الـكـاتــبــة : نــــازك الــبــور✎
هند : داركض ابتعدت ع مسافه قليلة منهم التفتت شفت من بعيد الجندي اجا وراياا
احس راح اموت من الخوف كمت اركض سريع .. اتذكرت كلامه يم الضابط ..هذاا شيرريد مني لعنةةةةة الله عليه
يمةةةة الحيكيلي يمةةةةة .. يااااارب فدوووووة ..
اركض ... و اركض ماكو شي بس شارع و منطقه خالية .. لا سيارات لاشي .. وين جايبني هذااا ..
بلحظة وكفت ..اتذكرت مرة عبيدا كال اذا ركض عليج جلب لتركضين لان يزيد .. اوكفي و قوي كلبج .. باوعت بجهاتي ماكو شي بس بوري صغير رحت شلت و رجعت امشي بهدوء .. و خوف بداخلي جبير حاولت اسيطر عليه .. و هو يركض علية
علي : شفتها من بعيد رجعت .. خررررب ولجججج لاااا .. هاااي عبالها راح تواجه ولد .. شلت حيلي و ضربت صاحبه بوكسي شبعته كتل .. حاوولت اركض ورا محمد ردت اوصله قبل ليوصل الها...
ولججج ارجعيييي ... اشرررردي
هند : حضرت البوري و كولشي عن سمعي و نظري اختفى .. اجا كبال عيني وجه عبيدا جوا التراب .. هاي الايد الـ دفنت اخوهاا مابقت بيها رحمه و رقة ..
وصل ليمي و ضربته حيل وكع بالكاع .. عباله مراح اضرب .. مانتبهت له مات او لا ..
علي : وصل يمها و لزكته ابوري معدل .. بنت ابوهااا .. مو هينة.. ركضت عليها ..
امشييي ..
دارت علية و بيدها البوري .. كلت راح تضربني هي لهذا مارحمته ...؟؟
جان توكع من طولهاا
هند : باوعت عليه هو السبب هو وصلني لهناا .. كمت ماشوف و الشمس ع راسي .. حيل مابية .. ماحسيت بشي بعد
علي : شلتها و انا مابية اشيل روحي من ضربهم .. امشي و اباوع ع وجهها متعوب و ترف .. الله راسمه رسم .. هذا الوجه شنو شاف من اذية .. كفر وجهج يشوف حزن يفلانه ..
طببته بالسياره نومتها ع الكشن سحبت بطل المي .. غسلت وجهها ..بشرتهاا ناااعمة و ترفة .. عفتها ترتاح
حركت السياره لان شفت محمد من بعيد يتحرك .. ابتعدت عنه و اعرفه مراح يجوز .. طبينا البصرة .. الطريق كله اباوع عليها بالمراية ..
ها كعدتي ..؟ اللبوة ..
هند : حسيت ع روحي بالسياره .. كعدت ع حيلي ..
احنا وين ..؟
علي : بين اهلي .. نورت البصرة بيج ..
هند : مابية خلكه .. كل الـ اريده اغسل و امشط كرهت روحي .. كارهه روحي حيل
علي : ماكلتي شسمج ..؟
هند : ميخصك ..
علي : خوش ع راحتج .. متوقعت تضربي بالبوري ..؟
هند : هذا اليفكر يتقرب مني ..!
علي : اهااا .. جا الله ستر علية و لطف ..
