Spookify Unli (Offline)

Spookify#12

Nakagambala ng mga Kaluluwa

Hi po, silent reader ako dito at talagang adik na adik kami sa page nato, ang daming stories na talagang nakakakilabot. Isa ako sa mga taong nakakakita at naka experience na ng mga paranormal  events, so ikekwento ko yung 'the best experience', medyo mahaba ito pero di ka mabobored :) Here it goes.

Grade 5 kami ng mga kaklase ko ng naisipan naming sumama sa 5-days camping ng school, so ayon naka gayak na kami at ready to go na. So ayun nakarating na kami sa school na pag cacampingan namin, ang creepy ng school ang daming puno at sabi ng mga taga dito, dating sementeryo daw iyon noong panahon ng hapon. So ayun na nga may room kaming pinagliliguan pero sa tent kami natutulog, yung room na yun ang creepy niya eh pag pasok mo palang bibigat na pakiramdam mo. Pag dating ng gabi naisipan ng aming grupo na magkasiyahan, ang iingay namin tawanan,sigawan at may sayawan pa, trip trip lang namin tapos biglang nagkaroon ng brown out, nagulat kami at ayun nagsitakbuhan kami, pag tapat namin dun sa may malaking puno ng mangga may biglang nagsitsit ng sobrang lakas, talagang ang lakas niya at hindi naman kaya ng normal na tao yung ganon kalakas na sitsit lang, sa takot namin tumakbo na kami pabalik ng camp namin, yan yung unang creepy na nangyari nung camp na yun.

Fastforward na sa last night ng camping namin, busy yung mga taga ibang school  na nanunuod ng coronation ng mr. and mrs. BSP, pero kaming magkakasama sa camp ay nanatili lang sa loob, kasama ko sa camp yung tito (yes, tito ko na ka age ko lang at kaklase ko din.) biglang dumating yung dalawang kasama namin sa camp which is kaklase din namin, sinabi saamin na tignan yung room na creepy, yung room na tinakbuhan namin nung nagbrownout haha. Ayon nga, sinabi samin na tignan namin yun kasi yung ilaw patay sindi daw, so yun nga pinuntahan namin ng tito ko, pag dating namin doon bigla kaming kinilabutan at ang lamig ng hangin, sumunod na din yung isang teacher at ibang kasama namin, ang dami nadin nakiki usyoso, may pumasok sa room na taga ibang school na nagpatay nung ilaw syempre patay na nga yung ilaw ng biglang sumindi after ng ilang segundo kahit na wala naman nang ibang tao dun, at ako naman napatingin dun sa side ng room sa labas na may puno ng kaimito, tang ina dalawang itim as in itim na itim pero hugis tao na nakatayo doon sa side ng room, hindi nalang ako nagsalita pero yung tito itinuro niya yung lugar na yun at sabi niya may nakita daw siya dun, maya maya biglang may dumaan sa harap namin kasunod ng malamig na hangin, yung tito ko biglang nagsalita sabi niya nilalamig daw siya ng sobra, hindi ko lang pinansin  ng maya maya bigla nalang siyang umiyak at hindi na makausap, dinala namin siya sa camp namin patuloy padin sa pag iyak at ang sama ng tingin niya sa paligid habang sinusuntok niya yung kahoy na higaan, nagpasya na iuwi nalang siya nung gabing yun, sumama nadin ako sa takot ko hahaha. Kinaumagahan, dinala siya sa albularyo at sabi daw eh may yumakap daw sakanyang kaluluwa ng babae. Bumalik sila sa school na yun at nag atang ng manok at dasal, ayon okay naman na siya.

Turns out, nagambala pala namin yung mga kaluluwa sa room na yun nung unang gabi palang namin doon nung ang ingay ingay namin. Kaya sa mga nagbabalak pumunta ng ibang lugar matutong mag bigay galang :) Salamat po sa pag babasa kahit na medyo mahaba, marami pa akong real life experience pero ishashare ko nalang kung sakaling ma ipost itong unang story ko salamat po :)

Dranelei24
Pangasinan