الـكـاتــبــة : نــــازك الــبــور✎
هند : بجيت و بجيت و شيفيد البجي .. بس اسكن روحي بي .. هو اني ضعت و متت من زمان ع شنووو ابجي و اكون ضعيفه .. الليل كله منمته .. صار الفجر تركت رساله وداع يم زهراء حتى ليدورون علية .. و طلعت من البيت
وين رايحةةة و شنوو ينتظرني مادري ..؟
المهم اشرد ...!
ليث : تعبتك وياي ضلع .. هسة اهلك قلقوا عليك ..
علي : تعبك راحه ضلعي .. المهم طلعت بسلامه
ليث : بفضل الله و بفضلك .. لو عايفني متصاوب جان ماطلعت منها
علي : الحمدلله الله قدرني و خلاني اعينك .. نام و ارتاح باجر يطلعوك من المستشفى ..
ليث : شصار ع الاستقالة .. مشيت مالتي وياك.
علي : اي كملت .. صرفوا اخر رواتب النا .. راتبك يمي
ليث : اتعيش ضلعي .. بالعباس بدونك مادري جان شصار بية.
علي : كول يالله و نام و ارتاح .. كوم بالسلامة حتى نفتر شوارع البصرة ع شغل ..
ليث : هههه الحمدلله ..
علي : دخلنا معارك و معارك و كر و فر انتصار و هزيمة و انتصار .. بوحده منهن اتصاوب ليث .. و شلته بالقدرة طلعنا منها بهذاك اليوم .. الله ستر و لطف بحالنا انا وياه .. بالي يم امي و اختي شصار بيهن هسه و انا فات ع موعد نزولي اسابيع ..؟
طلع ثاني يوم ليث اخذته و كملت اجراءات الخروج .. و طلعنا للبصره .. اجذب ع روحي اذا كلت ماشتاقيت لـ هند .. بس الجرح القديم بعده اثره رغم نسيت .. ماكدر اسلم گلبي لوحده ثانية بعد الغدر .. هذيج باعتني بفلس .. هاي ام عيون الخضر ماتبيع ...؟ و ع شنو تحبني هه ...!!!
وصلت ليث لاهله و طلعت للبيت الدنيا ظهر .. طبيت البيت ساكن اكيد نايمات
زهراء : كعدت من النوم متاخرة لان سهرت اقرا .. ماكو هند بفراشها .. اكيد بالمطبخ .. طلعت للمطبخ ماكوو .. دورت عليها بالبيت ..؟ انا جنت خايفه اتسوي شي لان عمي و كرار ضغطوا عليها كلش ..
هندددد .. هنوووود ... ووووينج ..؟
ام علي : هاا يمةة اشبيج تصيحين .. اشبيها هند ..
زهراء : يمةةة ماكوو بالبيت كله .. معقولة خطفها كرار
ام علي : يبوووو اسم الله يمةة لااا والله ابو يكلب الدنيا ع روسنا يمةة دوري زين ..
زهراء : رجعت لغرفتي ادور .. لكيت ورقة
صباحج ورد ..
عمري زهراء اني رايحة من البيت و اعتذر ع اي مشكله سببتها من اجيت لليوم .. شكرا ع كل شي و كل دقيقه عشتها يمكم .. بس لمصلحتجن و مصلحتي لازم اطلع .. بوسيلي خالتي و اعتذريلي منها ..
هند
