عدوي

الـــبــــارت "₁₆ الـــســـادس عـــشـــر ₁₆"

الـكـاتــبــة : نــــازك الــبــور✎

علي : رجعنا ع عنادها الـ مايخلص .. جريتها ع الحايط و اتقربت عليهاا ..

باوعي تعاندين اكثر .. اكوم اريد اسوي الـ براسي اكثر  .. و تعرفين شاريد ..؟

هند : اتركني بحالي .. اتركني

علي : ماشي هند .. مااشي خليج هيج ..
عفتها و مشيت طلعت من البيت ..

هند : احس البيت بدونه راحه .. يطب و يطلع يجي علية .. اشلون ورطت روحي شجابني هناا شجاابني ..

ليث : بعدها عناد ..؟

علي : اي و انا تعبت ..

ليث : اشلون و راح تعرسون تبقون ع هاي الحالة ..؟

علي : هو زواج ع الورق حتى اخلص روحي و اخلصها من الحجي..

ليث : و انت مقتنع ع الورق ..؟

علي : انا رايدها مرة الي ليث رايدها الي بس هي اكو كره بداخلها الي بكد الحب البداخلي الها ..

ليث : اووف ضلعي

علي : انا ما مكتوبتلي الراحه لا بالاولى ارتاحيت و لا بالثانية .. ما مقسومتلي الراحه
ليث : الله كريم شريك لا تحجي هيج الله كريم

علي : ليث اريد افتهمها حتى اكدر اوصل لگلبها مجااي اكدر افهمها .. تعبت

زهراء : هنودة باجر نطلع ناخذلج النيشاان ..

هند : اني ماروح ..

زهراء : ميصير اشلون متجين هو نيشانج

هند : زهورة هو زواج ع ورق اني ماريد اتزوج و لا اريد نيشان ..

زهرء : عزااا و الناس شتكول .. لا حبي فدووة لازم تجين

هند : لشوكت اهتم لكلام الناس .. تعبت

زهراء : تعاالي بس هيج احنا نشتري بس امشي ويانا كدام الناس .. فدووة

هند : الله كريم ..
طلعنا كلنا بسيارة ليث للسوك ..اني و امه و زهرا ليورا .. اني مطايقة نفسي .. الحل شنوو ربي شنوو الحل .. اريد سند ماكوو

اول ماوداني لمحل الذهب .. صاحب المحل طلع كل طقم عنده عرضهن

علي : ياهو عجبج ..؟

هند : باوعت عليه هوو يعرف اني ماريد اي شي ..
اي واحد ميهم..!

علي :  انطيني ايدج

هند : ليش ..؟

علي : البسج الحلقه اريد اشوف القياس ..

هند : شلت ايدي سحبها باعصاب .. و بدا يلبس الحلقات وحده جبيرة و وحده صغيره ..

علي : متوقعت هيج زواجي .. ردت اخذ وحده تحبني يكون احلى يوم يوم النيشان من نختار الذهب .. هي مغصوبه و انا طاقتي خلصت كلشي جربت وياها ميفيد لا اعصاب لا لين .. البسها الحلقات و انا ماباوع للحلقات و لا منتبه الهن .. فكري شارد ..