الـكـاتــبــة : نــــازك الــبــور✎
علي : انصدمت و صفنت عليها و هي تصيح و تبجي صوتها مخنوك و تمسح بدموعها اباوع ع ايديها يرجفن ... گلبها شكد تحمل ...؟ شكد قوية ...؟ شكد بيج طاقةة ع كلامج هذاا ..؟
انا رجال اذا شفت امي ميته اسم الله عليها
انهار .... و ما اوكف بعدها ...
اباوع عليهاا تشهك بالبجي و تمسح بدموعها تحاول متبجي كبالي .. تريد تبين بعدها قوية ...
هند : مسيطرت ع روحي اريد اوكف عن البجي ماكدر .. وجوهم ابالي كلما اباوع ايدي اكرهها .. اكره ايدي و اكره نفسي ..
زهراء : انا و امي بالمطبخ شبعنا بجي ع كلامها .. الله يساعد گلبها شلون تحملت كل هذا .. ماتخيل روحي بهيج موقف ابد
علي : انا اهلج ... و هذاا بيتج (اشر ع گلبه)
يوم عن يوم يكبر حبج بداخلي ..
هند : باوعت عليه .. ميفهم ..! ميفهمني ..!
اني معايشه .. لتحب بشر ميت ..
علي : حبيت .. بعد حبيت ..
هند : ماكدر .. مشكلتك هاي ..
علي : اتاذيتي من فقدتي اهلج ..! لتموتين گلبي وانتي اهله ..؟
هند : عفته و رحت للغرفه .. كعدت ابجي .. ابجي علية لحد وين وصلت .. اشتاقيت لهند القديمة .. حيل اشتاقيت الهاا .. جنت ابد مابجي .. ماعرف شنو الحزن اصلا .. اشتاقيتلها هوواي يمةةة ..
ام علي : اعذرها يمةة
علي : عاذرها يوم عاذرها .. بس گلبي رايدها .. يمةة الـ توفي لاهلها و متخونهم حتى و هم بكبورهم .. مالگي مثلها .. نادرة يمة نادرة حيل ..
رحت للسوك اخذتلها موبايل معذورة شلون ادخل گلبها و هو الدنيا املخته مباقي بي مكان صالح الي. .
فكرت اتواصل وياها بالرسائل بدون متشوف وجهي لان شافته و هي دافنه اهلها مكدرت تشوفه غير عدو .. اريدها تمس روحي .. ارواحنا تتواصل مو اجسادنا .. عشق الروح سرمدي .. انا اعشگها و اعشگ روحها .. اريد اصادقها و اخليها تثق بية ..
رجعت للبيت المغرب .. جانت كاعده بالمطبخ .. كالعاده عيونها مورمه ..
خليت الكارتونه كدامها ع الطبله ..
هند : كاعده بالمطبخ جنا اني و زهره ناكل كيك .. ماتغديت و جعت المغرب ..
طب خلا كارتونه موبايل كبالي ..؟؟؟
شنوو هذا ..؟
علي : موبايل ..
هند : ماحتاجه ..
علي : اخاف تحتاجي خلي يمج ..
عفته و صعدت لغرفتي .. انا خليت شريحه السيم بالكارتونه و حفظت رقمها يمي..
زهراء : بعد شتريدين .. بالخير عليج
هند : ماحتاجه .. اذا تريدين اخذي ..؟
