الـكـاتــبــة : نــــازك الــبــور✎
يابنيةةةة وين رايحه.. اتقربت عليها صرت وراها و اصيح و هي و لا يمهااا ماترد و لا تلتفت ..!!؟
لزمتها من ايدها و درتها عليةة اريد اشوفها. ... شني سالفه ماترد ..؟
من درت وجهها علية... دخيلك علي ...؟
عيونها مشايف مثلهن .. صح وجهها تراب بس جمالها طاغي عليه ..
ماحس الا دفعتني حيل ع صدري .. رجعت خطوتين ليورا .. جنت صافن بوجهها ماصحيت الا ويا الدفعه ..
هند : طلعت امشي و مادري بروحي .. بس ادعي الله يرحمني و بقيت بس استغفره ..
حسيت بـ ايد لزمتني من ايدي و سحبتني ليورا ..
درت صار بوجهي ولد ....!؟
باوعت ع لبسه .. عسكري ....؟؟؟
روحي صارت بعيني .. اشوفه عدو .. دفعته ع صدره بكل قوتي ...
دير بالك تلزمني ...!!
عفته و كملت المشي ..
علي : من حجت نبرة صوتها ناعمه بس احس بيها غضب كولش جبير .. حتى عيونها هن و بيهن الغضب يسحرن ..
رفعت ايديني و كلت الها ..
صار .. صار ...
جان تروح ..
استغفر الله هم راحت بجهة القصف...
انتييي ... اوكفي شنو السالفه يابةةة ماسويلج شي ..
كمت امشي وراها و احجي
جاي احاجيج ..؟ يمعووده مجاي تشوفين القصف شبيييج ..؟؟
انوب لزمتها من ايدها .. بشرتها نااعمه بنعومه بشرة الاطفال .. سحبتها علية
جااااااي احاجييييج ....
هند : بقى وراية يحجي .. والله لوما متوجها للموت اخذ روحه بيدي مثل ما اخذ ارواح اهلي .. بس الله يستر ..
لزمني من ايدي و سحبني .. اتخبلت خبال لان لزمني ماكو ولد لازمني من قبل
كلت لتلزمني .. لتلزمني ..
شبعته كتل اضرب ع ظهره و ايده حيل ..
خليت كل قهري بي ..
لتلززززمنننني مفهووووم ...
علي : انا لزمتها لو ابتليت ع عمري نزلت عليةة ضرب بايدها شبعت كتل و العباس ..
اااخ .. اااخ .. يابةةة شسالفه الكعبه هم يلزموهاااا ... مرايد شي اشبيييج
مااااالزمج افتهمناااااا افتهمنااااا
دخيلك علي ايدها قوية .. ااخ ضهري شسالفه .. طننن هم راااحت ع القصف
لججج انتتي مخبلةةةة بابةةةة قصف هاااي اشلوووون بلوووة يابو الحسن ياسيدي و يامووولاي اشلووون ورطه
هند : عفته و مشيت كام يصيح وراية .. مابية حيله و القران ...
اتقرب لمحته مد ايده درت عليه باوعت بوجهه و اعصابي فارت
الزمني و جرب .. اخذ روحك بيدي ..
علي : افتهمت .. افتهمت ... ما الزمج .. بس امشي هيج وين رايحه انتي ...؟؟
هند : شي ميخصك ارجع منين ما اجيت .. عفته و مشيت .. استغفرالله ..
علي : ما ارجع افتهمتي انا واجبي احميج زيييين ..
