قسمة ثم حب

٢٠

خلص عرس حنون وكانت ايام ظريف شديد وحتي ماحسيت بالزمن دايما الايام الحلوة وسط الاحباب بتمر سريع وتفضل الذكره الحلوه
كانا مفروض نرجع خلاص الاجازه كلها كانت شهر وبعد عرس حنان اخدنا يومين زيارات بس سامنا علي كل الاهل والاقارب لا خلينا بخري لاخلينا ام دري ولا حتي الولايات ماخليناها يومين بس عليك الله ماخطيرين 😻💃
احمد : ريم دا اخر بيت الليلة
انا: جولة في السودان اها ببقو لينا شنو
احمد : عمتي بت خال ابوي عندها بتين وولد و.....
اي المعلمات الرئيسية دي طبعا قبل كل مشوار عشان الزول ما يقابض ساي قعدنا معاهم شويه كدا لكن مسكونا للعشاء احمد طوالي وافق
احمد : عمتي دي طباخه واكلها طاعم عزومه ذي دي ولا بفوتها هههه
انا : لا كان كدا نتعشا طوالي
كنا بنحب الاكل والاكل بحبنا 😍😍 عشا فاخر انا دي لمن خفت يقولو سعرانه فطار ولحمة وجداد ومخلل وحاجات كدا ترجع الروح للبطن اتعشينا عشانا داك وبعدها ما اشوف ليك الا التحليه بالانواع نسيت الاكلتو دا كلو وبديت من اول جديد كيك وبلح شام وبسبوسه ومكسرات 💜
طلعنا منهم وكنا قاعدين مع عمتي في بيت احمد يعني وشهد واولاد معاهم ودي اظرف حاجه
شهد : الناس الحوامه
انا : اسمتي ساي لكن الليلة ختامه مس
احمد : مشينا ناس عمتو رحاب و اتعشينا عندهم
شهد : وب علي ياريت لو مشيت معاكم
انا : اي والله فاتك عشا اسطوري
عمتو : اهليين بالعرسان حصانكم جراي عاملين شاي لبن بي كيك
احمد : ماف نفس
شهد : الا يمسحو بي برا ديل ضاربين عشا فاخر هههه
انا : ولا ماف طريقه هههه بس بنقعد معاكم نتونس
عمتو : حبيتي انتي غير ونحنا في الحديقه
كنا مسافرين تاني يوم عشان كدا قعدنا اتونسنا معاهم والقصص والضحك
تاني يوم
من الصباح بعد الشاي طوالي مشيت لي امي وقعدت معاها ولقيت ليك امي ما خلت شي ستفتو لي شنطه كبيره ههه
انا : امي دي كلها
امي : اي يابت هوي فيها اي شي حتي هدومك الهنا ختيتم ليك
انا : خلاص كويس طرد عديل دا
امي: اي طرد
ابوي: تاني ياريم فريب دا مابنشوفك !؟؟
انا : لا لا وين ايه عرس اريج
ابوي: حتعبتي الراجل دا بس الله يصبرو
امي: هوي التعب لي بتي راحه 😉
وبقينا نضحك زالعصر جاتني اريج وقعدنا سوا لين المغرب وطيرارتنا كانت الساعة ١٢
عملو لينا لمه بسيطة كدا في البيت
وبعدها طوالي علي دبي 💃💃💃
ودعتا امي وابوي وشهد والناس كلهم بس الدور دا وانا مطمنه علي نفسي ومبسوطه

كل الاحداث اتعادت براها بس بالطريقة السمحه
الدنيا دايره صبر وما دايما البدايات الكعبة بتستمر وحلو النهاية تكون نهاية خير بعد الصبر والتمسك بالامل ودابما الزمن بلف ويدور وفي الدوره دي حجات كتيره بتتغير بس حلو التغير للاحسن وقسمة ربنا دايما لي خير
والحب اساس اي شي حلو 😍

ح اخلي الرواية بدون نهاية محدد ليكم حرية الخيال في شكل الحياة حتكون كيف مع ريم سمو اولادها انتوا ههههه واتخيلو حياتها براكم بعد دا

واخيرا وليس اخرا

ان شاء الله ربنا يسعدكم كلكم والماعريت تعرس والعرس ربنا يهنيها ويحقق كل امنياتكم وما تنسوني من دعواتكم وادعو ربنا يحقق امنايتي واي دعوه خير منكم تسعدني 💜

وانبسطه جدا بالتجربة دي وتفاعلكم مع الرواية

وشكرا جزيلا مع كل الود والاحترام

رويدا حسن