قسمة ثم حب

١

يوميا الساعة ٤ مساء 

نقول بسم الله وان شاء الله تعجبكم 🙈

انا بت عادية من عيلة سودانية بسيطة وحيدة امي وابوي
امي موظفة واسمها نوال
وابوي دكتور واسمو عبدالرحيم
اسمي ريم عمري ٢١ خريجة علوم ادارية جامعة الخرطوم مواصفاتي متواضعة جدا😆 لا طويلة ولاقصيره اما الوش دا فما في بت شين ياجماعة اي زول فيهو الحاجة البتميز كان ملامحي عادية بس علي حسب كلام الناس عيوني عزاب كنت بسمع الحاجه دي كتير 😂😂 ومعاه خدره ناعمة وصوت حنين ديل تلاته ثوابة يومية كنت خدورية وكمان صوتي صغيروني 😆 دي المواصفات وكدا
ندخل في القصة توش طوالي
بعد الجامعة (ايام الرمتلة )
قاعدين انا وشلتي وعد واريج وحنان في بيتنا بنشرب في جبنه بي مزاج ومبسوطيين بي وعد العرسها اتحدد بعد شهر وعد صحبتي من الجامعة اول بت اتعرفت عليها بت عسل بي معني الكلمة دمها خفيف وصوتها عالي وطوالي فاضحنا كان بت طويلة وجسمها منسق وبتموت في القشرات وبتحب الميك اب ونفسها تمشي جويل 😂😂😂
اريج : انتي يا وعودي ان شاء الله سعيد دا موديك جويل وغمزة لي حنان
حنان : جويل شنو يابت لو وداها كوفير اماسي الفي اخر الشارع دا كويس ههههههههههههههه
وعد : ياحاقدات يابايرات واجعكم بس انا بدون مكياج قمر ١٤ 🌝
انا: اي صاح قمر ٢١ حبي انا هههههه
والضحك حقنا وصل اخر الشارع امي جات قالت لينا انتوا يابنات جنيتوا ولا شنو هرشونا طبعا 😇
الساعة خمسة جات طوالي قلت ليهم اي قرد يطلع شجرتوا بعد دا ورانا حوامة سوق وجرجره
كلهم بي صوت واحد : ياكعبة دا ما طرد هسي وطلعوا

طلعت قعت مع امي في الحوش منتظرين ابوي
امي : مبسوطة وعوده ربنا يهنيها ان شاء الله
وعقبالكم كدا كلكم
انا: اميييين يارب العالمين
امي: جنس شفقة هههههههه
وجرينا الونسة لين ما ابوي رجع من الشغل

رقدت نمت والصباح ما صحيت الا علي صوت حنونه
حنان دي صحبتي وبت جيرانا ماكنت بعرفها وما اتعرفنا الا في الجامعة انا بي طبعي ما زولة اجتماعة وحاصره نفسي في علاقات محدده
حنان دي ورده ماشاء الله بس بت قصيره وحلبية وعيونا لونهم اخدر علي عسلي حاجه كدا ماعارفه جابت العيون دي من وين وشعرها بني طوالي بنقول ليها حنان انت جدك دا عرس من المستعمرين يكون ههههههه .
صحتني بعنف طبعا لمن اتخلعت قمت استحميت وجهزة نفسي لي مرقة السوق اقرب عباية وطرحة سوداء
حنان: انتي يابت حاده علي منو ليك اربعة سنه بي الاسود دا ياخ البسي شي ينور
انا: يا بت كان ما السوق بعدين انتي حاسة بي شنو عاملة ذي عروسة المولد الالوان دي كلها لي بس
حنان : حاسة بالحب طبعا ح اشوف محمود 😻
انا : محمود دا يا حنان امسكي في قوي ياخ ههههههه
حنان : مالك الليلة قال اول مره تتكلمي عن الحب بي ايجاببة الجاك شنو طوالي كنت بتقولي الحب دا كلام فاضي وما واقعة ليك الشغلة اتكلمي سريع دا منو الخطف قلبك دا زول بعرفو كان بقرا معانا ببقي ليكم ؟؟؟!!!
انا: يابت براحة قولي بسم الله ماف شي بس حسيت بي الامومة وكدا ههههههه قلت اوصي بتي دي
حنان : كريهة انتي ياخ هسي قلت البت حبت مافي امل منك
* جات اريج داخلة وصبحت علينا اريج دي بت سمورية وجسمها ما شاء الله تبارك الله بت صحي صحي وملامحة حلوه وبريئة وطبعها هاديه بس معنا نحنا حاجة تانية خالص 😇
اريج: دي بايته معاك ولا شنو 😹
انا: بري يختي جات دغش تقول عازمنها شاي الصباح وضحكنا بنضحك كدا جات العروس
حنان : اخيرا يابت
وعد: يابت هوي الساعة ٨ يادوب
انا: دي حتلاقي محمود يختي عشان كدا اعزريها ياخ هههه وغمزة لي حنان واظرف شي قال خجلت
المهم مشينا السوق ولفينا لمن روحنا طلعت واتوفقنا ومن هناك اي زول شاف طريقوا
انا ووعوده رجعنا البيت
وحنان لي محمود واريج لي تقديم شغل واتفقنا نتلاقي اخر الاسبوع عشان وعد ح تتحبس وكدا

تاني يوم اتصلت علي اريج ميتة بي البكا
اتخلعت شديد وقلت ليها يابت مالك
ريم انا اتصلت احكي ليك لاني مخنوقة وحاسة نفسي ح اموت من الحصل معاي
احكي يا قلبي مالك
لمن مشيت الشركة لي الوظيفة وبدت تحكي لي عن تفاهة المدير وكيف انوا قال ليها الحاجة دي بي يدك والوظيفة و اي شي بتحلم بي بس هي كيف توافق ومد ليها عنوان بيت وقال ليها دي شقتي وانتي عجبتيني شديد ومنتظر ردك واخدي راحتك وسريع كتب رقمو وهي بي كل قوتها طبعت لي كف وطلعت بس رغم الموقف دا هي اتكسرت من جوه والحاجه دي بتوجع وبتكسر اي بت قلت ليها كان تديهو كفين وشلوتين وبنيتين ياخ و هجته و بعد داك قلت ليها انوا الحصل دا بيحصل مع كل الناس وربنا يحفظ كل البنات يارب ولازم نحذر البنات وفعلا طلعنا بي فكره مبادرة توعوية لي كل البنات واتفقنا نعمل المشروع دا

وانشغلنا مع وعد والحبسة وكانت احلي ايام
والعرس كان رهيب وكنا مطقميييين😹😹😹 فساتين بي الاسود
والفنان غني حنان دي معذبانا وكان احلي صدفة وحنان رقصة رقص المجانين
وصحبتنا سافرة شهر العسل جزر موريسيوش ماتسألوني وين لانوا هي زاتها ماعرفه سعيد زول سفر وحركات بحكم العمل عشان مترجم في شركة في دبي وزول طموح جدا وبتكلم تلاتة لغات ووجية المهم خلونا من النفسات 😭😹😹😹

عملنا المبادره انا واريج وحنان بس بي شكل اوسع عن التحرش ولقينا دعم كبير من البنات واستفدنا شديد من بعض

بعد تلاته شهور
نشوف شنو البحصل مع الثلاثي المرح
سنعود قريبا 😍