الـكـاتــبــة : نــــازك الــبــور✎
هند : طلع بقى لليل و مارجع .. كمت طلعت هدومي و غراضي زهرة مصعدتهن له من جنت مريضه .. دوار المرض بعده بية ..بقيت الم بيهن ..
اجا ابالي الحلم .. كمت ابجي .. دخليج مولاتي صار همي و اني مو ناقصه هموم .. ديحملني ذنوب و مابية حيل ذنب والله تعبت .. فدواتج كل شي منج خير و كل شي من ايدج بركه بس مو هيج والله مو هيج .. مو اخسر اهلي حتى القدر يهيء قسمتي .. ليش هيج التقيت بي ليش ..؟؟ الله يخليج تعبت
بشرتيني بي و القدر ضملي مصيبة .. خنكتني الدنيا و ضاقت بية بعدهم مولاتي.. رحمتك ربي صار همي همي ..
علي : قدري عذاب بـ عذاب .. ما مقسومتلي الراحه ابد ماشوفها .. كافي نفسي ما تتحمل اذية كمت ماهتم .. شنو بيدي صار و ما سويته .. ماعندي حظ بيها .. ع الاقل ارحم من الاولى مالعبت بمشاعري و ما غدرت .. ارحم من الاولى علي .. صد و لا غدر ..
رجعت بالليل صعدت للغرفه سمعتها تبجي .. احبها ماريد اعذبها .. ماضغط عليها الحب مو غصب ..
طبيت شفتها كاعده تطلع هدومها من المجر و تبجي ..
رحت عليها .. كعدت يمها ..
ماريد اصير هم عليج هند ..
هند : محسيت عليه من طب .. الا ع صوته من حجى .. التفتت عليه كاعد يمي
علي : دارت عليه بقيت اباوع بعيونها .. رموشها ذبلانات من الدموع نازلات ع عيونها .. افدي روحي الها .. اضعف كدام عيونها .. شكد اقرر و اقرر بس من اصير كدامها انسى قراراتي
وكفن دموعها و هي تباوع علية و ساكته .. مسحت دموعها .. خدها ترف كلش .. دخت بيها .. اتقربت حيل عليها ..
هند : علي ... علي ..!!
علي : كمت ابوس بيها بهدوء و ع كيف ..ماحسيت منها صد بس حسيتها خايفه و انا ابوس بيها ..
اتقربت ع اذنها ..
احبج ..
اريد منج عبيدا صغير .. كافي ..
هند : من الخوف حسيت گلبي طلع من صدري .. اكو شي بگلبي تجاهه جان مدفون .. شعور مخلاني اصده مثل اول و اضربه .. سيطر علية .. شي من الامان
علي : بقت ساكته .. شلتها و اخذتها للجربايه .............. جانت احلى ليلة عشتها
زهراء : كعدت الصبح ..
وينها مو كالتلي البارحه راح انزل يمج ..؟
يارب حصل خير بيناتهم و فكت العقده ..
يمةةة .. يمةة ..
ام علي : ها يوم تعالي انا بالمطبخ
زهراء : اكول حجية اشوكت نروح للنجف .. وين وعدج هااا ؟؟؟
ام علي : يمةة غير تجي نتيجتج و ناجحه ياارب ..
زهراء : انا اكلج من هسه ناجحه .. جهزي العده و يلله لابو الحسن امشينا
ام علي : العده .. يا يمةة رايحه تقاتلين
