟
هند : ممم الله كريم ..
اروح اطبخ الغدا .. اترخص
علي : اريد بامية ..
هند : ....😒
علي : شنوو ..؟ جوعان و بنفسي بامية
هند : ماشي ..!!
علي : اشوفج بخير
هند : الله وياك ..
كمت طبخت البامية و صعدت لغرفته .. فتحت الباب ..
هاي شكو ...؟؟؟ 😒
خابصها خبص .. شامر هدومه بكل مكان و الفراش مخربط .. هذا اشلون عايش ..؟
رتبتها و اخذت هدومه نزلت خليتهن بالغسالة .. و رحت طبخت التمن .. رجعت نشرت هدومه ..
طبيت لغرفه خالتي ..
