الـكـاتــبــة : نــــازك الــبــور✎
الضابط : تعرفين هذا الواكف يمج ..؟
شتصيرن منه ...؟
هند : ميهمني اروح للمخيمات بكد مايهمني انتقم منه ع السواه بيةة .. محد وصلني لهذا المكان غيره ..
لا مـ...
داحجي و قاطعني جندي ..
محمد : بقيت اباوع عليها .. منين جايبة هالجمال .. دخت بالشعر و طوله اريد .. اتذكر وين شايفها ... اتذكرررررت بالموصل الطالبة بالجامعةةةة ...
سيدي اطلبها منك اذا مو كرايبه .. ماتروح للمخيمات انا اريدها ع سنة الله و رسوله ..
علي : فور دمي ابن الـ.... عصرت ايدها حيل بيدي ... من اعصابي
هند : سكتت .. هذااا شديحجي ..؟؟؟ شنوو اني تايهةة لو طماطة ..؟؟ ردت ابجي صدوك البنيه تضيع دون اهلها حسيت روحي بدون سند ..
احس بيده راح تمرد ايدي .. اريد اعيط خلاني بموقف الله لا ينطي لو عايفني لحالي ..
الضابط : هاي بعد انت ويا البنية احنا واجبنا نحميها .. و معززة مكرمة
احجي بنتي ..؟
هند : بقيت ساكته .. بيا موقف اني .. اكيد كابوس ..!! شديصير بيةةة شديصير وين جنت و وين صرت ...!! الموت ارحم الموووت ربي ..
علي : كلشي توقعت .. و استعديت للعقاب بكل الاحوال انا منتهي شنو راح يفرق .. حتى اتوب و ماساعد بنية .. الاولى غدرت ماتبت و هاي الخ ... ردت اعترف و انهي هالمهزلة .. خلكي خلص..
سيدي ...
هند : كرايبي. .....!
علي : نصدمت من ردها ..
الضابط : شسمه ..؟
هند : علي حسين محمد
محمد : سيدي اكيد ملقنها الكلام .. مو كرايبه انا شايفها قبل بجامعة الموصل و التقوا وجه بوجه و ماعرفته و لا عرفها ..
علي : باوعت ع محمد و شجاي يحجي ...؟
اتذكرت ...!!! صح صح ...؟
باوعت عليها .. نفس العيون بوكته مانتبهت الها ...؟
هند : مفهمت شنو كال الجندي ...؟ كل الـ ابالي اطلع مناا ... بس اريد اطلع ..
الضابط : البنية جبيرة مو قاصر .. و هي مسؤولة عن كلامها ... خلااص .. اخذ اهلك و اتوكل ع الله علي ..
علي : مشكور سيدي ..
اخذتها و طلعت بس مادري شاحجي بقيت اتذكر .. معقولة هيج الصدف...؟ مستحيل ... ليش منتبهت عليها بهذاك الوكت ...؟؟؟
هند : طلعنااا .. وصلنا للهمر جريت ايدي ..
كافي .. من اطلع منا تتركني بحال سبيلي ..
علي : امشي بسيارة ليث لما الم غراضي و احجي ويا ليث ..
هند : صعدني بالسيارة .. كعدت ليورا ..اني واصلة مرحلة من التعب منايمة يومين .. اريد انام و ياليت ماكعد يااارب ماكعد .. عساني لا كعدت .. اخذها هي روح و ماريدها هي مو كوة ترا ماريد اعيش ربي اخذها
