الـكـاتــبــة : نــــازك الــبــور✎
بنين : انا اباوع عليها احتركت حرك .. هيج جمال ...؟ و علي بالبيت ...؟؟؟ بعد ماتحمل ...
و اكو مخيمات للنازحين .. بيتكم مو ملجأ لو مخيم ..
علي : بنييين .....؟؟؟
هند : مهزتني كلمة من كلامهن .. اني الخسرته هووواي ... يهمني كلام نسوان .. فزيت ع عيطه علي ...؟
علي : البنية امانة يمي شنو هالكلااام ..؟؟
ام بنين : الامانه تروح للمخيمات ميجوز تعيش ابيت ويا ولد .. ماعدنا هيج هنا..
امشي بنين امشششي ..
علي : راحن و انا صعدت لغرفتي .. اتمددت بغرفتي .. حسيت اغار عليها .. عيوني ادمنت عليها .. لتخلي جمالها يضعفك علي .. كلهن صنف واحد .. لا هاي البنية تختلف ...! بس لا ماسلمها گلبي. .. ماريد خليني مرتاح .. كافي الصار وياي .. نمت حتى متعشيت احس جسمي متكسر ..
كعدت الصبح .. حاولت ماتواجد بمكان هي بي .. اريد ابعد نظري عنها حتى ابعد روحي و الاذية ..
ام علي : يمة علاوي راح اروح للسوك وية زهورة احتاج شغلات و هدوم و هم اشتري هدوم للبنيه
علي : تدللين يمة شتحتاجين اخذي من محفظتي ..
ام علي : الله يحفظك و يسلمك يمة
علي : طلعت امي و زهراء وصلتهن للسوك و مناك طلعت للكهوة ..
هند : كلها طلعت بقيت وحدي .. طلعت جناسي و الشهادات امي و ابوية و عبيدا من جيت اتراكسودي و ضميتهن جوا المخده .. كمت اسوي شي اكله .. طبيت للمطبخ ..! استحيت اكل شي .. رجعت للغرفه .. هسة اذا اشرد وين اروح ..؟؟
ماندل شي هناا .. بقيت ساعه صافنه ويا روحي .. مدري افكر بالراحوا مني مدري افكر بمصيبتي هاي .. تعبت .. كولش تعبت. .
علي : انا بالكهوة و حسيت ..
وحدها بالبيت. .؟ خرررب اشلوون هيج هسةةة تشرد ...
طلعت مثل المخبل من الكهوة بسرعة .. طبيت للبيت ..
يابنيةةةة .. يابنيةةةةة ...؟؟؟
هند : فجأة سمعت صياح علي .. هجم البيت هجم .. استغفر الله كمت دافتح الباب .. فتح الباب حيل صار بوجهي ..!
علي : لييش مترررررردين .. هااا
هند : و انت ليش تصيح ..؟
علي : بااااعي لتخبليني ترا ماطايق البنات من كاعهن .. سااااعة اصيح ماااتسمعين ..
هند : ممتعلمة ارد ع بشر يصيح .. اصلا معشت ويا بشر يصيح ..
علي : لازم حبيبج عبيدا مجان يصيح مووو ..؟
هند : هذااا شديحجي .. شنوو حبيبج ..؟ وصلت بي يحجي عليه .... دمي احترك
لا تجيب طاريه ع لسااانك مفهوم
