قسمة ثم حب

2

بعد تلاتة شهور

ظهرت قصة حب جديد 💘في الافق بدل ما حنان زاعطانا بي حبيبا محمود اللي بقي خطيبها وسافر السعودية عشان يخطف ست الحسن والجمال حنونة
محمود كان خريج جامعة السودان هندسة نفط وكان اكبر من حنونه المجنونة بي اربعة سنة واتلاقوا زاتوا وحبوا بعد بي معجزه صاحب اخوها الكبير😈 ههههههه ولد طوييييييل وملامحو عادية بس جزاب وراقي ونضارات وحركات وصحبتنا مسكت في قوي ههههههه

اريج وطارق

اول شي طارق فتي احلامنا كلنا 😂😂 ولد يادوب ٢٨ سنه وعندو شركة حدادي مدادي 😇 والوش ماتقدري تعايني لي مرتين اصلا ماتعرفي تعايني في شنو السكسوكة ولا العيون ولا النخرة حاجة كدا لمن عوارة والعيلة كلها كدا سبحان الله
اتعرف علي اريج بي حادثة اي حادث طقشها الاحوص 😂😂 صحبتي الحوصة ما هو والله وكسر يدها ومن اليوم داك الحكاية ظبطة
مشهد من بعد الحدث
اريج: الوو اهلين
طارق: بقيتي كيف طمنيني عنك انا اسف يا اريج ماكنت منتبه وبي سبب استهتاري دا انتي في الحالة
اريج : حصل خير وقضاء وقدر وانا كمان ما كنت مركذة قطعت ساي
*كسرة
طيبعة ساي البت دي دي كان انا كان قلت لي بعد كسرة يدي تتأسف واصلك مستهتر 😕
قال شنو قال قطعت ساي المهم نرجع ليهم
طارق : ان شاء الله خير الشاغل بالك شنو ،اسف لو السؤال دا بضايقك
اريج : لا عادي بس بفتش في شغل وحكت ليهو انها بتفتش وكدا يعني
طارق : اريج دخل علي خط تاني برجع ليك تمام
اريج :لا ما مشكلة مع السلامة وتصبح علي خير انا كمان نعست
الصباح
اريج جاتها رسالة فيها عنوان من رقم غريب لي شركة
وبعدها طوالي اتصل الرقم : الوو اريج محمد الحسن دوامك بيبدا معانا من الاحد طبعا
اريج : مين وانا ما قدمت لي شغل عندكم اصلا
الموظف: المدير طارق اخطرنا امس
اريج : تمام وقفلت
اتصلت علي طارق طوالي وقبل ماتفتح خشمها كانت الصدمة
قال ليها : عارف انهم خلعوك ناس الشركة بس والله انتي تستاهلي تشتغلي معنا ودا يشرفني وكفاية انوا خريجة الخرطوم وبعدين انا كاسر يدك وضحك ولو ما دايراني اكسر التانية تعالي بكره الشركة ونتفاهم علي كل شي وياريت ما ترفضي طلبي دا عشان اقدر اسامح روحي وقفل في وشها
صحبتي اتخلعت وطوالي دقت حكت لي انا يا ناس ولا كذبت قلت ليها طوالي امشي بكره وان شاء لله خير. وفعلا مشيت والامور بقت تكبر وتوضح وصارحها بي حبو ليها واعجابو وانا صدمها بي العربية عشان لخبط بين الفرامل والبنزين لمن شافها وكانت دي بالنسبة لينا نكتة الموسم  😂😂😂😂😂😂😂😂😂😂😂😂😂😂😂

اما ريم عبد الرحيم صحبتكم قاعده بس تسمع لي الثلاثي المرح
وكنت مبسوطة جدا لانهم مبسوطين
يوم قاعدين في احلي جمعة بعد ما وعوده جات من دبي وبنحكي وبنضحك
وعد : انتي ياريم ما دايره تحبي الله يسألك هسي كم زول قال ليك انا بحبك ورفضتي انا ح اشتري كراس بعد دا واكتب الناس ديل عشان تندمي
حنان : ريم انتي يابت الحب دا ما كلو كعب والله هسي شوفي انا واريج ووعد ما كلنا حبينا مالنا ما متنا 😑😑
اريج : احمد صاحب طارق دا دايرك ومكسر وانتي ولا علي بالك
انا : يا بنات انتوا عارفين انوا حلفت من بعد حسام ما ح احب وكفاية الجاني منو عارفة الناس ما كلها واحد وحسام زاتوا ما كان كعب بس دي القسمة وانا راضية وكمان ما قاعده احبوا والموضوع دا انتهي زمان بس ما دايره ارتبط يا جماعة ح اقعد كدا لمن تجي قسمتي
كلهم : كويس يا ريم الله يجيب قسمتك ويكون ودا حلال وحلو ومقرش 😂😂
وقفلنا الموضوع
بعد اسبوعين من النقاش دا مشينا انا وحنونه عرس في الحلة ووقعنا في الخدمة بي وشنا والحفلة والقشرة والعرس انتهي وذي اي عرس في الحلة وبعد دا ماف عريس 💔😹😹

في يوم راجعة من الشغل لي البيت طبعا اشتغلت مع اريج في نفس الشركة دخلت البيت لقيت في ضيوف تلاتة نسوان وكلهم مابعرفهم وسلمت طبعا ودخلت غيرت وعملت قهوة وشاي ومشيت نمت
وما اهتمت شديد بي الموضوع

ديل منو الضيوف ديل والبحصل شنو ؟؟؟!!!
يتبع