عدوي

الــبـــارت " ₉ الــتــاســـع ₉ "

الـكـاتــبــة : نــــازك الــبــور✎

علي : انتبهت عليها بالمرايه ساكته فجأة .. كامت تبجي

هند : كمت اشهك بالبجي اجا ابالي عبيدالله

عبيدالله .. عبيدااا ...
وينك ليش عفتني .. وينك .. الله يخليك وينك ...؟؟

ليث : همست لعلي .. منو عبيدا ..؟

علي : علمي علمك ..؟

ليث : حبيبها .. نزلها علي لا تبلينا ..

علي : ماعرف ليش من كال حبيبها صار مثل فراغ بگلبي .. روحي اختنكت .. اشبيك علي شنو كمت تغار ..؟؟؟  توب من البنات توب ..

ليث : شمالك ساكت ..؟ جاي اكلك نزلها لا تبلينا

علي : ليث اذا انزلها تكتل نفسها افهم اتريد تنتحر ..

ليث : بويةةة افتهم السالفه هاذ ميت و تريد تنتحر ورا ..

علي : احس كلامه حرك روحي .. ماصدك .. انا حبيت اربع سنين و غدرت بيا منو بهالزمن تفكر تموت ورا حبيبها ..

مانزلها ..

هند : نزلني كااافي .. اعيش ما اعيش ميخصك انت منوو اصلا ..؟؟ منوو

علي : انتي بكل الاحوال ما رايده روحج و متوجها للموت يعني ماكو الج احد .. صرتي ملك خاص الية مفهوم ..

هند : ملك خاص شنوو ..؟ هو بكيفك ...؟؟؟ هذا خطف ... اجرام لو انت متعود ع الاجرام ايدك ماخذه ..

علي : استغفرك ربي .. و تالي عاد

هند : نززززلني ..

علي : مانزلج ..!

ليث : باوعوا انا انزل .. اجاني اتصال و انتو خليكم ناس تملخ ريش ناس خوش ..

علي : ماشي ضلعي.. انا اريد اغفى تعبان مابية حيلها والعباس

هند : سكتت لان ميته عطش من البارحه مشاربه مي ..

علي : باوعت بالمراية عليها هاادئة تباوع ع الشارع .. جمالها ادمان .. العين اذا لمحته ما تتركه تريد بعد ..

راح يصير الليل و انتي لا اكل و لا شرب .. اجيبلج شي ..؟

هند : مرديتله .. كولشي من ايده سم و زقنبوت ..

علي : سحبت بطلي مال المي و درت عليها .. مديته الها ..

هاج .. اشربي ..

هند : باوعت عليه و داخلي متملخ .. وصلت لمرحله حتى اللون الاخضر ماطيقه من وراهم .. ربي خلصني منه مانتحر والله بس طلعني منا ..

ماخذت البطل .. خلاه يمي و رجع دار ..

علي : بقت تباوع بوجهي بنظرة غضب .. وجهها كله عيون و اشلون عيون خضارهن يسلب الروح .. وجهها كله اتراب و جماله طاغي صار بنفسي اغسله اريد اشوفه ... اصحى علي و توب منهن